tg-me.com/mlamemd/3147
Last Update:
الوداع الوداع ياحبيبي حسين
.................
الليله اخر ليله نبقى صعبه بفراق الحبايب
والهظيمه ابيوم عاشر تنزل اعليه المصايب
باجر ايساعدني الله لذبح دلالي ذايب
طيحتي باجر ثكيله والقمر بشده غايب
الوداع الوداع ياحبيبي حسين
..................
يخوتي معقوله يعني هالمسه اخر مسيه
من يطر باجر علينه انودع اوداع المنيه
شنهو الجواب ارد اناشد لو ضرب واحد رقيه
هاي صعبه اعليكم ادري من يسموني سبيه
الوداع الوداع ياحبيبي حسين
...................
جرح الموادع اودعه من اودع روحي بيدي
والله موسهله عليه من اودعك ياعضيدي
لامحامي بس شماته بالله ياوناتي زيدي
ياكفيل ردلي ونا انطي عيني ونطي ايدي
الوداع الوداع ياحبيبي حسين
...................
الله لاراوني خويه من تدوس اخيول صدرك
ياحبيبي والله صعبه باجر اينثرونه عطرك
انعمت عيني عساها وشمر سيفه اعله نحرك
عمري ريته احسين لجلك كله فدوه لهذا عمرك
الوداع الوداع ياحبيبي حسين
...................
العتب مسموح خويه من تشب بالخيمه نيران
اضن تدري بيها خدرك ويه اطفال اويه رضعان
جفك الجان اعله أيدي ويلي باجر ويه عدوان
انهض وشوف المصيبه ذبحو احسين وهوه عطشان
الوداع الوداع ياحبيبي حسين
.................
يمه وينج يالحنينه شيبتني كربله
والدي الكرار وينه خليشوف المعضله
صارت المسبيه زينب بويه ماني امدلله
من بعد خدري ودلالي لليسر هم راحله
الوداع الوداع ياحبيبي حسين
خادم الحسين
محمد السريفي
BY الشاعر محمد الشريفي
Warning: Undefined variable $i in /var/www/tg-me/post.php on line 280
Share with your friend now:
tg-me.com/mlamemd/3147