tg-me.com/mlamemd/3275
Last Update:
*استشهاد* *الزهراء* (عليها السلام)
لسان حال زينب
ليش الحنان مني اختفه
امي تروح وراح الوفه
......................
يادنيه ليش ابهجرح هديتي حيلي
هاج الحزن بيه وكمت مانمته ليلي
امي عزيزه وتنفقد تجرح دليلي
قلبي ابونينه وعالهظم يادمعه سيلي
نعمه ودواء وهيه الشفه
امي تروح وراح الوفه
................
هيه رحيمه وبالنعم تنضر علينه
بس للأسف كل البخت راح امن ادينه
ريت امن افز كون بحلم والكه الحنينه
قلب الفقد امه يظل زايد ونينه
عمري صغير ورت الدفه
امي تروح وراح الوفه
.................
زينب انا ردي علي لو حته كلمه
هذا الحسين ابوحشته بعدج تألمه
وحته الحسن من الحزن زايدله همه
تذرف عيوني امن البجي احجي ييمه
بعدج عذاب لينه لفه
امي تروح وراح الوفه
...................
حضن الذي مني اختفه ليه شيرجعه
صوت الذي دافي بعد هيهات اسمعه
يادنيه كولي ابيا سبب طفيتي شمعه
كل البقه من دنيتي ونه اويه دمعه
ليه الجروح متلهفه
امي تروح وراح الوفه
................
يابويه حيدر عصبر لاتكلي صبري
لاتدفن امي ياعلي ادفلي عمري
اول مصيبه وبلحزن كسرتلي ضهري
بطف كربله بويه انه سوط اعالخدري
اكثر عذاب شلون اوصفه
امي تروح وراح الوفه
*خادم الحسين*
محمد الشريفي
BY الشاعر محمد الشريفي
Warning: Undefined variable $i in /var/www/tg-me/post.php on line 280
Share with your friend now:
tg-me.com/mlamemd/3275