tg-me.com/moychechak_ifori/9477
Last Update:
🇺🇿 JONAJON O‘ZBEKISTON, MANGUGA BO‘LGIN OMON!
O‘zbek xalqim, azaldan, bo‘lolding jonlarga jon,
Qo‘lingda nur taratar ibrat, mash’ala har on,
Har ishda, tafakkurda dunyoga yuzlanding rost,
Bugun olam tan oldi, noming tillarda doston!
O'ttiz yoshing muborak, sen ko‘hna yurtim Turon!
Jonajon O‘zbekiston, manguga bo‘lgin omon!
Butun dunyo tan olgan, bugun buyuk Temurni,
Kuch adolatda debon zabt etgan Osiyoni,
Shu jasur sarkardaga har o‘g‘loning andoza,
Tenglik, adolat sabab lol etgan keng dunyoni!
O'ttiz yoshing muborak, sen ko‘hna yurtim Turon!
Jonajon O‘zbekiston, manguga bo‘lgin omon!
Navoiyning xonishi har so‘zing, har she’ringda,
Boburning yurt sog‘inchi, har bir o‘g‘il, qizingda,
Qancha qalblarga, orzu, armon ham bo‘lganing rost,
Eng yorug’ yulduzdirsan, Ulug‘bek ko’zlarida...
O'ttiz yoshing muborak, sen ko‘hna yurtim Turon!
Jonajon O‘zbekiston, manguga bo‘lgin omon!
Senda Qodiriylar bor, bor Oybek, Uvaysiylar,
Tarbiyang o‘chog‘idir, Sheroziy, Avloniylar,
Ibratlari qon-qonga singib ketganlari rost,
Ko‘p hali daholaring, Termiziy, Beruniylar.....
O'ttiz yoshing muborak, sen ko‘hna yurtim Turon!
Jonajon O‘zbekiston, manguga bo‘lgin omon!
Registoning, Arkingni ko‘rish orzu kimlarga,
Mevasi tilni kesar makon bormi, qaylarda?!
Tinch yurtga ollohimning nazar etganligi rost,
Ozod yurt, iftixorla, ishonch bergay dillarga....
O'ttiz yoshing muborak, sen ko‘hna yurtim Turon!
Jonajon O‘zbekiston, manguga bo‘lgin omon!
Sendagi ishonch bugun qanot bo‘lgay yoshlarga,
Bergan kuch, e’tiboring g‘urur solgay qalblarga,
Qalbimda otash ila, senga tirgak bo‘lgum rost,
Bayrog‘ing noming birla, teng bo‘lsin dunyolarga....
Yuz yoshingni qarshilay, baxtdan sarxush, tinch Turon!
Jonajon O‘zbekiston, manguga bo‘lgin omon!
🌿Hurmat bilan, Mohinur Saidova Jonpo'latovna (p.f.f.d., dotsent)
🌿@moychechak_ifori
BY BEG’UBOR QALB🕊
Share with your friend now:
tg-me.com/moychechak_ifori/9477