tg-me.com/mustafa_aledany/253
Last Update:
حزني مصاب الضامي
اســمــه دوة لـ آلامي
لــو لا خدمته اضيعن
و ابقى رهين اوهامي
هــوَ سـتـرنـي فيايـه
و دلاني اعلـه قـرايـه
انا العاصي و رحمته
لـمـتـنـي بـ فَـي رايـه
اعـظـم گـلـب سيدي واحــــد ولا صَح مثيل
مـن ذنبي شـدني اله عدلني مـن چنت اميل
حاويني بَس ضَل غريب لو اعمى ما اوفي اله
لازم دمـــاهـــا تـــصـــب عـينـي لــ حنين المَله
عمــري انذره لــراعي الخيام
يگضي عمري حسين حسين
مــاكــو راحــه و لا ليل انـام
يبقى كَـسـري حــســيــن
حتى مــــا اضمه عياله سام
عَله گـدري حسين حسين
للي صـــدره تلگى الــسهـام
اطوي صدري حــســيــن
،،،
مولى مولى حسين حسين
،،،
اشــــري عزائه بروحک
اصدق و خيره يلوحک
حــــزنــک يـعـم ايامک
وافـــي لـدَم مذبوحک
عمرک عيشه لـ بيته
ضَـــي دربک تعزيته
انـــذر عـمـرک دمعه
لـ احــزانه و واعيته
شوفه بگلب مــــو بصر و حـسينـک تأمله
بالغربة و انت بدلال و مجافي طف كربله
بدموعک ارسم درب من عنده توصل اله
كافي بحياة الـــوهم انـوي لخيامه و هَله
اندب اسـمـه و عـيـنـک تغير
مـــا توافي حسين حسين
لـم شـتاتــک و لأسـمـه ســير
لا تجافي حــســيــن
صــفــي گلبک لأجـــل الامير
گلبه صافي حسين حسين
ذب وقـــارک و تسمى اسـير
گلبه دافي حسين
،،،
مولى مولى حسين حسين
،،،
عــاهــد عـزيــز الزهرة
ردد يــضــامـي و اقرة
يا سيدي اعله مصابک
ابــقــى اهِـــــل العَبرة
ديـن اليواسي الدمعه
هلها لـجرحه و وضعه
امـــــــه تحب اليبچي
طــاري حسين و ينعه
واسي گلب فاطمه مفجوعه و اعليه تون
شافته فوگ الثرى مــا بـــي كتر ينحضن
لا تغفَل و تـنـجــرف للــراحـه و تـسـد جفن
هِد حيلک من البچي عيش الهظم و الحزن
غـربـة عيش و فـارگ هــواک
ابچي حبک حسين حسين
لا تـضـيـــع و دمــعــک دواک
خلي دربک حسين
انـسـى كلشي و خلي مُــناک
يهوة گلبک حسين حسين
إذكــر شگد مـــــن چفه هاک
گاضي كَربک حسين
،،،
مولى مولى حسين حسين
،،،
سافر و اخذ متاعک
للشاري و مــا باعک
بحر عيونه متانيک
حيهم حل شراعک
شـــوگک بـــس لعيونه
اصحى و كافي تخونه
عـــوف الدنيا و اسعى
هالحب كــــون تصونه
ريح العشگ خل تهب بيک و ضمه اعله الهوى
عـــاري الهدم منسلب وَحـــــده بأرض نينوى
عادة اليحب ينكسر ع الــحَبه و ينوح اله
فشلة الگلب ينجبر و ينسى الجرة بكربله
ع الـمـواســي زحـمـه السكوت
يگضي ليله حسين حسين
يهدة كلشي و بي يعلى صوت
يدوي حيله حسين
جـافـي دربـک و بـدربه فــوت
و اعتنيله حسين حسين
لــــــو تــوافــي واجــب تموت
هم قليله حسين
،،،
مصطفى موعد العيداني
@mustafa_aledany
@MUSTAFA_MAEED
BY مصطفى موعد العيداني
Warning: Undefined variable $i in /var/www/tg-me/post.php on line 280
Share with your friend now:
tg-me.com/mustafa_aledany/253