tg-me.com/mustafa_aledany/261
Last Update:
ضعن الغيرة هالمبعد و مغرب غـــاد
گَرَب حَل احلى عشرة مـا چن تنعاد
انوار مـــــن الـــــديرة مشو
للـــــگاع التذبحهم اجــــــو
ضنهم صح كل مرسال اجه
مـــن وصلوا يا ويلي شلگو
شـــــــافوا العجَب مشروع الذبح
و الــفخر لـــهَب و شـ شال الرمح
و المَشي الي دَب چم آه و جــرح
ويلي كربله جرحت چم گلب
بيها عـــايلة شافوها الـــغرب
و الكفَل هَله ضل فوگ الترب
،،،
طلعوا و بنية طلعت من عدها الروح
تمنت تسمع تعالي و امشينا نــــروح
شگد تانت بس مامش خبَر
طَگ گلب الضَلَت و انكسر
اخـذوني اخدمكم بالدرب
گــلـب حسين اعليها انفطر
بويه عالسفر مـــا بيچ الحمل
باچر الدهر مــن وضحة لهزل
و اجمل الصور يحرگها الحبل
ياذي هالدرب بــي خـــوف و ألم
بي حچي الغرب يذبح چن سهم
و الوضع صعب لـــــو طاح العلم
،،،
بالخوف و بالحذر هَم ضعن المهيوب
ترهِب ليلة سفرهم و چـم روح تلوب
مخنوگة اصـــــــدور العايلة
بـــالحَسرة و بـ الــهَم شايلة
من بيت الهادي اعلى الذبح
و بــــــاچـــر دمعتهم سايلة
بــاچــر الخيم تـــاليهـا جَــــمر
و الجزاه سهم ما يخطي شمر
تفگد الحــــــــــرم وليان العمر
كلها يـــا علي تـــندب بالهظم
حـرمة تنولي شتگول و تضم
ماكو بَس هَلي تطلَع ع الظلم
،،،
اهـــــلاً يا رحمة الله حَي بيت حسين
مــولاي شما دنيتوا الطَف يدنى البين
طَف شيمة كافل مــاكـــو بي
بـــي هزلة و حـــــداي اجنبي
چم سوط اعلى متون الحرم
و نـــــار تلوح اطــراف العبي
يـعـزِم الــقَدَر و يغَرب مَـرة
بلاية چَف گمر تطلَع حايرة
و العَليها مَر ويلاه مــا جرة
تطلع بـسَبـي و يهيج الــــجرح
جوهرة نبي تنشاف الــــــصبح
ماكو طالبي كـــل راس بـ رمح
،،،
مصطفى موعد العيداني
@mustafa_aledany
@MUSTAFA_MAWEED
BY مصطفى موعد العيداني
Warning: Undefined variable $i in /var/www/tg-me/post.php on line 280
Share with your friend now:
tg-me.com/mustafa_aledany/261