tg-me.com/nasrakabra/489
Last Update:
#بۆ_ساڵڕۆژی_ڪۆچی_ئیمپڕاتوری_شیعری_جیهان_مامۆستای_نەمر_شێرڪۆ‌بێڪەس
دەگەڵ تاسە و بوومە لەرزەی ئەم هەواڵە
ڪە هێناویه ئەو شەماڵە
وا هەست دەڪەم گۆیژەو ئەزمەڕ
یەڪ جێ بەسەر ماڵی دڵم دا ڕوخاون
لە هەر جێیێڪ قومە ئاوێڪ دەخۆمەوە
هەست دەڪەم هەموو زووخاون
ئەو قەڵایەی پارێزەری زمانم بوو
هەڵگری جەژن و شادی و خەمەڪانم بوو
گوایە ئێستا داڕماوە
لەو مەڵبەندە زمانەڪەم ئاڵا هەڵگری نەماوە
دەستم بە داوێنت شەماڵ
قاسیدی متمانەی هەواڵ
گازێڪم بۆ بڪەو بڵێ ئوستاد مەڕۆ
لەو هەلە گەرم و ناسڪە دا چبڪەین بێ تۆ
ئوستاد مەڕۆ بۆمان بدوێ لە دەربەندی بازیان و
لە ئەزموون و بەردە قارەمان و
مامە ڕیشەو مامە یارەو
گۆڕستانی چراڪانو
خەمەڪەی وەستا ڕەجەب و
بەند ڪرانی تۆپەڪان و زۆر شتی دی
ڪە گەل شانی وەبەر داون بە ئازایی و بە ڕەشیدی
ئوستاد مەڕۆ من نازانم بە ڪامە خەت و
موڕەڪەب بیرەوەری دارستانم بنووسمەوە
من نازانم بەڪامە ڕەمز و نیشانە پەری شیعر بناسمەوە
ئوستاد مەڕۆ جارێ هێستا
لە ڪورەی خەم و پرسەدا نیشتمانم ،
من وەڪو تۆ لاوانەوەم بە سۆز نییە و
بۆو ڪێوانەش لاوڪی باش باش نازانم،
هێستا گێژم لەنێو خەمی
ژانە ڪۆچی تۆپ زاوا دا
جێم مەهێڵە لەنێو تەنوورەی
خەباتی ڪوردستانی ڕۆژاوادا
ئوستاد مەڕۆ جێم مەهێڵە لەنێو ڪۆسپی نیشتمانا
لەنێو غەڵبە و تەپ و مژ و
زێڕەو خۆڵی بوردمانا
من نازانم دلێری چۆن تۆمار دەڪرێ
لە شەڕی مەرگ و ژیانا
من نازانم شیعرو ئەسرین چۆن دابەش ڪەم
بەسەر جەنازەی ڪوڕانی قارەمانا
ئەی چبڪەین بۆ ڪۆڕی سروود
لەبەرگری و لە شاڵاوی بەرخۆدانا
ئوستاد ئێمە ئەمڕۆ لەتۆش بێڪەسترین
لەنێو غەدری عەرز و حوڪمی ئاسمانا
ئەمن دەبێ ڕۆژێک خۆڵی سەرێڪانی
وەسەر ڪم و
ڕۆژەڪەی تر لەگەڵ قەندیل بناڵێنم
شەوێ مەراقی چوارچرا بنووسمەوەو
خەو ببینم بە ناسۆری ڪەرڪوڪەوە و
چینێڪ بگریم بەسەر زامی ئۆجەلانا
بۆ سبەینێش سروود هەڵدەم بەسەر
شەڕی جولەمێرگ و شەمزینانا
ئوستاد ئاڵای زمانەڪەم پێ بسپێرە
بۆتۆ ڪاتی پشوودانە
من قووتابی حوجرەی هێمن و هەژارم
خەڵکی شاری وەفاییم و وەفادارم
من سوێند دەخۆم بەو زمانەو بە قەڵەمە لە تەبەقی ئیخلاسی نێم هەرچی هەمە
#ناسر_ئاغابرا
#ژاڪــــــاو
https://www.tg-me.com/us/ژاڪــــــاو/com.nasrakabra
BY ژاڪــــــاو
Warning: Undefined variable $i in /var/www/tg-me/post.php on line 280
Share with your friend now:
tg-me.com/nasrakabra/489