tg-me.com/nau_belarus/2718
Last Update:
Адзначым Дзень Волі разам!
Незалежнасць — наш здабытак, які мы павінны берагчы. Кожны год беларусы па ўсім свеце адзначаюць свята, прысвечанае нашай незалежнасці — гадавіну абвяшчэння Беларускай Народнай Рэспублікі. Свята, якое ў народзе называецца Дзень Волі — добрая нагода, каб прадэманстраваць, што беларусы працягваюць змаганне і барацьбу за незалежнасць, што беларусы не здаюцца ў сваёй празе да волі. Мы заклікаем беларусаў Варшавы прыняць удзел у святочных мерапрыемствах і адзначыць нацыянальнае свята разам!
Святочныя мерапрыемствы з нагоды Дня Волі адбудуцца ў Варшаве ў нядзелю, 24 сакавіка, а іх кульмінацыяй стануць шэсце і мітынг — ініцыятыва Аб’яднанага Пераходнага Кабінета, Беларускай асацыяцыі палітвязняў «Да волі», суполкі «Беларусы Варшавы», Беларускага Моладзевага Хаба, Free Belarus Center, Руху Салідарнасці «Разам», Музея Вольнай Беларусі, а таксама каманды Народнага антыкрызіснага ўпраўлення. Мерапрыемствы пройдуць пры інфармацыйнай падтрымцы Беларускага Радыё Рацыя, радыё «Ўнэт», тэлеканала «Белсат» і Еўрарадыё.
А 14-й гадзіне на Плошчы Трох Крыжоў (Plac Trzech Krzyży) пачнецца шэсце да помніка Мікалаю Каперніку (pomnik Mikołaja Kopernika) — месца правядзення традыцыйных нядзельных акцый. Фінальнай пляцоўкай падзеі стане Замкавая плошча (Plac Zamkowy), дзе адбудзецца вялікі электрычны канцэрт. Удзельнікаў падзеі будуць чакаць выступы палітычных і грамадскіх дзеячаў з Беларусі, Украіны і Польшчы, а таксама выступы беларускіх артыстаў, сярод якіх Піт Паўлаў (N.R.M.), Belarusian Truestory, Atesta, Lite Taler, The Superbullz, Dzieciuki і іншых.
Падчас імпрэзы будзе ладзіцца збор данатаў для палітвязняў. Падтрымаць збор на правядзенне імпрэзы можна па спасылцы.
@nau_belarus
BY Народное Антикризисное Управление
Share with your friend now:
tg-me.com/nau_belarus/2718