🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 95 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ذياب من صدمته لف ع ملاذ يبي يشوف ملامحها هالحظه لكن انصدم وهو يشوف وجهها بدون أي تعابير ، ملاذ النار يلي شبت بصدرها لو تطلع كان احرقت العالم بأكمله
ليان كررت كلامها : ذياب ابيك انت ، ليه ساكت ليه ما تقول شي ساعدني يا ذياب تكفى تكفى
ذياب مسح ع وجهه وزفر أنفاسه بضيق : ليان استوعبي كلامك ، وبعدين انا شدخلني وش يلي اساعدك بصفتي مين يعني بالله عليك اروح أقول ل ابوكي لا تزوجها ، فكري و استخيري ترا زياد والله رجال كفو و افضل مني
ليان : ما ابي افضل منك ابيك انت
ذياب توتر اكثر من برودة ملاذ وهدوئها وكيف انها للحين ساكته : قلت لك انتِ مثل بنتي ، الله يوفقك ولا عاد تتصلي فيني .. تنهد بضيق وناظر ملاذ : سمعتي كل شي و أتوقع فهمتي بعد السالفه ما تبين تقولي شي ساكته من بداية المكالمه ؟
ملاذ : ادري انها بتتزوج سحاب كلمتنا لكن ما ادري انها وقحه لدرجة تتصل فيك وتقولك هالكلام وهي تدري انك متزوج ، المهم ماعلينا من هذا كله ما رح تمشي ؟
ذياب بصدمه : امشي ؟
ملاذ ابتسمت رغم انه قلبها صار مثل الجمره احرقت روحها اخذت نفس وكأنها تستنشق نار وابتلعت جمره ثانيه لكن ابتسمت ل ذياب و كملت وهي تهز راسها و تثني ع كلامها : ايه امشي ، لك ساعه واقف وبعدين لسه ما اشتريت لي القهوه و انا مشتهيتها مرره
ذياب ناظرها بذهول لف عنها وكمل يسوق وهو يفكر هالبنت عندها قلب ومشاعر والا ما عندها توقع تصرخ تعصب تبين حبها له وغيرتها عليه لكن يلي صار العكس ما قالت شي يدل على هالاشياء تنرفز منها ومن برودتها وهدوئها يلي قهر قلبه كيف انه عندها هالقوه لحتى تقدر تكتم غضبها و تكتم غيرتها وحبها ، ما يدري ليش زعل منها وتمنى يشوفها وهي تغار عليه او ع الأقل يشوف زعلها !

أخبأ لك حب اعظم مما ظهرته لك
ليتك تستطيع ترى كيف تبدو بداخلي .
.
ليان كانت جالسه بغرفتها و نايمه فوق سريرها و تبكي بصوت ما تبي تتزوج ابدا لانه حاطه براسها وعقلها انه بتتزوج ذياب بيوم من الأيام ، حست قلبها مُرهق وتعبان من كثر البكاء ويلي ارهقها اكثر لمن اتصلت ع ذياب تستنجد فيه يقولها الله يوفقك حست انها شي عادي بالنسبه له بينما هو كل شي بحياتها ، رفعت راسها و هي تحاول تتنفس من كثر البكاء اندق الباب و دخلت حصه و اول ما شافتها بهالحاله تقطع قلبها على بنتها قربت لها بسرعه وضمتها : ليه تبكين يا ليان ؟لهالدرجة ما تبين زياد ؟
ليان بعدت عنها و شهقت بصوت : يمه ما ابي اتزوج ما ابي زياد كلمي ابوي
حصه : والله الرجال ما ينعاب ولا ينرد ليه رافضه ترا رجال مثل زياد ما يدق باب بيتنا كل يوم انا أقول استخيري بالأول وفكري وبعدين قرري وش تقولي
ليان مسكت يدها بتوسل : لا يمه ما ابيه ، تكفين تكفين ساعديني والله ل أهرب و اختفي من الوجود ولا تشوفين وجهي
حصه عصبت من كلامها : وش تقولي وش تخربطي انتِ !
ليان مسحت دموعها بقوه : ما احبه ولا اعرفه قلبي مايبغاه قلبي يحب غيره يا يمه قلبي يحب ذياب .. كملت وهي تشهق وشكلها يُدمي القلب : انا احب ذياب يا يمه
حصه هاللحظه وش نقول عن شعورها ونظرتها لبنتها انصدمت صدمة عُمر تمنت لو ماتت ولا سمعت هالكلام بنتها تحب واحد متزوج و اكبر منها ب 20 سنه ومين ذياب يلي تزوج ثلاث مرات
ليان فزت ع كف بوجهها خلى دموعها توقف وناظرت أمها لبُرهه وخلاها تستوعب هي وش تقول
حصه هزت راسها بحزن : ذياب ! ما لقيتي الا ذياب تحبينه؟
ليان ضمتها وكانها تتمسك فيها : يمه افهميني
حصه دفتها بقوه : وش يلي افهمك قولي لي وش افهمك ! انجنيتي! انهبلتي وش قاعده تقولي وش تخربطي تحبي واحد بهالعمر ومتزوج تدرين وش يعني متزوج يعني ما يدري عنك وكلامك هذا يخرب بيوت ويهدمها
ليان حطت يدها ع قلبها و خبطته بقوه : وقلبي يا يمه وقلبي وش اسوي فيه والله لو اقدر ل اشق صدري و ارمي هالقلب ولا اتعذب هالعذاب كله ، انا كل مره اشوف ذياب احبه اكثر وكل مره تزوج كنت انهار و ابكي كنت أعيش ليلة زواجة بصراع مع قلبي والحين كل ما اشوفه مع ملاذ قلبي ينحرق .. كملت وهي تصارخ وتبكي : قلبي يعورني يا يمه قولي لي وش دواه تكفين ارحميني و انقذي بنتك من الموت البطيء
حصه رغم صدمتها الا انه سحبتها لحضنها وضمتها بقوه قلبها تقطع عليها وعلى الشي يلي تعيشه غمضت عيونها ونزلت دموعها وهي ما تدري وش تسوي ولا كيف تنقذ بنتها من هالحب يلي بيدمر حياتها .

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 96 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ذياب فتح الباب بالريموت اول ما دخل سيارته ملاذ نزلت قبله عشان لا تشوف وجهه لكن وقفت وتاففت انه مفتاح البيت معاه
ذياب وقف وراها و تعمد يلصق فيها مد يده وفتح الباب وهمس : الهروب مو علاج
ملاذ تنرفزت لكن تجاهلته اول ما دخلت البيت راحت للحمام دخلت وسكرت بالمفتاح اخذت نفس عميق وكانها تختنق فتحت المويه وغسلت وجهها اكثر من مره حست داخلها نار شابّه ولا هي راضيه تنطفي ولو تشوف ليان هاللحظه بتخنقها وتقتلها بدون أي تردد ، اخذت نفس عميق و زفرته وهي تحاول تهدي من نفسها ،
فتحت الباب و طلعت و مشت لصاله وكان ذياب جالس ب اخر درجه رفع عيونه و ناظرها وسرح فيها
ملاذ : جينا نشوف البيت والاثاث مو جينا نسرح ببعض
ذياب وقف وابتسم لكلامها قرب لها وسحبها من خصرها بعنف وشد عليها رفع راسه و ركز بعيونها بقوه : لمتى تكابرين ؟
ملاذ رغم انه حضن ذياب هزها من الداخل وبعثرها لكن بينت العكس و ارتسمت ابتسامه هاديه : ما اكابر ابدا الظاهر تتوهم أشياء
ذياب : والله يا دكتوره ملاذ انا اشوف غير اشوف انه في نار شابه بعيونك
ملاذ بلعت ريقها وتكلمت : اترك خصري
ذياب : ماهو خصرك لحالي انتِ كلك ملكي وهالخصر ملكي بعد .. شد عليه اكثر وقرب لها
ملاذ حست انه النار يلي داخلها اشتلعت اكثر رفعت يدها ليده ودفته بكل ما لديها بقوه : لا تلمسني
ذياب مسح ع وجهه : أوقات أقول سبحان من زينها بعقل و أوقات أقول وين عقلها
ملاذ رفعت صوتها : انت تبي تجنني
ذياب بحده : لا ترفعين صوتك ، وبعدين معك انتِ شفيك وش قلبك ليان اتصلت و انتي سمعتيها ب اذنك وسمعتي ردي لها ليش هالكثر زعلانه ومتوتره ؟
ملاذ : تقنعني انه انت مالك علاقه ابدا !
ذياب رفع حاجبه وناظرها بصدمه : علاقه ب ايش ؟
ملاذ : البنت متعشمه فيك و استنجدت فيك انت بدل اخوانها ، ليان معميه فيك تراها تكرهني وكل مره ترمي كلام وتحاول تستنقصني و أقول صغيره طنشيها يا ملاذ اتاري البنت عشقانه زوجي وبصريح العباره تقولها لك وبدون أي خجل
ذياب تنهد بضيق : ملاذ وش اشرح لك بس والله مافي بيني وبينها شي وترا ليان مثل سحاب ترا اشوفها بنتي ولو احبها والا ابيها والله ل اتزوجها لو كل العالم وقفت بينا ، بس انا اخترتك انتِ يا ملاذ
ملاذ حست روحها بتطلع ناظرت ذياب عكس نظراتها يلي قبل شوي همست : تعبانه ممكن ترجعني البيت ، ما ابي اشوف بيتنا و انا بهالوضع
ذياب هز راسه بضيق ومشي قدامها : انتظرك بالسياره .
.
سلطان دخل البيت وكان هدوء والانوار طافيه طلع الدرج وقف عند باب غرفته لكن تراجع و راح غرفه امه دق الباب و انتظر لين منيره فتحت له اول ما شافته ابتسمت : هلا يمه
سلطان باس راسها : كيف حالك ؟
منيره : الحمدلله ، الا وش جايبك عندي هالوقت وتارك زوجتك غريبه !
سلطان ابتسم لمن عرف انه سحاب رجعت توقعها تعاند وتنام ببيت أهلها : سحاب متى رجعت؟
منيره : بعد صلاة العشاء
سلطان : تبين شي يا يمه بروح انام
منيره : الا قول بتروح عند سحاب
سلطان حس من نبرة صوتها انها تضايقت : بشوفها اليوم ما شفتها
منيره : خلص روح نام ، الله معك ..
سلطان دخل غرفته وكانت بارده جدا والانوار طافيه مافي الا نور الابجوره شافها نايمه ع جنب ومتغطيه باللحاف ابتسم بحزن وهو يشوفها نايمه ب امان وتذكر كيف كلمها بالصباح وعصب عليها ،
سحاب فزت بخوف ولفت عليه : سلطان
سلطان باس جبينها : عيون سلطان
سحاب : متى جيت ؟
سلطان : الحين وصلت .. سكت شوي و كمل : سحاب ادري انا عصبي و أوقات ازعلك
سحاب قاطعته : أوقات !
سلطان : والله انه انا أخاف عليك و احبك
سحاب دمعت عيونها وسلطان مسحهم وباس خدها : لا تبكين رجاءٍ
سحاب : أوقات افكر أقول كنا قبل الزواج مبسوطين اكثر
سلطان : لا لا ، لا تقولين هالكلام ولا تفكرين فيه طبيعي رح نمر بمشاكل كثيره بس هالشي ما يغير محبتك بقلبي ابدا
سحاب : انا احس انه تعبت ما ادري كيف ارضيك او اكسب رضاك ما ادري سلطان ما عرفت افهمك وعجزت افهمك والله
سلطان تنهد بضيق : كل يلي سويته عشان خايف عليك فكري فيها شوي ترا باقي لك خمسه شهور و تولدي ارتاحي هالفتره وترا ماراح تضيعي سنه بس ترم يا سحاب ، صحتك وصحة ولدنا اهم من أي شي
سحاب لفت عنه وضمت نفسها و دموعها تنزل : بنام تعبانه
سلطان ضمها : ادري انك زعلانة بس بكرا بتفهمين قصدي وتعرفي شكثر احبك و أخاف عليك يا سحابتي
سحاب رفعت يدها ليده يلي ضامه خصرها وشدت عليها ، فيها مشاعر حب ومشاعر حزن لكن هاللحظه مشاعر الحب غلبت أي مشاعر ثانيه .

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 97 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

بعد مرور ثلاث أيام
كانت جالسه بصالة جناحها وضيق الدنيا كلها بصدرها ماتدري وش تسوي ثلاث أيام وعلاقتها مع ذياب جدا رسميه ما كلمها ولا ناقشها هي مفكرته انه مُهملها لكن هو زعلان من تصرفها وكيف رجعت الغلط عليه ، زفرت أنفاسها بضيق قامت وتوضت وفرشت سجادتها وصلت ركعتين قيام الليل قامت واخذت المصحف من فوق الرف وفتحته وبدت تقرأ وقفت وهي تعيد الايه اكثر من مره
" يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ "
سرحت من زمان ما كفلت يتيم يمكن قبل سنتين اخذت نفس وهي تفكر انه بكرا تطلع و تزور دار الايتام يلي من يوم ما تزوجت ما راحته ولا زارت الأطفال رغم هذي كانت عادتها شهريا تروح وتزورهم وتجيب لهم كل شي يحتاجونه .
___

بالجناح الثاني ؛
كانت منسدحه فوق السرير و الجوال بيدها وجافاها النوم لفت عليه وكان نايم غمضت عيونها وهي تتهرب ماتبي تسمع شخيره همست : نواف
ماجاها أي رد رفعت صوتها : نواااف
نواف فتح عيونه بطفش : خير ألاء وش تبي ؟
ألاء: ما قدرت انام تعبانه
مسح ع وجهه وجلس جنبها : شفيك تعبانه ؟ اوديك المستشفى ؟
ألاء: لا تعبانه من صوت شخيرك
نواف ناظرها بصدمه : مصحيتيني من النوم عشان تقولي هالكلام ؟
ألاء خافت يعصب و ابتسمت بدلع : نواف ترا انا حامل وهرموناتي تعبانه بليز لا تضغط علىِ
نواف : لا اضغط عليك ؟ وش سويت لك انتي يلي مقومتيني من عز نومي وتقولي تعبانه من شخيرك بالله عليك هذا كلام ينقال !
ألاء بهمس : ممكن تحضني
نواف بحده : لا ، انثبري نامي
الاء تاففت بضيق : نواف ترا انا حامل والكلام هذا يتعب نفسيتي والله يرضيك ولدك يزعل ترا والله انا لمن ازعل ولدي يزعل .. رفعت الجوال لوجهه وكملت : شوف قاعده اقرا عن هالموضوع وكاتبين ألام الحامل أي شي تحس فيه ولدها يحس
نواف بمسخره : يعني الحين ولدي سمع شخيري وتعبت نفسيته يا حرام
ألاء ضحكت بصوت : والله انك عسل عسل ، شوف صحيتك لانه فعلاً تضايقت من صوت شخيرك بس تدري والله جاي ع بالي نطلع ونشرب قهوه مررره مشتهيه سبانيش لاتيه
نواف حط راسه ع المخده وتغطي : والله يا ألاء لو ما تسكتي بتشوفي شي ثاني مصحيتني من النوم تبي قهوه عز الله الحمل هبّل فيك
ألاء ضمته من ورا بدلع :تدري احبك ، الحين هرموناتي قلبت وصارت بس تبيك ممكن تلف عشان احط راسي بصدرك وانام ما اقدر انام الا ع دقات قلبك
نواف لف لها وسحبها لحضنه وضمها وهو يبوسها همس لها وهو يناظر عيونها : يخرب بيت نظراتك كيف تأثر على قلبي
.
اليوم الثاني ؛
لينا طلعت من غرفة الملابس وهي لابسه تنوره ابيض كسرات واصله لكعبها مع قميص اصفر ساده دخلت غرفة نومها وطلال نايم ع السرير وباين عليه انه تعبان همس لها : لينا احس فيني حراره
لينا قربت عليه وحطت يدها ع جبينه : ايه مسخن في بندول بالدرج خذه و اشربه انا بنزل تحت
طلال انقهر من برودها : اقولك تعبان تقولي بتنزلي
لينا : وش اسوي لك اكمّد لك يعني ؟
طلال صح مو لدرجة كبيره مُرهق لكن يبيها تجلس معاه : والله قومي بواجبك گ زوجه
لينا ابتسمت : قمت فيها ثمان سنين ولا قصرت معاك بشي حتى ملابسك كنت اكويها بيدي وصراحه شفت مكافئتك وش هي ، الحين بصراحه مشغوله .. اخذت عطرها و رشت منه وقربت عليه وهمست عند اذنه بخبث : ودي اجلس اطبطب عليك بس بصراحه رح اتعب لانه بمثل تمثيل جبار و انا الحين مروقه بنزل اتقهوى على رشات المطر الحلوه.. تركته ومشت
طلال ريحة عطرها وقُربها منه رغم المسافات البعيده للقلوب الا انها هبّت هبابيب في قلبه انقهر منها و اخذ جواله يطفي قهره و اتصل عليها ثواني وجاه صوت ناعم : هلا حبيبي
طلال ببرود : اشتقت لك .
___

عند ملاذ ؛
نزلت تحت ولا لقت احد شافت رشات المطر الخفيفه ع الزجاج و ابتسمت و قررت تطلع الحوش اول ما فتحت الباب اخذت نفس عميق مشت للجلسه وجلست وهي تتأمل الزرع و صوت مويه النافوره كان مالي المكان ، تنهدت وهي تفكر وش تسوي وكيف تتصرف مع ليان وكيف تكلمها ولا تكلم ذياب ولا تكلم لينا عجزت عن التفكير ومسكت راسها وكانها تحاول تطلع كل هالافكار ، فزت وقت جلست لينا جنبها ابتسمت لها : ملاذ انتِ بخير ؟
ملاذ ابتسمت ل ابتسامتها : الحمدلله
لينا : شفيك سرحانه ؟
ملاذ رفعت كتوفها : ما ادري الف فكره براسي
لينا : اذا تفكرين بالبيت ترا شي طبيعي
ملاذ : لا مو بالبيت افكر بذياب
لينا : شفيه ذياب ؟

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 98 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ملاذ : ما ادري أساسا م ادري انا ب ايش افكر بالضبط كل شي بداخلي ملخبط ومتعبني احس انه داخلي ثقيل ما ادري ليه
لينا : شصاير بينك وبين ذياب ؟
ملاذ ابتسمت بحزن : لو اقولك مو صاير شي بتصدقي
لينا : كيف يعني حزوره فزوره والا ايش !
ملاذ : خليني اسالك بما انه تعرفين هالعائلة اكثر مني ، خالتي شيخه عجزت افهمها يوم معي ويوم تكرهني يوم دخلت هالبيت كانت تعاملني احسن معامله الحين صاير العكس ، ذياب عجزت افهم طبعه وتصرفاته هو تزوج مرتين احكي لي كيف كان معاهم ، لانه لأول مره يجيني فضول اعرف علاقاته السابقه مع زوجاته كيف كانت؟ لمن تزوجته ما سألته عن أي شي لانه ماضي مالي علاقه فيه بس الحين لا ابي اعرف ، لانه عجزت افهم طبعه!
لينا : خالتي طيبه مافي مثل قلبها بس عيالها خط احمر ممكن تقلب عليك عشان ما سويتي لولدها عشاء لكن بالنهايه هذا قلب ألأم انا عشت معاها ثمان سنين تغافلت عن أشياء كثيره والحمدلله ماشيه حياتي معاها على احسن ما يكون بسب التغافل وما ادقق على كل كلمه تقولها ، بالنسبه لذياب انا ما اعرفه كثير صح معانا ذكريات كثيره معاه بس ذياب لمن كبرنا هو كان كبير أساسا انسان طيب وكريم بس انطوائي شوي تزوج مرتين وحريمه كانو عسل ما قد صار شي قدامنا يدل على حبهم الكبير بس مها كانت متعلقه فيه كثير ،
بس للامانه مو مجامله فيك ترا ذياب مفضوح قدامك وباين عليه الحب ، يعني انتِ عاملك غيرهم و اول شي سواه انه بتطلعو لبيت مستقل اتذكر زوجته الأولى طلبت هالشي لكن هو رفض تماما
ملاذ حست قلبها ابتسم بس عقلها كان له رأي مختلف : ليه مفضوح ما اشوفه سوا شي او قال شي قدامكم تراه رسمي بزياده ؟
لينا : في شي اسمه لغة العيون ويوم مرضتي جاء من دبي بنفس اللحظه يلي عرف فيها وله اسبوع ما يروح دوامه عشانك ترا ذياب يوم العيد يمسك جواله ويشيك ع شغله اهتمامه فيك و يوم طلعتي من المستشفى نزل المطبخ ولمن ما لقي احد سوا لك هو عصير البرتقال بنفسه يوم نزلت وشفته انصدمت والله قلت لو ما شفت بعيوني ما صدقت
ملاذ ضحكت ولينا ضحكت لضحكتها : ايه اضحكي ما تعودت اشوفك بهالحاله
ملاذ سرحت وهي تفكر كيف احكي لها انه اختها تبي تهدم زواجي وهي السبب بتوتر علاقتي مع ذياب
لينا : الا قولي لي هذا هو يلي شاغل بالك ؟
ملاذ : يمكن او يمكن انا بالغت بالتفكير
ألاء طلعت وبيدها صحن فشار : افا بس سلايفي مع بعض بهالجو الحلو ولا ينادوني
ملاذ : يا هلا والله ، عاد تصدقي من بعد سواليفك امس حبيتك سولفي لي وسعي على صدري
ألاء: روحي لذياب يوسع صدرك
ملاذ : لا صدقيني مو مثلك يوسع صدري ترا ذياب هادي أساسا لو يسولف معاي مثلك كان ما شفتي وجهي الحين كان قعدت جنبه بالغرفه
ألاء رفعت راسها لشباك : تخيلي قاعد الحين ويشوفنا
لينا : هي جت عليه حتى طلال فوق بالغرفه وتعبان بعد
ألاء: وععع صرت اسمع اسم طلال اتنرفز والله انا لو مكانك خنقته يا لينا
ملاذ : الوشه هالسواليف ما نبيها نبي شي يوسع الصدر
آلاء: وش قالو لك عندي منفخ انفخه لصدرك ويتوسع
لينا ضحكت : مهبوله و ربي ، مين سوا لك الفشار
ألاء: يديني الحلوه بس تصدقي اول مره حرق وحرقت القدر الله يستر لو تشوفه خالتي جديد ولسه شريته وغالي والله بس غسلته وخبيته بالزاويه عشان ابعده عن الأنظار .

مرة نص ساعه من سواليفهم الحلوه ولأول مره حسو انهم قريبين من بعض و اندمجو بالسواليف والضحك ونسو أي شي يعكر مزاجهم ؛
ملاذ : لينا معليش ع سؤالي بس طلال مين بيتزوج ومتى بيتزوج؟
ألاء: ايه صح وش صار عليه هذا المجنون ؟
لينا : بيتزوج دانه بس ما سالته متى لو عطاني الشيك وقتها بعرف انه بيملك عليها
ألاء: دانه مين ؟ شيك ايش ؟
لينا : السكرتيره حقه
ملاذ : تلقيها لاعبه عليه بكلمتين وهو صدق بس بيجي يوم ويندم
لينا : وش يفيد الندم عُقب ما كسر قلبي
ألاء : طيب شيك ايش ما قلتي ؟
لينا :شرطي مقابل زواجه شيك مليون ريال
ملاذ فتحت عيونها بصدمه : مليون ؟
ألاء : تمزحي ؟ وافق ؟
لينا : ايه وافق
ملاذ بصدمه : وافق يعطيك مليون ؟ مليون كيف بيجيبها ؟

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 99 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

لينا ضحكت : لا تخافي يلي عنده مليار يجيب المليون
آلاء: والله انك كفو عيشي حياتك وسافري واقهريه سوي كل الأشياء يلي ما يحبها جننيه وهو بخير
ملاذ ناظرت ألاء : استشاريه بخراب الزواج
لينا : هذا يلي بسويه والله قهرني قهر مو طبيعي بس كل شي وله عقابه
ألاء: طيب لو ندم و رجع عقله لراسه وجاء و اعتذر
لينا ابتسمت بسخريه : ما يهمني خلص تراه فوق ومريض ومسخن وتركته ونزلت لأول مره احس بالقوه قدامه زمان لو مرض احس قلبي يتعبني من كثر ما يزعل عليه
ملاذ : احب القوه يلي انتي فيها لا تضعفين ابداً ولو قلبك خانك وضعف لا تسمعي له اسمعي صوت عقلك.
—
ذياب صحي من القيلوله وهو حاس بصداع شاق راسه نصين جلس وهو يمسج جبينه بهدوء ،
قام و دخل الحمام واخذ شاور دافي بس طلع غير ملابسه وقف عند الشباك وهو يشوفهم متجمعين ويسولفو ابتسم وهو يشوف ملاذ متربعه بالجلسه وتحرك يداتها وتسولف ومبين عليها مندمجه جدا بالسواليف
تنهد وجلس ع الكنبه و ابتسم اول ما شاف دفترها اخذه وهو يدري انه رح يشوفها كاتبه عن مشاعرها فتح اخر ورقه وبدا يقرا كلامها ومع كل كلمه يقراها يسرح و يبتسم بفرح ويتخيلها قدامه و يسمع هالكلام من شفايفها
" اغار عليك و الغيره تقتلني ويمكن ابالغ بالغيره لكن ماهو بيدي ابدا ، حسيت وكأن الدنيا كلها حُشرت في حلقي وكاني كنت اخذ النار شهيقاً بل و ابتلعت جمراً يحرق روحي ، لا اعلم مدى
حُبي لك لكن لا اريد احد يشاركني فيك حتى بالكلام حتى بالتفكير حتى بالأحلام "
ذياب زفر أنفاسه وحس براحه عميقه احتوت قلبه تمنى صح انه يسمع منها هالكلام وهو يناظر عيونها لكن يدري انه هي عنيده و راسها يابس ولا يمكن تتنازل وتقوله هالكلام ،
اخذ القلم من جيب ثوبه وبدا يكتب تحت كلامها
" لا تغارين وهم بعيوني عدم ،
لا تغارين و انتِ سيده هالقلب "

ذياب نزل تفاجأ من الهدوء لانه هالوقت الكل قاعد يتقهوى بالصاله ،
طلع للحوش وتكلم بصوت جهوري : بطلع تغطو يا حريم
ملاذ تكلمت بصوت عالي : اطلع خلص
ذياب طلع اول ما شاف ملاذ ابتسم : ملاذ تعالي ابيك .. ومشي شوي عن جلستهم
ملاذ استغربت وقامت وقفت قدامه و تكتفت : خير !
ذياب لف لها و ابتسم حط يده ع كتفها : في زوجه ترد ع زوجها كذا ؟ وين الأسلوب ؟
ملاذ ارتخت ملامحها : سمّي
ذياب مسك يدها وناظرها بهدوء لدرجة ملاذ ارتبكت من نظراته : ذياب وش تبي ؟
ذياب : والله الكلام واجد ما تكفيه كل ورق الدنيا لحتى اكتبه لك ، بس كتبت لك سطر واحد بدفترك
ملاذ ناظرته بحده : ليش فتحت دفتري مين سمح لك ؟
ذياب : هش هش هدي شوي لا يقرح لك عرق وبعدين نسيتي انه نحنا زوجين ، ابي اقولك شي
ملاذ بلعت ريقها بتوتر : وشو ؟
ذياب رفع يدها وباسها بحب : ادري انك عنيده و راسك يابس وعندك كبرياء ما قد شفته بحياتي لكن هذا مو موضوعي
ملاذ توترت من كلامه ومن بوسته ليدها بلحظه يقدر يلعب بمشاعرها ويغيرها ويهديها مهما كانت متضايقه
ذياب كمل : مهما مرينا بظروف صعبه و أيام سيئه ولو كان القادم سيئ اكثر ..
تنهد من قلبه و كمل : تذكري دائما و ابدا انتِ الوحيده يلي عرفت احبها بالوقت يلي قلبي مافيه مكان لحب احد بالوقت يل قلبي تعبان من الدنيا ومن حظوظها ومن كل شي ومع هذا كله حبك انتِ وانتعش بحبك.
ملاذ بردت اطرفها و رجفت لا ارادياً انصدمت من كلامه ما توقعت بيقولها هالكلام بهاللحظه وهالوقت ، تمنت مكان غير هالمكان كان حضنته و ارتاحت من أي شي يشغل تفكيرها و ارهق قلبها
ذياب ناظرها بهدوء : ليه ساكته ؟ لك رأي ثاني ؟ ولا للحين مو مصدقتيني ؟
ملاذ ناظرته وعيونها تفيض من الحب : ودي اضُمك لكن المكان مو مناس…
ما عطاها فرصه تكمل فتح يدينه وضمها بقوه ملاذ انصدمت و انصدمت اكثر انه حضنها بالحوش وممكن أي شخص يشوفهم و ألاء ولينا موجودين ومع هذا كله رفعت يدينها وبادلته الحضن و بمجرد ما حطت راسها بحضنه وشمت ريحة عطره الممزوجه بدخانه اخذت نفس عميق وكأن الحياه تضحك لها وضميته اكثر وتمنت لو الحياه توقف بهاللحظه
ذياب اخذ نفس وهو يحس انه قلبه يحبها و يحبها كثير تأكد هاللحظه انه قلبه ما مال الا لها وما ينبض بجنون الا بحضنها
همست له : لو ما اخذت من حبك الا هاللحظه انا راضيه مطر و حضنك وش ابي اكثر
همس باذنها : نسيت انىِ رجال تفز له المجالس وصرت مثل المراهق لكن لجل حضنك يهون كل شي.

الحب ليس إعجاباً بالمظهر
ولا انبهاراً بالمكانه الاجتماعيه والمال
الحب هو ميل القلب لمن يوافقه ..

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 100 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

بعد مرور أسبوع ؛
في بيت أبو لينا ؛

حصه صبت قهوه ل فايز " أبو لينا " حطتها قدامه وحطت التمر
فايز ناظرها : أقول حصه ليان صار لها أسبوعين ولا ردت علينا وبعدين شفيها ما تقول موافقتها وخلص ؟
حصه تنهدت بضيق : اسمع فايز البنت مريضه و انت عارف بوضعها الصحي لها أسبوع وحرارتها ما خفت منها
فايز تضايق : طيب و اذا مريضه هالشي ما يمنع انها تقول موافقتها خلص الرجال طفش وهو ينتظرها و بعدين الرجال ما ينرد
حصه قررت هاللحظة تقوله قرار ليان ويلي يصير يصير : اسمع يا فايز ترا ليان رافضه زياد و رافضه الزواج بكبره
فايز ناظرها بعصبيه : وش تهرجين انتِ؟
حصه : والله هذا يلي صاير وترا كل يوم اسالها وتقول اقتلوني ولا بتزوج
فايز وقف وهو معصب من كلامها : اجل اسمعيني يا حصه تقولي لبنتك انه انا موافق ، و قولي لها بعد تجهز لملكتها الأسبوع الجاي انا طالع و بكلم زياد بموافقتها
حصه وقفت بخوف : اسمع يا فايز لا تتسرع وتكلمه ، هذي بنتنا و اخر العنقود يرضيك تزوجها غصب
فايز تضايق لكن براسه هذي بنته وهو ادرى بمصلحتها : انا قلت كلمة ما اتراجع عنها .. تركها و طلع
حصه تضايقت وشالت همّ ليان ما تدري كيف تفاتحها بالموضوع ، دقت الباب و دخلت غرفتها : ليان
ليان كانت جالسه و تذاكر للاختبار ناظرت ل أمها بعيون ذابله : هلا يمه
حصه سكرت الباب و جلست فوق الكنبه : فايز سأل عن قرارك و انا قلت له انك رافضه
ليان زفرت أنفاسها براحه : الحمدلله ، انتهينا من زياد الحين
حصه امتلت الدموع بعيونها على حال بنتها لكن بينت العكس : لكن رفض رأيك وقال انا رايح ل زياد وبقوله عن موافقه ليان وقولي لها ملكتها الأسبوع الجاي
ليان حست بغيمه سودا حوالين عيونها غمضت عيونها ل اكثر من مره و فتحتهم وهي تحاول تستوعب كلام أمها
حصه وقفت وببرود : انا أقول اذا انتي رافضه زياد عشان ذياب ف انا موافقه على زياد وما رح تلقين مثل زياد ابدا ..
تركتها وطلعت سندت راسها ع الجدار و نزلت دموعها صح ما تبي بنتها تتزوج بالغصب لكن ما تبيها جالسه وتبني احلامها مع شخص ما يدري عنها وغير هذا كله متزوج ..
ليان هاللحظه ما قدرت تبكي ولا تصارخ تحس انها بكابوس و رح تصحي ب اقرب وقت قامت ومشت بالغرفه رايحه جايه و يدها ع صدرها وكانها تحاول تطفي النار يلي شابّه داخلها .
.
عند سحاب ؛
صحت من قيلولتها وهي حاسه بطفش وضيق مو طبيعي من يوم وقفت جامعتها نومها صار مخربط وكل الوقت طفشانه ما تدري ليه ولا شي صار يغير مودها تنهدت بضيق و قامت و ناظرت نفسها بالمرايه رفعت شعرها بطريقه عشوائيه وقررت انه تطلع من غرفتها و تنزل تحت
اول ما نزلت سمعت صوت سواليف من المجلس وفرحت انه هدى و اروى موجودين ع الأقل في احد تسولف معاه
دخلت وهي مبتسمه : يا اهلا وسهلا
هدى قامت وسلمت عليها : يا هلا والله
سحاب جلست : وين أروى ؟
هدى : ما جت ، انا قررت فجأه ما كلمتها لا هي ولا ملاذ
منيره : أقول سحاب شفيك كذا تعبانه ؟
سحاب بهدوء : لا ، مافيني شي ، ليه !
منيره : لابسه بيجامه وشعرك معفوس هذا وجه وحده متزوجه ؟
سحاب تنهدت بضيق : مالي خلق اسوي شي يا خالتي من يوم ولدك منعني من الجامعه و انا حاسه بضيق ومحد حاس فيني
منيره : ولدي ما قلك توقفين الا عشان صحتك ويخاف عليك
سحاب حست الكلام معاها ما يفيد ولا رح تطلع بنتيجه قامت وطلعت من المجلس فتحت باب الحوش و اخذت نفس عميق وهي تحاول تخفف من نفسها ،
اخذت جوالها و اتصلت على سلطان ثواني و جاها الرد : يا هلا والله
سحاب : سلطان
سلطان ابتسم وهو يسمع صوتها : لبيه ي عيون سلطان
سحاب : وينك ؟
سلطان : الحين طلعت السياره خلصت دوام
سحاب : طيب اسمعني انا طفشانه وضايق خلقي احس بموت شرايك نطلع نتمشى بالبحر و بعدها نتعشى سوا عاد مشتهيه سمك
سلطان : ما طلبتي شي ، اجل قولي ل امي تجهز
سحاب غمضت عيونها ونزلت دموعها بقهر هي تبي تطلع معاه لحالهم وحاسه انها مشتاقه له
سلطان شافها سكتت ولا ردت عليه : سحاب
سحاب مسحت دموعها بيد راجفه : أختك أروى هنا وهي مع خالتي الحين
سلطان : نطلع كلنا يا روحي
سحاب زادت ضيقتها تكلمت : سلطان ..
اخذت نفس و كملت : انا ابي اطلع انا وياك لحالنا لو سمحت ترا ما طلبت شي صعب طلبت حق من حقوقي ، تكفى والله طفشانه مررا
سلطان التمس من صوتها نبرة الحزن والضيق ما حب يضيق عليها اكثر : اجهزي يا عمري مسافه الطريق و أكون عندك .

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 101 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

سحاب قفلت من سلطان ولفت عشان تدخل وشافت منيره واقفه قدامها ومن نظراتها لها عرفت انها سمعت كل الكلام : خالتي
منيره رفعت حاجبها : تحرضين ولدي علىِ !
سحاب فتحت عيونها بصدمه : احرضه ! وش سويت والا وش قلت أساسا
منيره : سمعت وانتي تقولي ما تبيني اطلع معاكم
سحاب تقدمت لها وتكلمت ببرود : ما قلت شي غلط ابي اطلع مع زوجي لحالنا احس مشتاقه له ومحتاجين انه نقضي وقت لحالنا
هدى سمعتهم و تدخلت عشان تلطف الجو : يمه حبيبتي ترا سحاب متضايقه وتبي تطلع مع زوجها اتركيهم لحالهم و انتي اذا تبين اطلع انا وياكي ونكلم أروى و ملاذ بعد ها شرايك ؟
منيره وعينها بعيون سحاب : لا ما ابي لانه في يلي عكّر يومي و خربه
سحاب مسكت دموعها لا تنزل رغم انها لو غمضت تدري رح ينزلو مثل المطر ، مشت من جنبها لكن وقفت ولفت لها : لا تفكريني ضعيفه ما اقدر ارد ، انا اسكت عشان سلطان وعشان احبه وعشانك جدة ولدي ..
ما عطتها وقت ترد لانها طلعت الدرج بسرعه .
منيرة وهي مصدومه من ردها : يلي ما تستحي ولها وجه ترد ، اجل طلع وجهك الحقيقي يا سحاب و انا كنت أقول انك مسكينه وطيبه
هدى تنهدت بضيق : يمه خلص وانتي غلطتي عليها ترا انا سمعتها وهي تكلم سلطان والله من حقها ما سوت شي غلط .
سحاب دخلت غرفتها وسكرت الباب بقوه وسندت ظهرها ع الباب و هي تبكي ما تدري ليش ام سلطان ما تحبها ولا تدري كيف تكسبها ولا تدري ليش الأوضاع كل مالها تسوء اخذت نفس عميق وهي تحاول تزفر همومها بس ما قدرت ابد حست بشي يخنقها صحت ع صوت جوالها رفعته وكانت ليان ابتسمت بحزن لانها فعلا اشتاقت لها ردت بسرعه : اشتقت لك
ليان انصدمت : انتِ بخير ؟
سحاب جلست ع طرف السرير : لا والله ماني بخير ابد و احس كل يوم اعيشه كانه عقاب من ربي
ليان خافت اكثر : سحاب شفيك وش صاير بينك انتِ وسلطان ؟
سحاب : ولا شي بس احس ما يحبني مثل زمان
ليان كل مالها تنصدم : ليش وش صار بينكم ؟
سحاب : تصدقين لو قلت لك ما صار شي ولا ادري وش صاير بس كذا إحساس ، الا انتي ليش صوتك تبكين وش صاير معك ؟
ليان تذكرت زياد وضاق خاطرها : ابوي اجبرني اتزوج زياد وقاله انىِ موافقه بعد ، يقول زياد ما ينرد
سحاب بصدمه : وخالتي وينها ؟ ليش ما تتكلم؟
ليان غمضت عيونها وسندت راسها ع المخده : امي اعترفت لها لا إرادياً عن حُبي لذياب والحين واقفه ضدي ع بالها لو تزوجت زياد بنسى ذياب لكن ما تدري انه ذياب حبه ما ينسيه عشره مثل زياد !
.
عند ملاذ؛
صحت من النوم وهي جدا مبسوطه ونشيطه هذي اول ليلة تنامها ببيتها حست بشعور الحريه والاستقلاليه والراحه لقلبها و عقلها وجسدها ،
صلت الفجر و بس خلصت اخذت مصحفها وجلست تقرا قرآن لين شروق الشمس
نزلت المطبخ و قررت تسوي بان كيك عشان تفطر هي و ذياب بدت تجهز المقادير اخذت صحن وبدت تحط كل شي تركت الخليط يرتاح شوي و سوت شاي بالحليب
فتحت بلكونة المطبخ اخذت نفس عميق وهي تحس الهواء البارد يعبر رئتها ابتسمت و حست الدنيا كلها تبتسم لها من زمان ما حست بهالراحه يلي بداخلها يمكن لانه قلبها استقر مع ذياب !
ذياب دخل المطبخ وابتسم وهو يشوفها واقفه قدام البلكونه والهواء يلعب بخصلات شعرها حس مشاعره تفيض وقت يشوف ملاذ كل شي يتغير فيه همس بقلبه
" لهالدرجة الحب يغيرنا و يمخطر فينا يمين يسار !"
قرب لها و وقف وراها و همس : لو ادري انه بصحي و اشوف هالجمال قدامي كان ما سكنت ببيت اهلي
ملاذ شهقت بخوف لكن ابتسمت وهي تسمع كلامه لفت عليه وباست خده : صباح الخير
رفع يده لخصرها و سحبها اخذ نفس وهو يتامل كل جزء بوجهها
ملاذ شتت انظارها بخجل : لا تناظرني كذا !
ذياب قرب : ماهو بيدي ، احس كل مره اشوفك فيها كانها اول مره
همست وعيونها بعيونه : ليه ؟
ذياب : انبهر فيك و بجمالك ونعومتك حتى مخارج الحروف منك غير
توسعت ابتسامة ملاذ ومن خجلها حطت راسها ع صدره تتهرب من نظراته
ذياب شدها اكثر : كذا تلعبين فيني وعلى هالحال بقضي يومي معاكِ ولا بروح الدوام
ملاذ ضحكت و بعدت عنه : خلص بسوي البان كيك وبنفطر سوا وبودعك لين الباب
ذياب سحب كرسي و جلس : قولي لي وش مخططاتك اليوم ؟
ملاذ : عاد اليوم بالذات بروح مشوار جدا جدا مهم وابيك تجي معاي
ذياب : خير وين بنروح ؟
ملاذ ابتسمت بفرحه : دار الأيتام
ذياب بهتت ملامحه و اختفت ابتسامته وتعكر مزاجه لكن بين العكس : وش نسوي هناك ؟

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 102 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ملاذ : انا كل فتره اروح ازور الأطفال و العب معاهم و اجيب لهم هدايا و اساعد الميتم بمبلغ يلي اقدر عليه عشان يلبي احتياجاتهم
ذياب بتصريفه لانه مايبي يشوف الأطفال : ما اقدر مشغول
ملاذ كشرت : تكفى ذياب فضي نفسك و انا بمُرك للشركة ، ترا والله بتنبسط كثير لا تنسى انه بترسم الضحكه على وجوه ايتام
ذياب وقف : ملاذ خليها مره ثانيه
ملاذ تضايقت : عشان خاطري ، لانه احبك ابي اتشارك معاك الأجر
جملتها الاخيره كانت سهام بقلبه و ابتسم لا شعورياً : ما تخافين ربك يوم تلعبين بقلبي ؟
.
لينا نزلت الصاله و انصدمت وهي تشوف ولدها عبدالله جالس قدام آلاء ومبين عليه مندمج جدا بسواليفها والأغرب انه هادي وخايف
لينا تقدمت : ألاء وش تسوين وش تخربطين للولد
آلاء: مين قال اخربط ترا قاعده اعلم ولدك عن علامات الساعه
لينا ضمت ولدها : يمه يا عمري لا تخاف
عبدالله بحماس : ماما ، والله عمه آلاء تحكي أشياء حلوه صح بالبدايه خفت بس الحين لا
لينا ابتسمت وباست خده : الظاهر مبسوط
آلاء صفقت بيدينها : شفتي بس كيف علمته أشياء وخليته مثقف ، حبيبي عبودي بكرا بكمل لك الباقي صراحه اكثر شي يخوف لمن الشمس تشرق من مغربها
لينا : انا أقول لا يكفي كذا لا تخوفين الولد ، يلا عبودي روح العب بلاستيشن مو قلت تبي تلعب ؟
عبدالله قام و جري للغرفه عشان يلعب
آلاء سندت ظهرها بتعب : اخ تعبت و انا احكي له
لينا : وش خطر ع بالك تحكين له الحين عن علامات الساعه
آلاء: مدري ما لقيت سالفه اقولها له وهو كان قاعد ع الجوال قلت احكي له احسن من الجوال وغير كذا طفشت من القعده لحالي محد يسولف معاي
لينا ضحكت : اليوم بروح بيتنا شرايك تجين معاي ؟
آلاء: مو معزومه
لينا : هذا انا عزمتك
آلاء ضحكت : اوكي بجي بس خالتي شيخه بتجي ؟
لينا : ما كلمتها لكن ما أتوقع بترفض أساسا هي طفشانه وكل شوي تتذكر ذياب و تبكي
آلاء تكلمت بخايفه شيخه تطُب عليهم فجأه وتسمعهم : صراحه خالتي اوفر حسستني ذياب بيبي و كانه سافر الفضاء و هو بالحاره الثانيه ما ادري ليش تحبه هالكثر
لينا ضحكت بصوت : تصدقي محد صاير يضحكني غيرك
آلاء: معك حق الجلسه معاي توسع الصدر ع قولة ملاذ ، الا صدق لينا بسألك وش صار بقصة ليان بتتزوج
لينا تنهدت بضيق : ايه ابوي يقول مافي منه لكن ليان ما تبيه ابدا ، هو بصراحه نحنا نعرف أهلهم بس معرفه سطحيه وهم عائله راقيه ما عليهم كلام ولا ينرفضو لكن مدري شفيها ليان ما تبيه !
.
سحاب لبست فستان ناعم رفعت شعرها و حطت ميكب خفيف جلست وبدت تسوي مناكير ، سلطان طلع من الحمام وهو لاف المنشفه ع خصره واليد الثانيه ينشف شعره ،
اول ما شافها ابتسم : وش هالحلاوه كلها ؟
سحاب ابتسمت : نعيما ي عمري ، ابيك توصلني عند ليان اتصلت فيني وهي طفشانه وتبكي وصراحه نفسيتها جدا تعبانه هالفتره و ابي ازورها
سلطان هز براسه : طيب
سحاب حست انه تضايق انها حطته تحت الامر الواقع لكن طنشته تماما و قامت لبست عبايتها و نزلت قبله ،
منيره طلعت من المطبخ : على وين ان شاء الله ؟
سحاب لفت لها و ابتسمت لانه مالها خلق للمشاكل : هلا خالتي ، بروح عند ليان لي فتره ما شفتها وهي تعبانه شوي
منيره هزت براسها : تمام
سحاب طلعت هي و سلطان فتحت الشباك و اخذت نفس
سلطان : احس صاير شي بينك انتي و امي ؟
سحاب ببرود : وش قايله لك ؟
سلطان : ما قالت شي بس من ردك اثبتي انه صاير شي
سحاب هزت راسها بالنفي : لا مو صاير شي
سلطان وقف قدام البيت وناظر سحاب : بجيك الساعه ثمانيه
سحاب : لا شرايك سته احسن وشو يلي ثمانيه ترا الحين بياذن المغرب
سلطان بحده : خلص انزلي و بس تخلصي سواليفك اتصلي و انا بجيك
سحاب نزلت وهي معصبه وسكرت الباب بقوه عناداً فيه دقت الجرس و فتحت لها العامله دخلت و كان هدوء وطلعت بسرعه لغرفه ليان دقت الباب و دخلت.
ليان اول ما شافتها صرخت و ضمتها بقوه : اشتقت لك
سحاب ضحكت وهي تفسخ عبايتها : اول مره نبعد عن بعض كل هالفتره
ليان : ترا الحين بيجون لينا و آلاء و خالتي
سحاب ابتسمت بفرحه : اشتقت لهم .. مسكت يد ليان وجلستها جنبها : احكي لي وش صاير ؟
ليان تنهدت بضيق : ملكتي الأسبوع الجاي انا ما ابي زياد يا سحاب وش اسوي افكر اهرب
سحاب فتحت عيونها بصدمه : مجنونه قسما بالله
ليان : ما احبه ما احبه ليه ما تفهمون ؟

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 103 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

سحاب ابتسمت بحسره : ناظريني انا ، شوفيني تحديت اهلي و تزوجت سلطان و كنا نموت في بعض بس الحين تعالي شوفي حياتنا ، رح تستوعبي انه الحب لحاله ما يكفي عشان يستمر
ليان نست همها ومسكت يد سحاب : وش صاير بينك وبين سلطان هذي ثاني مره تقولي نفس الكلام ؟
سالت دمعه على خد سحاب و تكلمت بحزن : ادري انه يحبني و انا للحين احبه و اموت فيه بس مدري وش صاير بينا احس راحت للهفه البدايات
ليان : لا تقولي هالكلام ، تذكري ايامكم الحلوه
سحاب مسحت دموعها و اخذت نفس : وهذا يلي مصبرني للحين ، ماضيّنا الحلو ، عشان كذا حاولي تتقبلي زياد والله شفته بالصوره ماشاءالله عليه جميل ومال وجاه وعائله لا تضيعينه عشان شخص ما سأل عنك ولا درى عنك أساسا.
.
ملاذ بعد ما مرت ع السوبر ماركت واشترت حلويات من كل الأنواع وبكميات هايله توجهت لمحل الألعاب و اشترت العاب
سكرت باب سيارتها وهو يادوب يتسكر لانه سيارتها تعبت من كل مكان اخذت نفس و ابتسمت بفرحه ركبت سيارتها و مشت لشركة و قفت و رسلت لذياب انها تنتظره
دقايق نزل ذياب و فتح السياره وطلع جنبها .. ملاذ ابتسمت بترحيب : يا هلا والله يلي نور سيارتي ، اذا ما خاب ظني اول مره تركبها
ذياب : ايه اول مره .. ناظر لورا و انصدم من كميه الاكياس و الكراتين : وش هذا كله اشتريتي أشياء للبيت ؟
ملاذ : لا حبيبي هذا كله للميتم
ذياب بصدمه : وش جايبه لهم انتي المحل كله ؟
ملاذ ضحكت : صدقني وقت اشوف فرحتهم انسى كل هموم الدنيا و اشكر ربي انه رزقني وخلاني اعطيهم و افرحهم ولو بيدي اخذ كل الأطفال لبيتي و اهتم فيهم
ذياب احس بشي يخنقه و هو يسمعها تسولف عن حبها للأطفال
ملاذ وقفت قدام الميتم : شفيك متضايق ؟
ذياب : لا يلا ننزل
ملاذ : انت ولا مره زرت دار ايتام ؟
ذياب : كل فتره اجي و ازورهم بس هالشي ما اكلم فيه احد لانه بيني و بين ربي لكن من اليوم بكون اخذك معاي عشان تشاركيني بالأجر لانه احبك و ابي أعيش معاكِ باقي عمري و ابيك تكوني معاي بالجنه ملاذ ابتسمت من أعماق قلبها و رجف كل عرق فيها من كلمة " احبك " وكل مره يتكلم معاها ذياب تحسها اول مره كل كلمه يقولها تأثر ع قلبها ومشاعرها همست بهدؤ : مدري هو انا صرت خفيفه ولا كلامك يأثر ع قلبي
ذياب مرر يده ع دقنه : والله انا يلي مصدوم من نفسي مدري هو انا مُراهق قدامك ؟
ملاذ ضحكت بصوت وتكلمت بفرحه : اجل ما نلوم قيس يوم سموه مجنون ليلى
ذياب رفع حاجبه : وش يعني بتسميني مجنون ملاذ ؟
ملاذ : لا انت روح ملاذ و انت حبيبها و انت ضيّ قلبها
ذياب : ستوووب ، كذا بنسحب ع الأطفال
ملاذ ضحكت و نزلت و ذياب نزل وراها ، اول ما دخلت جت عينها ع الأطفال وهم يلعبو مبسوطين رغم اختلاف الاعمار والقبايل والجنسيات كانو مع بعض ومبسوطين وكانهم اخوان و تاركين العالم وراهم ولا يدرون عن شي جانب منهم مضيء وجانب مُعتم لانهم مفقودين الهويه والأصل،
فاقدين شغف الحياه الخارجيه فاقدين الملاهي و الحدايق فاقدين لمة الأهل وكلمة ماما وبابا ..
دمعت عيونها بدون لا تحس ونزلت ع خدها ما حست الا بيده الدافيه يلي تمسح دموعها وصحتها من سرحانها
ملاذ اخذت نفس وهي تقوي نفسها بكل مره تجي هنا تعيش مشاعر كانها اول مره تجي
المشرفه تكلمت بصوت جهوري : يا اطفالي شوفو مين جاء يزوركم اليوم!
ملاذ جلست ع رُكبها وضمتهم كلهم لحضنها وسالتهم عن حالهم ابتسمت وكملت وهي تأشر ع ذياب : هذا زوجي و اسمه ذياب
واحد من الأطفال صرخ : عندك بيبي ؟
ذياب سودت الدنيا بعيونه وملاذ ضحكت : لا بس لمن يصير عندي بيبي بخليكم تتعرفو عليه ..
بدت ملاذ توزع لهم الهدايا و الحلويات لعبت معاهم وضحكت كثير وحست نفسها رجعت طفله وهي بينهم نست نفسها و نست كم مر من الوقت كانت مبسوطه كثير وهم بعد كانو مبسوطين فيها ..
ذياب فتح زراير ثوبه بضيق وهو يحس انه الأرض فوقه مو تحته من كثر الهم يلي استوطن قلبه سرح وهو يشوفها كيف تحب الأطفال وكيف تلعب معاهم وكيف هم مبسوطين معاها اجل لو تعرف انه انا عقيم وش بيصير اكيد بتتركني اكيد بتتزوج انسان غيري عشان تصير أم وتعيش هالشعور مع ولدها الحقيقي ، كل شوي وهو يحس ب اختناق اكثر و اكثر وكل يلي يفكر فيه ليه كل ما زانت اموره وحياته مع ملاذ ترجع تنقلب !
ليه كل ما ضحك معاها و عبر عن جزء بسيط من مشاعره تجاهها يرجع يزعل و يضيق صدره ليش يضعف قدامها وليش يستعجل باي كلمة توصف حبه ومشاعره تجاهها ،
للحظه حس انه هالشي لازم يوقف ولازم يلاقي حل !

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 104 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ملاذ ناظرت الساعه و كان مر ساعتين من الوقت ما حست بالوقت وهي تلعب معاهم وقفت وهي تعدل شيلتها وتكلمت بصوت عالي : يا صغاري الحلوين انا لازم امشي
الحزن استوطن وجوههم كلهم وفي يلي بدت دموعه تنزل وملاذ بلعت غصتها وقوت من نفسها قد ما تقدر ع الأقل ما تبي يشوفوها تبكي ويضعفو اكثر : لا تزعلو ترا ازعل لو زعلتو دايما بجي و ازوركم و اجيب لكم هدايا بس قولو لي وش تتمنون امنيه ؟
احد الأطفال نط بسرعه : ابي اشوف الملاهي .. كلهم صارخو وهم يتمنون هالشي
هزت راسها وهي تبتسم : من عيوني اجل نرتب على يوم ونطلع كلنا الملاهي ، اتفقنا ؟
ردو كلهم بصوت الفرحه : اتفقنا خاله ملاذ
ملاذ وهي تشجعهم : يلا كملو لعب و لا تنسو تهتمو لدراستكم ، فمان الله ..
لفت عنهم و اخذت نفس عميق و زفرت أنفاسها ودموعها انتثرت ب الم يحرق قلبها مشت وكان ذياب قدامها و ملامح الضيق مستوطنه وجهه همست وهي تمسح دموعها : شفيك ؟
ذياب نظراتها و دموعها كسرت قلبه تكلم بنبره حاده : يلا مشينا
ملاذ قاطعته وضمته بكل مالديها من قوه همست : اولادي رح اعيشهم احسن عيشه ما رح احرمهم من حناني ولا من حنانك وحبك
ذياب غمض عيونه بقوه وهو يحس كلماتها مثل السهم يلي صابت قلبه هاللحظه حس بشعور انه الحبل يلتف حوالين رقبته ولا هو قادر يتنفس ولا قادر يترك حضنها !
.
بعد مرور يومين ؛
بالمول ؛
ليان و سحاب كانو مع بعض و يختارو فساتين عشان مِلكة ليان يلي تحددت نهاية الأسبوع
ليان وهي ماشيه اشرت على فستان : سحاب هذا حلو ب اخذه
سحاب ناظرتها بصدمه و رجعت ناظرت للفستان : مو من جدك بتاخذين هذا ؟
ليان : ليه وش فيه ؟
سحاب : خالتي بتعلقنا مكان الثريا وبعدين لون اسود مرره وحده يعني تبين زياد يشوفك اول مره بحياته و لابسه اسود وبعدين قولي لي مين يلي بالمكله يلبس اسود وين عقلك
ليان : لانه اعتبره يوم موتي ولا طايقه هاليوم ابدا ومهما حاولت اتناسي مو قادره والله مو قادره
سحاب شافت كافي قدامهم : تعالي نقعد شوي هنا تعبت من المشي
دخلت هي وليان الكافي وطلبو حلا وليان قهوه وسحاب آيس كركديه
سحاب اخذت نفس : ايه قولي لي وش ناويه تسوي حجزتي ميكب ارتست
ليان : اووف سحاب احجز ليه مو عرس ، وبعدين انا بكلم ابوي انه ما ابي حفله ولا شي
سحاب : يا صبر أيوب زياد اكيد بيدخل و بيشوفك
ليان ببرود : يدخل حياه الله وترا بقوله انا ما ابيك بكون صريحه من البدايه
سحاب مدت يدها لجبين ليان : مافي حراره ! يعني ما تهلوسين ..
كملت بعصبيه : اصحي على نفسك مجنونه و ربي
ليان هدت شوي و مسحت دموعها : سحاب افهميني
سحاب بحده : فاهمتك بس انتي دراما كوين
ليان هدت ملامحها و اخذت نفس : والله قلبي يعورني وش اسوي ، امس وقت شفت ملاذ وكنا قاعدين وهي تضحك و تسولف قلت ليش هي كذا مبسوطه بحياتها و انا لا
سحاب فتحت عيونها بصدمه : حاسدتها ؟
ليان ردت بسرعه : لا لا ، والله مو حاسدتها الا ع شي واحد هو ذياب يعني اخذته ومرتاحه معاه وهو باين عليه يحبها ما سمعتي آلاء لمن ذكرت ملاذ وقالت لها تتذكري وقت حضنك بالحوش انتي متخيله انه ذياب يحضنها قدامهم ، ذياب كان ما يمسك يد زوجته قدام احد الحين حضن ملاذ مره وحده
سحاب : والله انه زياد احلى من ذياب و اصغر بعد ما ينقصه شي عن ذياب بس انتي مو راضيه تشوفي النعمه يلي بين يدك وعينك على ذياب وملاذ و حبك ل ذياب اعمى عنك النعم يلي ربي رزقك إياها ،
انتي ما تدري وش ممكن ملاذ تعاني من ذياب او ذياب يعاني منها كل انسان له مشاكل بحياته لو ما عندنا مشاكل وطول حياتنا مبسوطين كان كلنا انتحرنا من الملل يلي يملي حياتنا ، انا أقول نقوم احسن و نشتري فستان و كعب حلو و انبسطي عشان لو جاء يوم وحبيتي زياد تكون صورك حلوه يا سخيفه يا ليان والله مو متحمله كلامك الا عشان احبك لو ما احبك كان تركتك من زمان .
.
ملاذ رجعت من دوامها وهي حاسه بتعب و ارهاق طلعت لغرفتها و غيرت ملابسها و صلت العصر اخذت جوالها عشان بتتصل ل ذياب لكن تراجعت اخر ثانيه لانها مقهوره منه ومن تصرفاته معاها تجاهلها اغلب الوقت ويبتعد عنها ما تدري وش فيه هو طبعه والا متقصد والا مريض نفسي زفرت أنفاسها بضيق ،
ناظرت شاشه جوالها تلمع ب أسمه يتصل عليها ابتسمت رغم ضيقتها و ردت : الو
ذياب : ي هلا والله ، يلي اعرفه انه صار عندنا بيت تتصلي و تساليني تغديت يا زوجي والا وش اسوي لك غدا ؟ مين يلي وعدتني بتسوي لي ورق عنب ، كل يلي سويتيه بان كيك وشكشوكه ..

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾

🌾🍃🌾🍃🌾
🍃🌾🍃🌾
🌾🍃🌾
🍃🌾
🌾 105 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🌾🍃

ملاذ ضحكت : والله لمن تهتم بزوجتك وترعاها بحب صدقني بفرش لك الأرض ورد
ذياب : افرشي لي الطاوله اكل وبس يومين وانا مبهذل من اكل المطاعم
ملاذ رفعت حاجبها : و انا يومين قلبي تعبان منك ، ترجع اخر الليل و انا نايمه ولا اشوفك ! ساعه كامله ما شفتك فيها ما اشوفك الا بالصباح وش معناه بالله ؟
ذياب : مشغول
ملاذ تضايقت من بروده : مشغول ! بس ماشاءالله بطنك مش مشغوله وتبي ورق عنب
ذياب : ترا ما احبه والله بس لانه من يدك متاكد بيكون لذيذ و مختلف عن أي ورق عنب
ملاذ : اممم ، الحين وش تبي ورق عنب ؟ ما يمديني اسويه بلفه بالليل و بكرا اطبخه تمام
ذياب : حلو اجل بلُف معاكي
ملاذ : ايه صح ، كل واحد يلف يلي بياكله انا تكفيني عشرين حبه و انت لُف لنفسك
ذياب ضحك بصوت : اعوذ بالله ، وش ذه وين عايشين نحنا والله بروح عند امي احسن لي تطبخ لي المفطح والمحاشي وأنواع الشوربات و السلطات و كل شي ، وكمان تاكلني بيدها
ملاذ : الله يهنيك فيها ويحفظها لك ، يلا روح عندها وهي تاكلك ، لكن المشكله انه كيف تحب الاكل و انت رياضي وجسمك بعد بيرفكت ، بفهم بس ع الاكل يلي تاكله ليش ما عندك كرشه !
ذياب ضحك بصوت : تدري انه محد يضحكني مثلك
ملاذ : عشان تعرف انه زوجتك مافي مثلها ابدا وبصراحه قدر النعمه يلي بين يدك يا ذياب أخاف يوم من الأيام هالنعمه تطفش منك وتهج من البيت بس عشان مزاجك المتقلب
ذياب اخذ نفس : والله انه انا مقدر هالنعمه لدرجه مكانها يل فقلبي محد يطوله ، ع العموم جهزي نفسك بنطلع نتعشى الساعه عشره، فمان الله.
.
آلاء صحت من قيلولتها وهي حدّها طفشانه وجيعانه وتحس كل جسمها مُكسر ولامت نفسها ليش نامت ، اخذت جوالها واتصلت ع ملاذ
ملاذ كانت بالمطبخ تسوي لها قهوه اول ما شافت آلاء تتصل ابتسمت و ردت بسرعه : يا هلا والله
آلاء: يا هلا يا هلا ، كل يوم أقول ملاذ بتعزمني لبيتها ونشوف بيتها الجديد لكن الغريب انه ما عزمتيني
ملاذ ضحكت بصوت : يا عمري انتي البيت بيتك حياك في أي وقت
آلاء : لا يا حبيبتي يلي يبيني يتصل فيني ويعزمني هالجمله البيت بيتك ماتمشي بقاموسي
ملاذ : افا بس نحنا خوات ما بينا رسميات وبعدين انا قلت بعزمكم الأسبوع الجاي والله حتى صحون ما كملت اشتري والصاله لسه ما جبنا طاولات ، حتى تلفزيون لسه ما ركبناه ، بس قولي لي وش تسوي الحين ؟
آلاء: صحيت من النوم طفشان وجيعانه ومشتهيه حلا وكل شي يعني أي شي بشوفه قدامي ب اكله
ملاذ : اجل اسمعيني تعالو عندي انا لحالي الحين وسويت قهوه بس ما عندي حلا جيبي معاكي
آلاء: لا لا ، خليها مره ثانيه وترا والله كنت امزح معاكي لمن قلت لك ما عزمتيني
ملاذ : الوشه بليز تعالي انت ولينا و خالتي والله انا لحالي و ترا طفشانه والله
آلاء: بكلم لينا و اشوف وش تقول بس خالتي عند الجيران
ملاذ : اوك تعالي انتي و لينا لا تتاخرون و لا تنسين الحلا
آلاء ضحكت : طيب .. سكرت منها و اتصلت ع نواف عشان تستأذنه ثواني و رد عليها : هلا والله ب سيدة كل البنات
آلاء ابتسمت : سيدة كل البنات و تاركني لحالي طفشانه ، سيدة كل البنات و ناسي متى اخر مره طلعنا سوا ، سيدة كل البنات ومهملني و انا حامل و هرموناتي تعبانه
نواف تنهد : و انا اشهد انه هرموناتك مش بس تعبانه الا تالفه مع الحمل وان شاء الله بس تولدي نرجع نعمل لها إعادة تصليح
آلاء ضحكت بصوت : خلص ماهي تالفه تالفه بسبب زوجي الحنون
نواف : افا بس احسها عتاب
آلاء: ايه عتاب اجل وشو حب ، اسمعني ملاذ اتصلت و عزمتني انا ولينا وصراحه بروح لها لانه طفشانه
نواف : طيب اتصلتي تستأذني والا بس تحطيني بالأمر الواقع ؟
آلاء: لا هذي و لا هذي ، اتصلت اقولك حولي الف ريال بشتري حلا
نواف : الله اكبر ، تشترين حلا ب الف ريال وبعدين من يومين حولت لك الفين وش سويتي فيها ؟
آلاء : اول شي امس طلبت من شي ان وخلصتها وبعدين تستكثر علىِ الف ريال و انت نواف عبدالناصر ال * يلي عندك المليون ولا شي
نواف ضحك : اول شي لو عندي مليون ما اسرف بريال ثاني شي ابشري الحين احولك خمسه آلاف وش تبين بس يا سيدة كل البنات ؟
آلاء: سيدة كل البنات هاللحظة تبي حضنك بس للأسف بجهز نفسي و اطلع باي يا روح سيدة كل البنات .
.
#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://www.tg-me.com/joinchat-AAAAAD1p6TqBBTyITQumpA

🌾📚 @storykaligi 🌾📚🖋
🍃🌾
🌾🍃🌾
🍃🌾🍃🌾
🌾🍃🌾🍃🌾