tg-me.com/nodir_jonuzoq/384
Last Update:
АЛИШЕР НАВОИЙ
("Ғаройиб ус-сиғар" девонидан)
Кўнглунг истар ёрлар бирла ҳамиша шод бўл,
Мендин-у кимдинки, кўнглинг истамас, озод бўл.
Гарчи сабрим уйи янглиғ, айладинг вайрон мени,
Доимо, ё Рабки, ҳуснинг мулкидек обод бўл.
Мен чекиб андуҳ ўлай, эл жони бўлсун ул Масиҳ,
Соврул, эй чархи нигун, в-эй даҳри дун, барбод бўл.
Бевафолар зулму бедодиға эрмассен ҳариф,
Эй синуқ кўнглум, агар худ шиша, гар пўлод бўл.
Туттум ўлмакдин тирилмак ҳажрида тенгдур манга,
Эмди гар бергил зилоли Хизр, агар жаллод бўл.
Чекма бошким, эмин эрмассен хазон яғмосидин,
Бу чаман ичра агар савсан, агар шамшод бўл.
Эй Навоий, олам аҳлиға чу йўқ эрмиш вафо,
Кел-у мундин нари, бекаслик била муътод бўл.
ИЗОҲЛАР:
Ҳариф — қарши, муқобил.
Яғмо — талон-торож, бузғунлик.
Муътод — одатланган, ўрганган.
@nodir_ijod
BY Nodir Jonuzoq kutubxonasi
Share with your friend now:
tg-me.com/nodir_jonuzoq/384