tg-me.com/omdegim/11329
Last Update:
نعي لام البنين ع
ــــــــــــــ★ــــــــــــ
تعـــودون لو لا یا بنــیني
یانبض گلبي وماي عيني
عليکم ولا هــــود ونيني
•┈••✦✦✦••┈•
عليکم دمـوع العين نهران
گلبـي علیکــم داوی نيران
يمــته تمــروني یالاحـنان
•┈••✦✦✦••┈•
تــردون لـو لا هـاي هيه
تغیبــون والغـیـبه بطیـه
انه الوالده اتگطعون بیه
•┈••✦✦✦••┈•
راحو بعد ما عندي ويلاد
نيـرانهــم تســعـر بالافـاد
مچاتيل عافوهم بالاوهاد
•┈••✦✦✦••┈•
لحـــــد يگلـي یــام الابـنین
گلبـي يطـــره الحزن نصین
اولادي اربعه وکلهم ميامين
ظلو علی الغبــــره مطاعين
•┈••✦✦✦••┈•
ربيتــــهـم واحـــــسب ليالي
وروحي ترد لو گعدو اگبالي
عملت کربله ما چـانت ابالي
•┈••✦✦✦••┈•
تميت بس اصرخ وانادي
احـــوه يـــمـه یـویـلادي
علي افراگکم ذايب افادي
•┈••✦✦✦••┈•
عباس يبنــي يا جـنيني
ياريع گلبي ونظر عيني
عميـت واريدك تباريني
•┈••✦✦✦••┈•
ظهري انحنه وراحن عيوني
واريـــــد الاحنان اليباروني
واولادي راحـــو مـا اجوني
بايـام شـــــيبي ضـيعـوني
•┈••✦✦✦••┈•
حسبالي بشـــيبي تجازوني
وبديکم عالوسايد تتاچوني
تشيلـــون نعشـي وتدفوني
•┈••✦✦✦••┈•
يا ثمر گلبـي ورفـــعة الراس
يومك هـدملي الحيل لساس
صرت عاجزه وبتالي الانفاس
•┈••✦✦✦••┈•
اربع ولد کلهم نشـامه
ضحيتهم لابن الامامه
لاحسينه العالي مقامه
•┈••✦✦✦••┈•
والله لانوح اطوار واللـوان
لابن الزچيه المات عطشان
ولعبت عليه الخـيل ميدان
•┈••✦✦✦••┈•
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
🤚لا اجبز حذف اسم الشاعره ام ضیغم ولا التلاعب بالکلمات✋
🙏نسالکم الدعاء🙏
https://www.tg-me.com/us/قناة العلويه ام ﺿيغـم المحنا الموسوي/com.omdegim
BY 📘قناة العلويه ام ﺿيغم المحنا الموسوي📘
Share with your friend now:
tg-me.com/omdegim/11329