tg-me.com/omhusseinAlasde/13942
Last Update:
قصيده ﻻستشهاد الامام جعفر الصادق عليه الصلاة والسلام
عله الصادق انوح واجذب الونه
ﻻشباك ﻻمرقد وازورنه
〰〰〰〰〰〰
الليله للبقيع ارواحنه تعنت
يم گبر ابو الكاظم گعدت ونت
الحمام عليه دارت ويلي وحنت
نصدع گلبي عليه مگدر اطوفنه
〰〰〰〰〰
هدموا مرقده ومنعوها زواره
قبلها بالحقد حركوها هم داره
ويلي عليه لاگبه ولا مناره
مثل گبر الحسن مهدوم اشوفنه
〰〰〰〰〰
عمت عيني عليه تراب گبره صار
هذا المجتبى سبط النبي المختار
كريم البيت هذا معزب الخطار
الف وسفه جفوف الغدر صابنه
〰〰〰〰〰〰
مثل گبر الحسن هم هدمو السجاد
مظلوم وخلص عمره بدمع ماهاد
وعله الباقر تجرأ زمره الاوغاد
وام عباس گبرهه ترابه اصدنه
〰〰〰〰〰〰
اصدن للبقيع وينهدم حيلي
گبورمهدمه وترابه ياويلي
عله ال النبي يادمعتي سيلي
اظل انصب عزاهم وما املنه
〰〰〰〰〰〰〰〰〰
تمت بعون الله تعالى
✍خادمة الزهراء ام حسين الأسدي القصائد واﻻطوار موجوده في القناه لﻻشتراك اضغط https://www.tg-me.com/us/خادمه الزهراء ام حسين الأسدي/com.omhusseinAlasde
BY خادمه الزهراء ام حسين الأسدي
Share with your friend now:
tg-me.com/omhusseinAlasde/13942