tg-me.com/omsajad313/253
Last Update:
لختان الاولاد
------------------------🎀
بـطهور الـولـد احبابه فرحانه
اتگول الي يحبنه يفرح ويانه
------------------------🎀
بطهور الولد كلنه تعنينه
ولمه اليوم نهديها تهانينه
وبهل فرح ماي الورد رشينه
وكل الي يحبنه اليوم هنانه
بـطهور الـولـد احبابه فرحانه
------------------------🎀
عماته اجن علن الهلهلوله
وخالاته الف عالخير يگلوله
والجيران كلهم اجو هنوله
امطهر والفرح هل يوم عنوانه
بـطهور الـولـد احبابه فرحانه
------------------------🎀
بطهور المدلل علكينه الياس
نعوذله ابفلق ونعوذه بالناس
هذا امدللي وعندي اعز الناس
ونجم اسهيل من ابعيد حيانه
بـطهور الـولـد احبابه فرحانه
------------------------🎀
شمعات الفرح تزهي ابصوانينه
واجمل ما كتبنه اليوم غنينه
وبالمدلول امه الليله هنينه
تزهي بهل وحيد والله دنيانه
بـطهور الـولـد احبابه فرحانه
------------------------🎀
شمحلات الولد لمن يطهورونه
وبعدها كم سنه النوبه يعرسونه
واصحابه تجي البيته ويزفونه
شمحلاه الولد ياطوله ريهانه
بـطهور الـولـد احبابه فرحانه
------------------------🎀
بقلم امام سـ✍️ـجـاد العسكري
لانجيز حذف الاسم ونسالكم الدعاء
https://www.tg-me.com/us/قناة الشاعره ام سجاد العسكري للقصائد الخاصه /com.omsajad313
BY قناة الشاعره ام سجاد العسكري للقصائد الخاصه 🌼
Share with your friend now:
tg-me.com/omsajad313/253