tg-me.com/omzahraaalkibe/1755
Last Update:
هوسات للامام الكاظم
الموت كلنه نعرفه حق على العباد
واحنه ما نعترض بس النه عتاب
ليش موتك سيدي بهذا العذاب
والسجن معروف غربه وهم عذاب
(بغربه تموت وجدك داحي الباب)
يا راهب ال هاشم يالمحير عقول
بيكم سيدي مقصرين شما نكتب شما نكول
حزنه للابد يبقى وحق ضلع امك البتول
(موتك ما ننساه شما طول الدنيه وتعرض)
كل عام اليمر حزنك يمر بينه
ما ننسه السجن مولاي ولاجلك كل محب يهمل دمع عينه
تمر سنين نتعناك مثل ما نتعنه ابو سكينه
(مشايه نتعنه الكاظم)
يا ابن حذلم دخبر هله يحضرونه
امشي للمدينه وصيح اغيثونه
كاظمكم طريح الجسر ينخاكم تشيلونه
(والكاظم راد اهله تشيله )
حق واجب لليموت تحضر كل هله يمه
وانت سيدي ميت ما واحد حضر يمه
غريب وميت ومسموم الشيعه الهاي مغتمه
(مهظومه الشيعه لموتك)
موتك هم هظيمه بس مو مثل حسين
ثلث تيام ظل عاري بلا تجفين
انت شيعه شالتك وهواي الك مشيعين
بس حسين ضل ما اله مشيعين
(حسين الظال محد شيع حسين )
روحك من سرت للموت
ياهو اللي تلكاهه
جدك علي الكرار وهم حسين وياهه
شفت حسين يا مولاي شفته من العطش رواهه
(ورواهه شفاهه الذبلن )
༄༄༄༄༄༄༄༄༄༄༄༄༄
بقلم شاعرة اهل البيت ام زهراء الكعبي
༄༄༄༄༄༄༄༄༄༄༄༄༄
https://www.tg-me.com/us/قناة شاعــرة اهل البيت ام زهراء الــكعبــي/com.omzahraaalkibe
BY قناة شاعــرة اهل البيت ام زهراء الــكعبــي
Share with your friend now:
tg-me.com/omzahraaalkibe/1755