tg-me.com/pntAlMirza_zamn/7525
Last Update:
لطميه حماسية للأمام علي ع
...................
ويه ءاذان الفجر بتك تصيح
يا ولي الله يالطايح جريح
___
جرحك امغمج ولا ضنه يطيب
والحسن وحسين يردولك طبيب
اتفارك اعيالك والموعد قريب
جرحك امأذيك يا بويه استريح
✍🏻ام رافد العسكري
_____
ويه اذان الفجر صاح النداء
طاح ابو الحسنين مخضوب الدماء
ضجت الاكوان واركان السماء
وسفه يامولاي بفراشك طريح
✍🏻 الحجيه ام علي
_____
اليوم وي وكت اسمع العويل
الحسن ويلاه مكسور الدليل
والحسين اعله الابو دمعه يسيل
الدمه بالمحراب من حيدر سفيح
ام✍🏻 زين العابدين لمحمداويه
ـــــــــــــــــــــــــــــــــــــــــــــ
اليوم محرابك اينوح وبيي دِمَه
والملائك تصرخ لسابع سمه
اليوم لو موجود والله الخاتمه
جان ذب اعمامته ويمك يصيح
✍🏻ام حسين العسكري ناصريه
ــــــــــــــــــــــــــــــــــــــــــــــــ
يصيح واويلاه حيدر منضرب
الف يا وسفات يرفيج الدرب
ويه ابو الحملات هل موقف صعب
بضربة الملعون تنصاب وتطيح
ام✍🏻 رحمه الگاظميه
ــــــــــــــــــــــــــــــــــــــــــــــ
تعازي ارض الله السماءوتنتحب
والسمه حزنت دمه گامت تذب
هم بعد يرجع علي ثاني چذب
إعليه كل مرسل بچه وحتى المسيح
زمــــ✍🏻ــن حــــاتــم الربيـعي واســــــــــــــــــــــط
ــــــــــــــــــــــــ ــــــــــــــــــــــــ
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 شهررمضان الكريم / ١٤٤٥هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
http://www.tg-me.com/us/قناة زمــــــــــن حــاتمـ الربـــيعي /com.pntAlMirza_zamn
https://www.tg-me.com/Alaqelaa313
BY قناة زمـــــ✍🏻ـــــن حــاتمـ الربـــيعي 📚
Share with your friend now:
tg-me.com/pntAlMirza_zamn/7525