tg-me.com/psixologkanali/2866
Last Update:
Ota-onalik himoya pozitsiyasi
Sharq falsafasi bilimdonlarining biridan keltirilgan fikrga ko'ra, ota-onalarda himoya pozitsiyasi mavjud. Ulardan biri - ota-onaning bola orqali muvaffaqiyatga erishishmoqchi bo'lishi. Ya'ni, bola orqali o'zi orzu qilgan, o'zida yo'q bo'lgan narsalarga ega bo'lish.
Bolaga ota-onaning "qanday ota-ona ekanligi" emas, "qanday inson ekanligi" ko'proq ta'sir qiladi.
Ota-ona aytishi mumkin: "Men bolamni baxtli bo'lishini xohlayman".
• Lekin sizning oilangizda, baxtli bo'lishga mos muhit bormi?
"Men uni ijod odami bo'lishini, madaniyatli bo'lishini xohlayman"
• Men-chi, men biror san'at asaridan rohatlana olamanmi, ijodga qanchalik qiziqaman?
"Men uning o'qib, ilmli bo'lishi istayman"
• Men-chi, men o'zim yaqin oylar ichida qo'limga kitob ushladimmi?
"Men uning do'stlari bo'lishi xohlayman"
• O'zimning-chi, qancha do'stlarim bor, men o'zim qanchalik kirishimliman?
"Men uning ochiqko'ngil, olijanob bo'lishini xohlayman"
• Men o'zim oila a'zolarimdan boshqa kimlar uchundir qayg'urib yuramanmi o'zi?
Odam atrofdagilarning e'tiborini o'zining orzu-istaklari bilan emas, balki, aslida o'zida bor narsalar bilan jalb qiladi. Bolalar ham xuddi shunday - ota-onalarining istaganlaridek emas, ular aslida qanday bo'lsa, xuddi shunday bo'lib voyaga yetadi. Yana o'sha eski gap - siz bolangizni tarbiyalamang, o'zingizga tarbiya bering, bolangiz baribir o'zingizga o'xshagan bo'ladi.
📌 Obuna bo'lish: @psycho_review
BY PSIXOLOGIYA│Psixolog kanali
Warning: Undefined variable $i in /var/www/tg-me/post.php on line 280
Share with your friend now:
tg-me.com/psixologkanali/2866