tg-me.com/psycho_review/123
Last Update:
Videoni diqqat bilan kuzatsangiz hozirgi odamlarning psixologik beqarorligiga, ya'ni, asabiylik, tushkunlik, siqilish, ruhiy charchoqlarga sabab bo'layotgan asosiy omillardan biri deb insonlar real muloqotdan ijtimoiy tarmoqlardagi muloqotga o'tib ketayotganligi ko'rsatilgan. Odamlar o'zaro bir-biri bilan dildan gaplashmayapti, muloqotning asosiy qismi internetda o'tyapti. Bu esa kuzatuvlarimga qaraganda 2 ta holatga sabab bo'lyapti:
• birinchidan, real muloqotning kamligi odamlarning ichki kechinmalarini "tashqariga chiqarib yuborish"iga to'sqinlik qilmoqda.
Samimiy muloqot terapevtik kuchga ega. "Ichkarida yig'ilib qolgan" va "chiqarib yuborilmagan" noroziliklar, ehtiyojlar psixologik portlashga, ruhiy passivlikga sabab bo'ladi;
• ikkinchidan, yosh avlodda muloqot ko'nikmalari, muomala, o'zini tutish, o'zini boshqarish bilan bog'liq muammolar yuzaga kelyapti.
Ular faqat telegrammda "narmanli" gaplasha oladi, hayotda emas. Bir jiyanim bor, 18 yosh atrofida: instagramga qo'ygan postlaridan hayot qiyinchiliklarinining hammasini ko'rib qo'ygan bo'lsa kerak, deb o'ylaysiz. Yoki bo'lmasa, telegrammda gaplashganimizda har bitta holatga mos stiker qo'yadi, gap-so'zlaridan o'ziga ishonchi juda baland, yuqori ambitsiyaga ega, motivatsiyasi yuqori, harakatchan yigitdek ko'rinadi.
Ammo real hayotda "ha" yoki "yo'q"dan u yog'iga o'tmaydi, biror muammoga nisbatan fikrini aytolmaydi, o'ziga nima kerakligini tayinli tushuntira olmaydi, o'zi tashabbus ko'rsatib biror masalaga yechim topa olmaydi. Erix Fromm bunday insonlarni "iste'molchi jamiyatdagi robotlar" deb atagan: buyruq berasan - ishni qiladi, keyin navbatdagi buyruqni bajarishi uchun zaryadga qo'yasan.
⚠️ Bunga yosh avlodni mutloq aybor deb sanab bo'lmaydi. Chunki, oilada qanday muhit bo'lishi kerakki, yosh yigit va qizlar bunday holatga kelib qolgan bo'lsa? Bunga javobni o'tgan oylarda e'lon qilingan bir statistikadan topsak bo'ladi: O'zbekistonda umumiy olganda, 83% oilalar farzandlari bilan aylanishga chiqmas ekan. Shahar aholisida bu ko'rsatgich kamroq deb taxmin qilish mumkin.
⚡️Statistika keltirilgan postda ota-onalarga tavsiya berilgan: Farzandingiz muloqotsiz o'sib, raqamli zombiga aylanishini xohlamasangiz, ular bilan muloqot qiling, sayrlarga chiqing.
📌Obuna bo'lish: @psycho_review
BY PsychoINFO
Warning: Undefined variable $i in /var/www/tg-me/post.php on line 280
Share with your friend now:
tg-me.com/psycho_review/123