tg-me.com/qwqerd/1716
Last Update:
اجيتك للدفن وايدي على ظلعي
اشجابج يمه احس اتكلي ارجعي
اشيعك ييمه اجيتك // بلا راس يلحسين لگيتك
•••••••••••
انه وعلي جينه_ وكل التعب بينه_ اجينه ييمه نشيعك
ماطابن ظلوعي_ولانشفن دموعي _بحزنه بدمعنه نودعك
ثلث تيام صايرله على هل حاله
محد لامه ومجمع اوصاله
مطشر عل رمل ساحگته خياله
الحافر ساحگه ومغير احواله
نايم بالشمس نص جسمه مدفون
ورملة كربله مغطيتله العيون
بالاحضان يبزري خذيتك//بلا راس يلحسين لگيتك
•••••••••••••
تناديني بحساسك_ وجسمك بلا راسك_تنادي انه هنا سمعتك
من شفتك بعيني_صيحت يحسيني_ وصلتك ييمه وعرفتك
سالت الناس دلوني عليه فدوه
عرفتك ياوليدي والله بالگوه
وگفت گبالك من التعب واتلوه
نايم بالشمس يوليدي تتچوه
حارگتك حرگ شمس الظهاري
مسلبينك ثياب وباقي عاري
عباتي شلتها وحميتك// بلا راس يلحسين لگيتك
•••••••••••••
نحرك يحاچيني _ ويگلي غطيني _ عباتج افرشيها فوگاي
بس خاف الچمنك_امنين الزمنك_ جروحك ييمه تره هواي
اشبگك خاف جرحك ينلجم يبني
قبل حظنك سهمك يوصل لحظني
شما دنيك سهمك يبعدك عني
يبني حسين حالك حيل تعبني
كلما قربك تمنعني السهام
بحظن امك تره يمنعنك تنام
علي هنانه يدري بمنيتك//بلا راس يلحسين لگيتك
••••••••••••
اشجابج ييمه انتي _ بعدج ولا طبتي_على جثتي ييمه بچيتي
بظلوعچ الكسره_ تلجمج تره الحسره_ بكسرتج عليه نحنيتي
انتي اباب كسرج ونه بالحافر
والبسمار منج چم ظلع كاسر
نفس ماصار بيج عليه هم صاير
ياهو يواسي الاخر انه هم حاير
ماطايب كسر ظلعج احسه
من ذاك الوكت ينزف لهسه
تشافيها يارب نخيتك// بلا راس يلحسين لگيتك
•••••••••••••
بدموعي غسلته_ وبگبره وسدته_ ولاكن بلا راس دفنته
وتمدد ابگبره_وشميته من نحره_ يگلي اشكرج سمعته
قبل لا ادفنه من النحر شميته
هلت اتراب فوگه وبيدي غطيته
دفنته بجفي گلبي وياه حطيته
گلبي عليك يبني هواي وصيته
خلص دفنك ييمه وراح اودعك
اجيتك من بعد يحسين اشيعك
ولا يوم ييمه نسيتك//بلا راس يلحسين لگيتك
•••••••••••
تمت _ ازهر الزيدي
BY الخادم ازهـر الزيدي
Warning: Undefined variable $i in /var/www/tg-me/post.php on line 280
Share with your friend now:
tg-me.com/qwqerd/1716