tg-me.com/radakultury/432
Last Update:
Узялі ўдзел у ІІІ Канферэнцыі беларусаў і беларусак свету, што праходзіла ў Празе.
Каардынатарка @radakultury Надзея Гарэцкая мела слова падчас дыскусійнай панэлі “Узмацненне патэнцыялу супольнасці беларусаў(-ак) замежжа”. Адметна, што ў агульным абмеркаванні безумоўна значных праблем і выклікаў, што стаяць перад дыяспарай, культурніцкі складнік, важнасць працы па захаванні нацыянальнай ідэнтычнасці стаялі поруч з такімі істотнымі тэмамі як легалізацыя і пошук фінансаў.
“Тлумачэнне значнасці культуры — адна з самых важных ліній працы Беларускай Рады культуры. Бо культура — нябачная сіла, што ўплывае на доўгатэрміновыя змены ў грамадстве. Таму сваю кароткую прамову я скіравала на працэсы, што патрабуюць часу. Гэта, напрыклад, лабіяванне змены ўстановак наконт ролі культуры і нацыянальнай свядомасці ў фармаванні дэмакратыі як каштоўнасці грамадства. Цудоўна, што ўсе спікеры падчас нашай панэлі дапаўнялі адно аднаго, падаецца, гэта сведчыць стратэгічную згоду паміж намі”, — кажа Надзея.
BY Беларуская Рада культуры
Share with your friend now:
tg-me.com/radakultury/432