لسان حال السيده رقيه عليها السلام
1443
____

ليش اشوف الرمح الينكط دمه
من شفافه صوت اسمع فاطمه
فاطمه الصغرى رقيه ينادي لو قصده الزجيه
فاطمه
١____
اعاين عالرمح وسمع سور وحزان
الرمح طول المسيره يقره بالقران
الطريق اطويل وكل سوره تريد امجان
يم حرك المخيم يقره ب (الدخان)
الراس طول الدرب عينه فاتحه
يقره عالعباس شفته الفاتحه
اعيونه مشبوحات اليه ينادي لو قصده الزجيه
فاطمه
٢__
يشبه والدي اهوايه اشوف الراس
ملامح وجها كلها تشبه العباس
اسئل زينب تكلي بدمع وحساس
هذا حسين ابوج الهيبه بين الناس
الجان هذا والدي ممنونه
ليش عمه مكسرين اسنونه
كمت اشرله بديه ينادي لو قصده الزجيه
فاطمه
٣____
عرفته وكمت احاجي الراس خجلانه
كلتله وداعتك والزهره تعبانه
اسم فاطم شفت ما فارك السانه
سلامي للعليله يقره بحزانه
لو عثرت بدرب اسمع حسره
الراس يصرخ يا دخيل الزهره
الدرب خلصته اذيه ينادي لو قصده الزجيه
فاطمه
٤___
يعد اربع فواطم والنحر يقره
ام عباس وحده وفاطمه الزهره
وفاطمت العليله للجيته منتضره
وينادي يا رقيه فاطمه الصغره
اختنك عالخيمه حيل احساسه
من الحرك شعواط صار براسه
شيبتنه الغاضريه ينادي لو قصده الزجيه
فاطمه


٥___
بس راس ويسولف عالرمح مخنوك
شاف الويل ابويه من دخلنه السوك
من كد السحك خد اعله خد مطبوك
وحته شعره الابيض بالشمس محروك
تغير من الشمس شكله ولونه
من السهام محفرات اعيونه
مجرح وعينه عليه ينادي لو قصده الزجيه
فاطمه
٦_
أشاهد راس ابويه يقره بالايات
الاصعب من وصل بوابه الساعات
ازقه من ازقه يدخل بضحكات
ضربو راس ابويه الوادم حجارات
حته دم احمر وكع من عينه
خضبت من دمه راسها سكينه
تمنت اهناكه المنيه ينادي لو قصده الزجيه
فاطمه
٧__
اباوع راس ابويه من الضرب احمر
ابو وجه الحلو تالي صبح اسمر
رمح شابك رمح أحياء تصور
ابوفاضل شفت شابك علي الاكبر
اني اشوف الغالي شابك غالي
بس رمح الحسين صاير عالي
فاقده احبابي شبديه ينادي لو قصده الزجيه
فاطمه


٨____
خلصت هالمسيره وخلصت الايام
تالي بالنهايه من وصلنه الشام
اهناكه بالخرابه اجتمعت الايتام
وجابو راس ابويه وقررينه انام
نمت اعله الراس ذاكه الضامي
بعد ما ادري شكو بحلامي
اهناكه حضرتني المنيه ينادي لو قصده الزجيه
فاطمه
__
تمت الحمد لله بعنايه صاحب الزمان
١٧/٥/٢٠٢٢
خادم الحسين /علي فيصل الكريطي الكربلائي

ليالي محرم 1444
لسان حال الزهراء عليها السلام

للطف اجيت وابجي عالنحر
واقره اعله راسك سوره الفجر
لمن وصلت كلمه المرضيه حركوا الخيمه وسلبو رقيه
وابجي عله النحر
________
اجيت من المدينه بضلعي المكسر
ما بين المقاتل امشي وتعثر
جسم صاحي وجسم بالهيمه متوذر
كمت ما اميزك انته لو علي الاكبر
نفس الجسم والطبره والشكل
بس جسمك حسين انترس نبل
ام وجيت بعازه الحنيه حركوا الخيمه وسلبو رقيه
وابجي عله النحر
________
قبل لا اوصل للنحرك بقيت اقره
سلام اعله النحر من فاطمه الزهره
شفت حته العمامه اهوايه متغيره
العمامه الخضره من دمك صفت حمره
مفروش جسمك شفته بالدرب
ومنقسم جسمك كثره الضرب

شاهدت كل اجروحك المدميه حركوا الخيمه وسلبو رقيه
وابجي عله النحر
______

اجيت اقره الفجر يمه عله صدرك
اسمع سوره الفجري قره نحرك
شوصف حالي وحتاريت انه بأمرك
اباوع للصدر يمه وشفت ضهرك
ضيعت راسك وانته منذبح
باوعت فوق وشفته عالرمح
من المدينه جيتك ومحنيه حركوا الخيمه وسلبو رقيه
وبجي عله النحر
_______

اعد اجروحك وما اكدر احسبهن
جبت سبحه وكمت اني اعددهن
عضام مطشره بيمن اجمعهن
وضلوع مكسره والخيل ساحكهن
كل الحوافر سحكت السهم
انضر ضلوعك وصلت الخيم
الخيل اسمها خيل اعوجيه حركو الخيمه وسلبو رقيه
وابجي عله النحر
_____
١٢ طبره شفتهن زيدن نوحك
شفت كثره السهم التلجم اجروحك
ييمه تلجم من جفي ايلوحك
وركضت زينب ادري الطلعت روحك
مفتوحه عينك يمه عالخيم
وبوسط قلبك يوجع السهم
خليني اكلك اني الزجيه حركوا الخيمه وسلبو رقيه
وابجي عله النحر
______
رمح شابك رمح شفته عله المياد
ورماد الخيمه للعيله اشوفه اوساد
وجهي من المخيم كله صار ارماد
انصبغ من خيمه الحره وعلي اللسجاد
خيمه تطيح وخيمه تحترك
طفله تموت وطفله تنسحك
مسبيه تركض لاذت بمسبيه حركوا الخيمه وسلبو رقيه
وابجي عله النحر
_______
تمت الحمد لله
١٩/٦/٢٠٢٢
لا تنسونه من خالص دعائكم
خادم الحسين /علي فيصل الكريطي الكربلائي

ليالي محرم 1444
لسان حال السيده زينب عليها السلام
عندما رئت الإمام الحسين عليه السلام في الخرابه


كاعده بنص الترابه صتفه شفتك بالخرابه
بقلبي ديره من الحجي الما ينحجي
راح اكعد يمك واشبع بجي
صتفه شفتك بالخرابه
___
راح اطلع ضيم قلبي //والسوالف باليسر
خويه وبعازت بواجي//راح اموت من القهر
راح اسولف والحجي كلش صعب
خويه اخفي اعيوني لمن انضرب
فشله تنطك مره ما بين العرب
خويه والضربوني هم وآدم غرب
اختصر كل الرزايه احتركت ويايه العبايه
بلا ابو فاظل عليمن اتجي
راح اكعد يمك واشبع بجي
صتفه شفتك بالخرابه
___
جيتك وشكي عذابي// ودمعي يمك ينجفي
لان ادري انته يخويه//هم غيور وهم وفي
السالفه المره اسولفها بالم
اعله راسي طاح عامود الخيم
خويه من المستحه بين الزلم
خويه غطيت الوجه حته بعلم
والله خويه مو بديه اركض وغصبن عليه
اتعب وبسكينه كل ساعه اتجي
راح اكعد يمك واشبع بجي
صتفه شفتك بالخرابه
_____
باليسر ردت اشتكيلك// ضيم قلبي والجرح
حاولت احجي ويه راسك // عالي لكنه الرمح
ردت اعاتب وستحيت من الجفن
من شفت اثار حافر عالوجن
ردت اكلك والحجي كله حزن
لمن امشي حيل يوجعني المتن
من رحت اني أسيره صرت حجيه جبيره
ابجي انعه يمك بصوتي الشجي
راح اكعد يمك واشبع بجي
صتفه شفتك بالخرابه
__
راح اسولفلك ركضتي// من عفت كل الحرم
ركضه وحده خويه اركض // من الشريعه للخيم
اشتكيلك والحجي يا خويه مر
فشله تركض مره مكسوره ضهر
من ابو فاظل اريد اني العذر
الركضه ركضه خوف من عند الشمر
الشمر يتراكض ورايه بسوطه موتها السبايه
من ابو فاظل اطيح ورتجي
راح اكعد يمك واشبع بجي
صتفه شفتك بالخرابه
_
راح اسولف عن بناتك // جتفوهن بالحبل
ماتت من الضمه خوله//وشيعوها اعله الهزل
اسمع تنادي سكينه العالمه
عمي جيب الماي كاتلنه الضمه
وعاتقه جفينها تتجاره دمه
وماتت الطفله رقيه فاطمه
امنتني اعله الوصيه ماتت الطفله رقيه
والعليله تريد يم راسك تجي
راح اكعد يمك واشبع بجي
صتفه شفتك بالخرابه
___
راح اغفه اني اعله راسك // وخل سوالفنه سكوت
ريت اصير اني رقيه // من اشم عطرك اموت
ريت اموت ولا اعيش بمستحه
متني لو مره الهوه هم يجرحه
انطحن قلبي مثل طحن الرحه
وجفني من الحزن ما نام وصحه
خل اخبرك بالعجيبه صرت مو زينب غريبه
أشد من السوط يوجعني الحجي
راح اكعد يمك واشبع بجي
صتفه شفتك بالخرابه
___
المعذره من صاحب الزمان عج
لا تنسونه من خالص دعائكم
تمت الحمدالله 27/6/2022
الخادم /علي فيصل الكريطي الكربلائي

ليالي محرم 1444
لسان حال الإمام الحسن عليه السلام


يخلص الشهر المحرم ونتضر
بالسنه مقسومه اليه بس شهر
يوم واحد أنذكر سبعه بصفر
من الليالي
_
اعتب اني اعله الجفوني
بنص مجالسهم نسوني
واني ابو الحنيه
بكل مجالس اني حاضر
ابجي ومكسور خاطر
وسط الحسينيه
محرم من يمر عشره ليالي
مكاني اني اشوفه بيها خالي
ردت شاعر كتب حالي وسؤالي
ابد ما شاهدت واحد قرالي
اسمع أطوار ولحن بيهن حزن
بالقصيده ما شفت اسم الحسن
اني ابن الخيمه والتل والضعن
والغوالي
___
جانت اول امنياتي
بكربله تخلص حياتي
والعمل بالنيه
راح ابشركم بشاره
الراد يوصلي زياره
يقره الي لطميه
محرم من يمر والعاشر انتضره
وليالي الفاطميه وكسره الزهره
وليالي الزينبيه ودمعه الحره
ابد ما شاهدت واحد الي يقره
اعتب اعله الخدم ليحبوني
ليش طول السنه ميذكروني
بالقصد لو مقصد يجفوني
ودمعي هالي
_
بليله الثامن اشاهد
من الألف يذكرني واحد
واني ما انساكم
اي وحق دمعه الزهره
النساني اني اذكره
والله روحي وياكم
من كل السنه اني أنذكر مرتين
السابع من صفر والثامن من حسين
اقصد ليله الثامن والقصد وين
عله صينيه القاسم آهيل العين
بليله القاسم تزيد الونه
بيدي ياس وبيدي كومه حنه
اكتب الخدام واليتمنه
هذا حالي
__
الغربه صعبه وشوكي اصعب
لان احبكم اني اعتب
والعتب لحبابي
المجالس هيه بيتي
بالكرم معروف صيتي
باب الله بابي
سنه تبدي سنه تخلص ونه اتنطر
ناسيني الحبايب اكثر واكثر
انه كل المجالس اعتني واحضر
سجل الخدمه يمي وبيدي الدفتر
عالخدم اني اوزع نضره
بيدي اسجلكم وحق الزهره
ردت واحد يذكر اسمي انتضره
يرد سؤالي
__
قبل موتى اني اعلم
كربلاء تصير من دم
تموت كل اخواني
امنيه وحده اعله بالي
راسي يم حسين عالي
وسفه خالي امجاني
امنيتي اصيرن ضل عله حسيني
الشمس فوق الرمح خليها تجويني
ولكن وسفه قبله خلصت اسنيني
ونه كل مجلس الطمله عله عيني
ابد لا يوم كيوم مصابك
بساعه سبعين تموت احبابك
اول انسان سليبه اثيابك
وراسه عالي
__
تمت الحمدلله لله
5/7/2022
لا تنسونه من خالص دعائكم
الخادم /علي فيصل الكريطي الكربلائي
ل

ليالي محرم
وكأن بالسيده زينب عليها السلام تأدي مناسك الحج في كربلاء
......................
مراسم حجي هذا العام ماكو خيمه ماكو خيام
من حسين للشاطي سبعه احسبهن اشواطي
مراسم حجي هذا العام
**
للحج مناسك اني اعد بحج الإسلام
سعي وطوافي والوداع ولبس الاحرام
احرامي اسود من طفت بحجي هالعام
حسابي مطافي الخيمه بس محتركه الاخيام
مطافي بس ركض يا ناس من حسين للعباس
بمتني توجع اسياطي سبعه احسبهن اشواطي
مراسم حجي هذا العام
****
قران من شرط اليحج ويرتل بنوح
لكنه حجي بكربله ايشيب الروح
اقره الزياره اعله الجسد وحسب بالجروح
الف وسبعميه جرح وقرأني مذبوح
الحوافر داست القرآن ونزفت سوره الانسان
بجرحي ضايع اخياطي سبعه احسبهن اشواطي
مراسم حجي هذا العام
***
رمي الحجر شرط اليحج معروفه هيه
لا ما رميت اني الحجر رمو عليه
لكن مناسك حجي انه بالغاضريه
بعد الحجيج مكيده وامشي سبيه
بمراسم حجي محتاره عليه رمي الحجاره
الكافل يسمع اعياطي سبعه احسبهن اشواطي
مراسم حجي هذا العام
*
شرط اليحج هم ينفرد وبروحه ظنه
كل النسه انفردن شفت بقبور اهلنه
للقاسم رمله من مشت بديها حنه
ولعلي ليله من مشت ما لكت منه
كل ثكله تهيل العين ونه كل بالي اخوي حسين
اخويه اللوله بكماطي سبعه احسبهن اشواطي
مراسم حجي هذا العام


***
هاي المناسك تختلف ودموعي من دم
عطشانه احجن بالفله وبالماي احلم
اطلب انه ماي العذب ما ردت زمزمز
غير السياط ال علمتن والدمعه والهم
بحجي بليله العاشر ورايه تركض الحافر
وخوتي تعرف ازماطي سبعه احسبهن اشواطي
مراسم حجي هذا العام
****
اخر مناسيك الوداع وحجه تكمل
للعباس اني رايحه لو مني يزعل
ابعيده المسافه للنهر والركضه للتل
بختم الوداع الخل تره يفارك الخل
ابو فاضل ينور العين أودع عينه والجفين
وخلص دمعي عالشاطي سبعه احسبهن اشواطي
مراسم حجي هذا العام
***
خادم الحسين/علي فيصل الكريطي الكربلائي

ليالي محرم وزن هجري.
*****
يامحرم/وينك انته من سنه اني انتضر
يامحرم/ سنه أتاني وريت عمرك مو شهر
يا محرم يا محرم
...................................................
يا محرم لحضه لحضه بنتضارك هذا عمري
اختلفن اعضاي بزعلهن جفي زعلان اعله صدري
عيني ماتحجي ويه جفني بهل المصيبه انته تدري
لو إجه طاريه زينب يلتقن والدمعه تجري
يامحرم/ بلا بواجي اني اموت من القهر
يا محرم/سنه أتاني وريت عمرك مو شهر
يا محرم يا محرم
...............................................
من تخلص يا محرم الله هم ينعم عليه
وبصفر خلاني اذكر جرح يوم الغاضريه
من بعد صفر أتاني ا ليالي فاطميه
من بعد هاي اليالي اليالي الزينبيه
يا محرم/ رايد اللطم للحسين وافتخر
يا محرم/سنه أتاني وريت عمرك مو شهر
يا محرم يا محرم
....................
والله لو ما هاليالي اني ما اريد العمر
الله خالقني حسيني ويختلف هذا الشهر
بهاليالي رايد الطم حته صدري ينكسر
اني اخجل صدري سالم حسين مكسور الصدر
يا محرم/ رايد اذكر قلبي لمصابه جمر
يا محرم /سنه أتاني وريت عمرك مو شهر
يا محرم يا محرم
.......................
وينك انته يا محرم منتضر هاي اليالي
أدري ترضه الزهره عني لو تشوف بدمعي هالي
رايد اسمع بالمصيبه وقصه المقتل ابالي
عايشه ابالي الفجيعه مهره من يرجعله خالي
يا محرم /انعم الله بالمأتم وبصفر
يامحرم/سنه أتاني وريت عمرك مو شهر

يا محرم يا محرم
..................
علمتني يا محرم قلب المفارك حنين
الله اليعين العليله هم يعين ام البنين
سنه ونص بنتضاره تالي ما رد الحسين
تحله لمفاركه حبيبه بس دموعه والونين
يا محرم /اليفارك بعد ما يريد العمر
يا محرم/سنه أتاني وريت عمرك مو شهر
يا محرم يا محرم
............................
ابالي ضلت بس مصيبه خل اسولفلك انه
خافي ما اشوفك محرم عمري اقل من السنه
المن انطي وجهي اني وضهري بذنوبي انحنه
ادري ما ينسه الخدمته وعمري لحسين انفنه
يا محرم/رايد اسئل هم تجيني بالقبر
يا محرم /سنه أتاني وريت عمرك مو شهر
يا محرم يا محرم
تمت الحمدالله
خادم الحسين/ علي فيصل الكريطي الكربلائي

ليالي محرم 1444
لماذا لم يتحدث الشعراء عن عباده زينب عليها السلام

يروي الامام زين العابدين في ليله الحادي عشر كانت محتركه الخيام وعلى ذاك الحال ونضر عمتي زينب عليها السلام تصلي صلاه النافله وكانت تصلي صلاتها من جلوس




زينب اميره كربله صلت صلاه النافلة
سجدت على ارماد الخيم وجانت اديها مكبله
زينب زينب
__
صلت صلاه جالسه والقبله صوب المشرعه
والنار تاكل بالخيم من الجهات الاربعه
بس هيه زينب مؤمنه والمؤمن اسلاحه الدعه
والحيره وبصف الخيم جثه حسين مكطعه
بالسفر ما صلت قصر وسجدت بعد سجدت شكر
لا عجبا من هل الامر بل إنها ام الصبر
زينب زينب
__
زينب توضت بالدمع وفراشها اقماش العلم
صلت صلاه النافله بين الرماحي والسهم
تدعي الالهي شاكره شكرا على كل النعم
ويمها رقيه نائمه متوسده برماد الخيم
تنضر حسين بلا دفن ما صلت الوحشه اضن
شافت ضلع يم الخيم والخيل طاحنته طحن
زينب زينب
_
سبعين واحد فاقده والمتن يتجاره دمه
مشتعله كل الخيم والليل تقضي قائمه
صلت جلوس زينبا ومحتركه بجروح الضمه
ومتوجهه لصوب النهر وبجفها سبحه فاطمه
وساجده فوق الترب وحسين يمها منسلب
كل الحوافر داسته ومحتاره زينب بالغرب
زينب زينب
__
صل على محمدأ اتردد بطول الدرب
زينب تره اول مره تصلي النوافل بالحرب
عالهزل تقره الفاتحه وبالغربه كاتلها الغرب
وتنادي ابو فاضل مدد لمن متنها ينضرب
لمن متنها ينجرح تخاطب بسكته الرمح
لكن سوالفهم دمع وعباس يفهم بالجرح
زينب زينب
____
من السبي ما عاتبتت والحره مكسوره ضهر
زينب تره ليل اهدعش صلت على ذاكه النحر
لمن لبو فاظل تحن تتوجه لصوب النهر
ايات تقره عالهزل وتهديهن لروح القمر
تتوجه اعله المشرعه تقراله هيه الواقعه
وتذكر صولته اعله النهر وتقراله هم الزلزله
زينب زينب
_
لمن متنها ينضرب باليسر تقره البسمله
لو أريد اسولف كربله بل هيه زينب كربله
عن زينب انسولف بعد غير صلاه النافله
ام اخوها لقبت وبعد الكفيل كافله
اول اميره اعله عالهزل وبجفها مشدود الحبل
كانت كا داود النبي والشمر كان كالنمل
زينب زينب
_
تمت الحمد لله
٢٣/٧/٢٠٢٢

لا تنسونه من خالص دعائكم

خادم الحسين/علي فيصل الكريطي الكربلائي

ليالي الفاطميه 1445
لحن محمد الجنامي/ تنشد من الناس

لسان حال الزهراء عليها السلام

محسن حلم راح. ما شافته العين
اتمنيته يا ناس. بس يشبه حسين
كل ساعه احسب كل شهر
تالي عله الباب انعصر
ما شافته العين
/////////.
محسن حلم عمري رحل. وشهور سبعه انتضر
من أدخل باول شهر. احسب يجي اخر شهر
من طرقه الباب انتهت. امال واحلام العمر
من قبل لا ضلعي انكسر. حسيت محسن منعصر
من دفعت الباب. ضاع العمر ضاع
اصعب عله الروح. لحضات الوداع
وبتدت ساعات القهر
تالي على الباب انعصر
ما شافته العين
///////////
من هجموا علينه العده. الزمره هاي الضالمه
دخان والباب احترك. الدخان واصل للسمه
من طاح محسن عالارض. اسمع ينادي فاطمه
ارماد والدم انخبط. ابني اشوفه بس دمه
عالارض من طاح. طاحت تره الروح
شيفيد الاعتاب. واوليدي مذبوح
قلبي من الفركه جمر.
تالي على الباب انعصر
ما شافته العين
/////////
حضرت كاروك الطفل. وحضرت اكماطه اله
لطفل الرضيع يضل ورث. لصوغه لحسين بكربله
اسم الله يبني من الذبح. ادري الرباب تدلله
بالعاشر ينوم الطفل. لو سمع يحجي حرمله
من الضمه يفز. عبدالله عطشان
ويقدمه الحسين. للدين قربان
ويشوفه مكطوع النحر
تالي على الباب انعصر
ما شافته العين
////////
مريم وقصتي اتشابهت. لو نحجي عن طاري الجذع
الباب جانت من جذع. من طاح كسرلي الضلع
ما همني ضلع والكسر. ولا همي خدي المنصفع
كل فكري ليش عالارض وبيا ذنب محسن وقع
محسن حلم جان. ومنتضره ايام
وبيا ذنب ليش مذبوحه الاحلام
ميرجع المات الصبر.
تالي على الباب انعصر
ما شافته العين
/////////
الصديقه اني فاطمه. عندي عتب لهل العرب
لليدعي اصحاب النبي. هم عدنه وياكم حرب؟
تعرفون منهو فاطمه. اصحاب انتم لو غرب؟
لو صدك اصحاب النبي. چا ليش خدي ينضرب
متبريه الاعرب. منكم يضلام
باجر ترجعون. تحركون الاخيام
تذبحون عالشاطي قمر
تالي على الباب انعصر
ما شافته العين
////////
تمت الحمد لله
خادم الحسين عليه السلام
علي فيصل الكريطي الكربلائي
29/10/2023