🏴 المصيبة العظمى والرزية الكبرى استشهاد سيدنا ومولانا شمس الوجود و قمر السعود ومظهر الفضل والجود واسم الله الأعلى في السجود شمس الأكوان في الأكوار وبدر الوجود في سائر الأدوار مصباح الانوار ومشكاة فلق النهار الذي ظهر بالآيات القاهرات والمعجزات الباهرات من حن الجذع اليابس إليه و سلم الضبي عليه من انقطع وصف الواصفين عند مرام وصفه و التصقت صخرة أبي لهب لما اراد وضعها عليه بكفه من انشق عند ولادته الايوان و خمدت له النيران وطرد عن استراق السمع كل شيطان القصر المشيد والنبي المؤيد والرسول المسدد خاتم النبيين أبي ‌ القاسم محمد صلى الله عليه وآله 🏴

💔 آجرك الله يا مولانا يا أمير المؤمنين ، آجركِ الله يا مولاتنا يا فاطمة الزهراء ، آجركم الله يا ساداتنا يا آل محمد ، آجرك الله يا بقية الله الأعظم 💔

في استشهاد الرسول الاعظم صلى الله عليه وآله

أبوذيه

ابوي امحلي هالدنيا ويمر بي (مر ار بيه )
تراني امعوده اعليه ويمر بي (يمرني )
دليلي نار واشتعلت يمر بي (جمر به )

من شفته يعالجها المنيه
————

طور : ياليل طول ساعاتك

يا بوي يالنور ابعيني
يابوي وين امخليني

شايل يا روح الروح امخزّن دلالي اجروح

يدرون مااصبر دونك
واشلون عني ايبعدونك

يابوي مااصبر بعدك اتمنيت اتوارى ابلحدك
————
✍️ #بنت_الشمري
٢٠٢٤


https://www.tg-me.com/c/2189065579/2

لاستشهاد النبي الاعظم صلى الله عليه وآله

وزن البحر الطويل




راح الهادي يم احسين شال وما تلاگينه
مسموم ورحل عنج وهالليله تفگدينه
———
شال الليله يازهره شايل عنج الوالي
گلبج يم حسن مفجوع ودمعج يسچب ايلالي
شايل گرة اعيونج الهادي الطاهر الغالي
مظلمّه الديار اعليج ووحشه من بعد عينه
————
خيمه وجنتي ابفيها ابظله ومايغيب اعليج
واليوم انگشع فيّج وصبوا كل حقدهم بيج
توّه غمّض اعيونه وراح الوالد الغاليج
لابعد ه ابد افراح ولا بطّلتي اونينه
————
يا أعطم مصيبه وهم حلّت هالمسا اعلينه
فگده والله مو هين نار وتستعر بينه
ياأعظم بشر بالكون رحمه امن الله هادينه
ناح إلفگده كل الكون وحزنه الدهر يروينه
———-
للهم استعدي اليوم دهرج شدلج احزامه
مايبطل وراه النوح راحن زهره ايامه
مابين الوصي وبينه حزنج ولّم اسهامه
اتونين ونون وياج انعزيج وتعزينه
———
✍️ #بنت_الشمري
٢٠٢٤
📚مكتبة بنت الشمري


https://www.tg-me.com/+INNbAljAHK42MTI8

#جديد
الهجوم على الدار وتسقيط مولاتنا #الزهراء عليها السلام
.
.

بالباب أذّوني
خلفه دفعوني
وتالي ضربوني
يبويه

ومحسن بالعصره
طاح اعله الغبره
واعتابي جمره
يبويه

داري حــرگـــوها
اضلوعي كِسْروها
امتـــوني طگـوها
يبويه

بالسوط ايطگني
ومدميّــه متني
اوحگك عذبني
يبويه

انهض واتعثر
ما بيّه اتصبر
بالي يم حيدر
يبويه
____
#فاطمة_كريم
٢٠٢٤ م
https://www.tg-me.com/qasaidfk128

نعي
لشهادة الامام العسكري عليه السلام


اشحاله المنتظر ياناس هليوم
عينه تهل او گلبه مالوم
الغالي شال وخله الهموم

شال وفطر مني الگلب
يا راعي الوجه العذب
يا شيعه وافراگه صعب

ظلمه الليالي بدون عينه
راح وغدت ظلمه المدينه
وطيبه على فگده حزينه


ذكرنه گعدته وعزنه ودلاله
ذكرنه اسوالفه وهيبة جلاله
شفته يون مترادي حاله
—————-
فائزي


شايل يشيعه هالمسا والدي الغالي
ابن النبي المصطفى يا ويل حالي

هالليله ظلمه وموحشه من غير الايام
شايل عزيزي وبالترب خلاني ونام
مسموم من بعد الصبر وايروح منضام
منضام ياشيعه ورحل والدمع هالي

عاش السنين ابكل الم ويروح مسموم
فوق الهموم واغربته زوًدنه اهموم
گلبي ابرحيله منفطر وابهمه ملچوم
وحشه المدينه ومنزله ينعاه خالي


نزلته بيدي للترب واشلون ليله
بيها تون كل الحرم ماالها حيله
لكن يايوم ابو علي ماكو مثيله
ظلن حريمه بالفلا من دون والي
————-

الفراق

آيبويه. عني شايل هلمسيه
آيبويه. اعليك دمعاتي جريه
آيبويه. صعبه لحظات المنيه

آيبويه. ينعه بيتك والله خالي
آيبويه. والدمع ابحرگه هالي
آيبويه. سوده بعدك هالليالي

آيبويه. ماشي وامخليني وحدي
آيبويه. تدري بس انت اللي عندي
آيبويه. موحشه وأتلگه وعدي


آيبويه. دنيتي الفگدك حزينه
آيبويه. تنحب اعليك المدينه
آيبويه. اظْلّمت ابفگدك علينه
—————
تمت بحمد الله تعالى
بقلم بنت الشمري

مكتبة بنت الشمري


https://www.tg-me.com/+INNbAljAHK42MTI8

رابط استشهاد الامام الحسن العسكري عليه السلام عبر المكتبه

https://www.tg-me.com/c/2189065579/41

▪️راية احزانه▪️

في استشهاد الامام العسكري عليه السلام



بيت الهاشمي هليوم رافع راية احزانه
شال العسكري مسموم خالي هلمسا امچانه
————

نوح وفرگه واموادع ماتنحمل هالليله
شايل ياجبير البيت شال امعدل الميله
ماكمّل ثلاث اعقود ليش وهدّموا حيله
وابورد العمر توه المن هالدهر خانه
————
ياشيعه ثمان ايام املوّع سمّه اكليبه
روحه تنازع وتطلع يا معظمها لمصيبه
ويايوم الوداع اشلون كلشي ينادي بِمْغيبه
ظلمه والحزن خيّم اختلفت هلمسا الوانه
————-
شايل وابورد عمره ويلي حسرة اشبابه
ينعونه ابونين ونوح اوليده واهله واحبابه
اشلون ايجهّزه المهدي وگلبه يجرحه اغيابه
وحده ويلي ايعوفه وروحه الروحه لهفانه
——-
بعده لاحضن يلگاه بعده الوحده چتاله
بعده تبتدي الغيبه وحمله ايشيله إلحاله
الله ايعينه من غسّل ابوه وللقبر شاله
وسد بيده الغالي وبيده حلّه إلثامه
——
بس ياويلي عالمذبوح ناره تجوي مستعره
ذبحوه والف مره من گبل يحز نحره

واتروح وترد لخيول عشره اتكسّر ابصدره

مايشبه مصابه امصاب روحه ابهمه رويانه
———
#بنت_الشمري


رابط استشهاد الامام العسكري

https://www.tg-me.com/c/2189065579/41


مكتبة بنت الشمري

https://www.tg-me.com/+INNbAljAHK42MTI8