tg-me.com/sheriylahzalar/8485
Last Update:
***
Ёмғир бу – H2O,
Дардкаш булутларнинг йиғиси эмас.
Бир ҳафта ёғса ҳам
парвойингга келмасин,
Бир ой эзғилаб ётса ҳам
эътибор қилма.
Бу шунчаки икки атом водород,
бир атом кислород!
Ҳар томчиси юрак эмас унинг,
ҳар чирсиллаши синиш ҳам эмас.
Сочингга, эгнингга,
лабингга қўнган томчининг
Менга умуман алоқаси йўқ.
Бу оддийгина ернинг тортиш қонуни.
Кўз ёшингга
дош беролмайдиган одам учун
Таскин экани ҳақида ўйлама.
Ёмғирдан покланган
фақат табиат эмаслиги ҳақида ҳам
билмай қўяқол.
(Катализатор ўзгармас модда ахир).
Ёмғир йиғи эмас, десам кўнмайсан.
Қабул!
У шунчаки
қувонч ёшлари.
Ишонмасанг, текшир,
Таркибида туз йўқ заррача.
Гаплашма у билан!
Панароққа ўт...
Ёмғир шалаббо қилишни билади фақат.
Нуҳнинг кемасини кутма.
Барибир одамлар чиқмайди унга.
Ёмғир кўп ёғса,
Яхши ўт бўлади,
Мўл хашак –
Ҳозир
шу ҳақда ўйлагим келяпти фақат.
...................................................
...................................................
Қофия дейсанми?
Қофия асролмайди соф туйғуларни.
Асраганда жонни қўшиб бермасмидим унга.
....................................................
....................................................
Дарвоқе, таскин...
Кўз ёшингни бекитган томчи.
Бир томчи ёшингни бекитмоқ учун
Оламнинг кучи қолмади бошқа ёғишга.
Ичимда ўт, кўксимда чақмоқ...
Ўтинаман, ҳеч қачон йиғлама...
Ёмғир шунчаки H2O...
Шавкат Дўстмуҳаммад
@sheriylahzalar
BY She’riy lahzalar
Share with your friend now:
tg-me.com/sheriylahzalar/8485