tg-me.com/spidermediaa/5614
Last Update:
Waltajjiin Marii Biyyaalessaa irratti xiyyeeffate ogeeyyii miidiyaalee Islaamaafi aktivistoota waliin gaggeeffame
Spider Media : Zulqaida 5/1445
Waltajjiin Marii Biyyaalessaa irratti xiyyeeffateefi mana maree dhimmoota Islaamummaa Itoophiyaatiin qophaa'e ogeeyyii miidiyaafi aktivistoota waliin har'a magaalaa Finfinnee hoteela Istay-Iiziitti gaggeeffameera.
Kaayyoon sagantichaa hawaasni muslimaa Marii Biyyaalessaa irratti sirnaan akka hirmaatu gochuu keessatti gaheen miidiyaalee Islaamaafi aktivistoota guddaa waan ta'eefi.
Waltajjii har'aatiin Ustaaz Ahmaddiin Jabal mataduree seeneffama seenaa, Abukaatoofi ogeettii seeraa Aadde Addis Mahaammad mirgoota siiviliifi qoodama qabeenyaa seera qabeessa akkasumas mataduree mallattoolee biyyaafi ummataa jedhaniin Doktar Muraad fi Doktar Abdurrazzaaq Huseeniin waraqaaleen qorannoo qophaa'an kan dhihaatan yoo ta'u hirmaattotaan mariin bal'aanis irratti taasifameera.
Hoji gaggeessaa olaanaan mana maree dhimmoota Islaamummaa Itoophiyaa Haji Kamaal Haarun muslimoonni bifa isaan madaaluun Marii Biyyaalessaa irratti akka hirmaataniif xiyyeeffannaa itti kennuun hojjataa jiraachuu kan ibsan yoo ta'u dhimma kanaafis addatti koree hundeessuu himaniiru.
''Itiyoophiyaan ni mariyatti'' yeroo jedhamu biyyattii ijaaruu, guddisuuf mi tiksuu keessatti gaheen muslimoota biyyattii guddaa waan ta'eef hawaasni muslimaa waltajjiilee gaara hanga gadiitti jiran irratti sirnaan hirmaachuu qabas jedhani.
Komishiiniin marii biyyaalessaa hirmaattota sadarkaa aanaatti kan filate yoo ta'ullee filannoon kun hirmaannaa hawaasa muslimaa ilaalchisee seera qabeessa waan hin taaneef manni marechaa komii isaa xalayaadhaan komishiinichaaf dhiheessu hoji gaggeessichi eeraniiru.
Mana maree dhimmoota Islaamummaa Itoophiyaatti hoogganaan Damee marii muslimootaa Haji Nuuraddiin Jamaal manni marechaa waltajjii komishiiniin marii biyyaalessaa qopheessuu irratti hawaasni muslimaa bifa isa madaaluun akka hirmaatu gochuuf hojjachaa jira jedhani.
Haaluma kanaan waltajjii marii biyyaalessaa kanaaf dhimmoota seenaa, diingdeefi hawaasummaa irraa kan walitti ba'an gaaffiileen hawaasa muslimaa 47 boqonnaalee sagalitti hiramuun kan qopha'an yoo ta'u Komishiinii Marii Biyyaalessaatiifis ergamuu Haji Nuuraddiin ibsaniiru.
Waltajjichaan hirmaattota irraa yaadniifi gaaffiileen garaa garaa ka'an irrattis mariyatameera.
Spider Media n affeerraa manni maree dhimmoota Islaamummaa Itoophiyaafi qaamoleen qooda fudhattootaa waltajjicha taaisisaniif fudhachuun waltajjicha irratti kan argame yoo ta'u, inshaa Allaah marii biyyaalessaa irratti hirmaannaa Muslimootaa mirkaneessuuf cimee akka hojjatu ibsa.
Nu hordofaa:
YouTube https://youtube.com/@Spidermedia1
Facebook https://www.facebook.com/SpiderMedia01
Telegram channel https://www.tg-me.com/us/telegram/com.spidermediaa
Tik Tok https://www.tiktok.com/@spidermultimedia?_t=8bvc1u3btiv&_r=1
WhatsApp
https://whatsapp.com/channel/0029VaAgkUd8fewqlY5Jlb3I
Umma Life https://ummalife.com/Spidermedia
#SpiderMedia
BY Spider Media
Warning: Undefined variable $i in /var/www/tg-me/post.php on line 280
Share with your friend now:
tg-me.com/spidermediaa/5614