صرنا نجيء وملءَ العين أسئلة
وملءَ أرواحنا حزن يعاصيها
تُرى هو الوقت؟ أم أنَّ الرياح بنا
جَرت على غير ما نهوى مجاريها.
‏عبد الرزاق عبد الواحد

ما عاد لي شفّ لشعور البدايات
‏كم لي عن الحب والأشواق هارب

‏الله يسامح لياليك القديمات
‏خلتني أخاف من خوض التجارب !

من كل الجهات..

ما جفت ريح الغلا وارف غصوني
‏لو تشوف الحب بعيونك رمادي

‏ما قدرت تصير عادي في عيوني
‏بس انا من غبت عنّك صرت..عادي !

نَحنُ سِرٌّ فِي الليَالي..

ان ضم صوتي نحيب الذكريات وسجع
‏من يفتق الليل .. لا ضيّق علي الفضا

‏ما طاح من قلبي المملي كلام و وجع
‏إلا الشعر .. والشعر خصمٍ يرد القضا

كلما تعثّرتُ صدفة بحقيبة سفري اثناء تنظيف مفاجئ في بيتي، سال من يدي مطار لا تنادي في ممراته موظفةٌ على اسم بلادي.
- زياد خداش، كاتب فلسطيني

والله اني من عدود المفارق رويت
ما بقى كلمةٍ فـ البال تقرينها

يوم قلبي تركته بالمكان وسريت
ودي أعيش ليلة ما تمرينها !

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنَّا.

يا من على طاري جروحك وغربالي
تزبّر الدمع واشفى خاطري واغدق

قلتي وعد .. ما يمر اسمك على بالي
ومن يومها والوعود الزايفه تصدق!

جديد (:

https://x.com/i4arh/status/1785738185261092906?s=46&t=sv1BqdQQOjkUE2hSTXUGDA

إلى متى والشوق في قلبي يحوس
الظاهر إن الشوق ماهو مستريح

الكون ضيق بضيق لين أملا الطروس
مما يكنّ الصدر .. ويعوّد فسيح

من الوقوف إلى البكاء حتى الجلوس
والحبر بين يسيح وإلا ما يسيح

ما دام وقت الشحّ معيار النفوس
ويفرق به الكف الكريم مْن الشحيح

لا يمكن الظلم تْساوى فيه روس
دام الخطا بيشوفه الظالم صحيح

يا دربي اللي ما عثوا فيك العسوس
ما زلت لا مرّيت بـ أرضك ريح شيح

وما زال فيك الظلّ عن حر الشموس
وأوّل ما تطريه الجروح إلى الجريح

يا ما على حبّك تعايشت بطقوس
لو عاشها الصاحي ظهر منها طريح

مع الأسف.. لو قالوا الدنيا دروس
وإن الزمان يطيّح اللي ما يطيح

ما فـ الحنايا من ضمن الأقواس قوس
يقدر يقول إن حبّك آيل للمطيح