tg-me.com/tercheyeh/1101
Last Update:
الصادق يٍون و الگلب مَهموم
بيته احترگ و الچَبد مسموم
كلشي البي وي آهاته
يبچي لجَده و عماته
و الچبد مسموم
ــــــــــــــــــــــــ
فوگ الـدار ضـل مَـطروح و لكن شـيعته الناس
و بناته يلوذن اٍكتاره و منهن منجرح الاحساس
ضَــل عطــشان بِلا رواّي و يـذكـُر عمـه العباس
يتــذكر سَبــي عــمته و هــيه امـــهَبطـة الراس
جِســمه انرفع مو بالحَصــيره
مـو عالرمـــل و اِبـلا عشــيره
يحرگن ضَلن دمعاته
يبچي لجَده و عماته
و الچبد مسموم
ــــــــــــــــــــــــ
صح بيته اِحتـرگ بالنار بس ما سَّــبو نسوانه
الوحده بأخير ٱنفــاس و مـو متذبًحه اخوانه
مارِكـضَت اخت عــالتل ولا نهلانه . عطشانه
بس بنتــه تون علــيه و ركــضت ليــه لهفـانه
ماخضــبوهــه ابــدم لحــيــته
تكــّسر گلــب اهــوايه رزيــته
تتكّسر بصدره عبراته
يبچي لجَده و عماته
و الچبد مسموم
ــــــــــــــــــــــــ
نار الــبــيت ايـــشاهــد و تــذكر نار بالخــيمه
بناتك يصــرخن اگبالك بــس ماركضـن بهيمه
بالطـف حـرگوا الـنســوان الماعٍندَهــم شيــمه
الظــهر ذاكه جدك طاح و ضـلت تبچي الغيمه
سلبــّوا اثيـاب ابـن الزچــيه
بس انــت طايـح عالوطــيه
بس لحسين صرخاته
يبچي لجده و عـماته
و الچبد مسموم
ــــــــــــــــــــــــ
حٍضرَت فاطــمه يَــمك و تصيــح آيلــولد يبني
فگــِدكــم يا اهل بيــتي وحــگ حيــدر شيّـبني
الســم چبــدتك يمــه احــس بضلعــي صَــوَبني
حرگ دارك . بَــچــي بناتــك يلصــادق عــذبني
بنــتك تــون يــمــك و تــبچي
عــن العــقــيله گــلي شحـچي
اباله حســين و ابنياته
يبچي لــجده و عـماته
و الچبد مسموم
ــــــــــــــــــــــــ
ماراحــن بــناته بســوگ و لا شــافــن اي آلام
مامــچــتوفه ايديــهــن و لا طبــن ارض شام
و لاضّــربوهن الأجنـاب و امــگـيدين الاجدام
عمــاته الــجــره عليــهـن يتــمــنه كــله احـلام
كل عــمــره مــامــرتاح لــيله
و الــصــادق احــزانه ثجــيله
تشــب بــنار حسراته
يبچي لجده و عماته
و الچبد مسموم
ــــــــــــــــــــــــ
كلمات خادم الحسين :
محمد الحايي
https://www.tg-me.com/us/« تـرچـیه و دم »/com.tercheyeh
https://chat.whatsapp.com/GztzRaPnXfZ34SMZZbQgLx
BY « تـرچـیه و دم »
![](https://photo.tg-me.com/u/cdn4.cdn-telegram.org/file/TUt6n6KkHvaAT9zZZwgjnpvwsX-Zc6dMPIFPWodj7FejzI-Ydgt-pcgdD2SE_K2iNkl1UqOdBdo0gH5xn6maICsozUP0aNXHY6eaZcvuOe0Q5MxPhmnXClG3CubKiOoBEhifapYKbOeX6yGJkpMKwCKHQt4810mXpVAQXtFO54ANXvqKOq2KxLnIXmZLDWd0T_SRhfZR2x_Ts6mIYnV0GOn93kAZwiEKymr2CIqI7vbfjNlJ6d5V8v2pbnnCBZ7Yd4PhY6I0W0WZKn031EK-2tjFT61d5SEu_Spjo4uiD1UCB6noMuHlEFqqJaVXFSW4A-8IcjoPhZtK37ZZLiP4xQ.jpg)
Share with your friend now:
tg-me.com/tercheyeh/1101