tg-me.com/tercheyeh/1204
Last Update:
ابقی اخدمکم یخدام الحسین
افـتخر لـمـن ابـوس اجدامکم
الله رافع شانی و منطینی صیت
من الزغر جاعلنی من خدامکم
ـــــــــــــــــــــــــــــــــــــــــ
اِرزقنی الله بنعمته
الحسین و خدمته
شمحله لو ام الحسن تنظر علیه
ابچی و الطم علصدر
ارد اواسي ام الخدر
اتنادی یولیدی اذکروهه السبیه
صرت خادم و افتخُر
تعودیت من الزغُر
ابد لا اکسر أنه گلب الزچیه
اتواضع و اخلص بعد
و ابقی عالهذه العهد
للمصیبه دمعتی تنزل شجیه
راح اجیلک سیدی و دمعی یسیل
گلـبـی بـمـصـابک کـسـیر و ذایـب
ریـت آنـه انـچـوی بمـچان العلیل
ینـحنی ظـهری و اصـیرن شایـب
ـــــــــــــــــــــــــــــــــــــــــ
مثل حمزه وی وطن
اقره اعله طاری الضعن
وی الرمیثی نبقه خلونه الحسین
النوینی و دمعته
باسم اویه حرگته
ینعه سید جاسم علی ام البنین
هذه اخلاصه سده
بروحه للمنبر فده
یندفن یم العزیز و قـرة العین
آنه اقدملک شکر
لطمتی اعله الصدر
و ادری تکتب اسمی انت یالحنین
ردت یـم الزچـیه و دمـعی هالی
تگلـی اقرالی یـمه بصـوت عالـی
أبدی بهالشـطر و ادموعی تصب
تعـالی یـم حـسـن یـمـه تـعـالـی
ـــــــــــــــــــــــــــــــــــــــــ
شگد صعب یامُنیتی
أنه بدونک دنیتی
انطینی عزة عمر ابقه بکل سنین
ما افارگ خدمتک
فدوه اروح الدمعتک
خلنی کل عام ابدی ابهل ونین
امک اتجازی الخدم
و هیه تنطی النعم
کلمن ایخدمک یامولا یاحسین
اقسم بجاه النبی
و الذی راحت سبی
لاتبطُّل نوحی و کل دمعة العین
ابچـیلـک عـمـر لو بـس شهر یکفی
یـل ابگلبـی بـس انـت فقـط گاعـد
تستـاهل أوِن اعلـیک لحد مامـوت
و اکسرلک گلب موبس ضلع واحد
ـــــــــــــــــــــــــــــــــــــــــ
دوم ابچی عالسبی
و حرگ الخیام و عبی
آنه اهیمن لو یمر طاری خیامک
یحسین ماکو بهل مصاب
دامی و دمک خضاب
چویه خلی من مُصاب ایامک
ضیعنی بدیرة غرب
خل اموت من الضرب
حتـی اتـذکـر ضـرب ایتـامـک
ریت اموت من الألم
لو یمر طاری الخیـم
ریت اصیرن حصیره و الم اشلائک
مـو خـااارجـیـه زیـنـب اتـگـول
یاوسـفـه صـرت هـسـه غـریـبه
تلطم علوجه و بصوت مبحوح
انا الـعـباس بـالله مـنـین اجیبه
ـــــــــــــــــــــــــــــــــــــــــ
افیای اصیر الجثتک
یاعظمهه هیبتک
یلحنین إبن الحنین الزم ایدینه
مای بالجربه اصیر
ویه ایتامک احیر
ننضرب و نصیح بویه الحگ علینه
ونضرب کون ابسیوف
و ازراگ بمتونی اشوف
مثل رمله و عاتکه و خوله و سکینه
لیلی مانامه ابد
مثلک ارد افگد ولد
اشحلات اویاک موتی یاولینه
رقیه الطف اویلی أخَذ منهه الحیل
چـانـت الـعـطـش بالـگلب راسـمـتـه
حـرگـوهـه الخـیم،تـیهت کل نیشان
او تنادی شیبت من ضیـمی الـشفته
ـــــــــــــــــــــــــــــــــــــــــ
کلمات خادم الحسین:
محـمد الحـایی
https://www.tg-me.com/us/« تـرچـیه و دم »/com.tercheyeh
BY « تـرچـیه و دم »
![](https://photo.tg-me.com/u/cdn4.cdn-telegram.org/file/VSGzYiIAM7vaZ22r5YsZwid-JwW9V9z5CIhoA2syXyTvtbry7JZ8lOBSjpHPbdbyZTwF2z5zGFYpuZqCJvWQkSLBMkmRTf_2e2OXqw3n121cL-ndrdOzIXmS-S8c7UdfkO3b8KgLmrEjrSHtfpHp5XIULMhkfi90axeMB08KjvxpQ5DmdhMyesd5MiIcSAYP5iKNt3U1rDMkx2oYsZV9R42OnCTk-nnGh3pQd999O8CoZb7x62AAXFgq1wLKDejPI3rhkHfMhMIzlw35rGS7jKUTuUsxYVu8oigJs4N5cU8yraBNkKKsgRWZireYYYhtaHDCCotiO1bCAlEfGLiRnQ.jpg)
Share with your friend now:
tg-me.com/tercheyeh/1204