tg-me.com/DrAlgorithm/796
Create:
Last Update:
Last Update:
Bilim va Mas’uliyat
Kechki tamaddi vaqtida foydali video ko‘rib turaman. Shulardan biri Veritasium YouTube kanali, buni avval ham aytgan edim.
Kecha qiziq bir videosini ko‘rdim. Dunyoni samolyotda aylanib chiqqan ilk ayol uchuvchi, Amelia Earhart, haqida. Menga muallifning oxiridagi gapi yo‘qdi.
- Ba’zida Bilim yetarli emas, kerak bo‘lganda Mas’uliyatni o‘ziga ola bilish kerak.
Aslida voqea radio va antenna turlari haqida edi. Tasavvur qila olasizmi, 19xx yillarda samolyotda 5 xil antenna bo‘lgan va har biri turli vazifa bajargan. Yana achinarlisi gapirish va eshitish navbat bilan qilingan. Shulardan biri menga yoqadigan GPS mavzusiga doir.
GPS hali ixtiro qilinmagan vaqtda qayday qilib o‘z joylashuvini aniqlashgan?
Bu xabarda barcha tafsilotlarni ayta olmayman. Vaqt bo‘lganda bir tomosha qilib ko‘ring.
Amelia Earhartning oxirgi parvozi so‘nggi parvoz bo‘lmasligi mumkin edi. Muammo har bir tomon o‘zini ishini qilishida bo‘lgan. Bilim yetarli edi. Faqat yerdagi operator mas’uliyatni o‘z zimmasiga olib, rejadan tashqari harakat qilganida 2 kishi omon qolgan bo‘lar edi.
Hayotda juda ko‘p bunday voqealarni uchratasiz. ProActive bo‘lish, farosatni ishlatish, voqeani sodir bo‘lishidan avval oldini olishga xarajat qilish ko‘pincha foydali bo‘ladi.
* Yo‘lning notekis ekanini ko‘rib, belgi qo‘yish, sizdan keyin keladigan avtomobil g‘ildiragi buzilmasligiga sabab bo‘ladi.
* Metroda yosh bolaning qalpog‘i ilinib turganda olib berish, qalpoqning yo‘qolishini oldini oladi.
* Hamkasbingiz ishini ulgurmayotgan vaqtda yordam berishingiz, hatto tezroq qilish usulini o‘rgatishingiz, ertaga jamoaning tezlashishiga sabab bo‘ladi.
* Farzandingizga uy yumushlarida yordam berishingiz ularning dars qilishga ko‘proq vaqti qolishiga sabab bo‘ladi.
Misollar ko‘p, mandan ko‘ra ko‘proq bilasiz.
Faol bo‘lib, ba’zida vazifani zimmamizga olib turaylik. Jamiyatimiz uchun foyda bo‘lsin.
04.01.2025 London
@DrAlgorithm
