tg-me.com/tufdyhryggddg/22798
Last Update:
حيره بعدك عني بويه يلمشيت
https://www.tg-me.com/us/خادمة البتول المله ولشاعره ام نادين المحمداويه/com.tufdyhryggddg
ديوان جراحات الطف الجزء السادس
👇👇👇👇👇👇
فاطم انه بلوعتي حيل انحنيت
الآه شمسويه بحسرتي
ماكلت اخذها بنتي
ذكرياتي الهاجن ودم من بجيت
فاطم انه بلوعتي حيل انحنيت
==============
من يجي المغرب افكدك ياضو العين
رافكيت الحسره من فكديت الحنين
الروح كلساع وتحن سافرتو وين
والهوادج إلمتني
ماكلت اخذها بنتي
المن اشكي الحال من وني عميت
فاطم انه بلوعتي حيل انحنيت
بويه بويه
=============
سافريت وضلت الذكرى اعلى بالي
روحي تشتاك لحنانك دمعي هالي
ماكو غيرك يلابو وانته دلالي
بالف دمعه الودعتني
ماكلت اخذها بنتي
حال بيني وببنك الموت ونويت
فاطم انه بلوعتي حيل انحنيت
============
ابد مانامت عيوني وكلبي خلصان
اليوم أعاتب من عتابي الكل الحنان
اه من ذيج اليالي وغدر الزمان
يل جفوفك دللتني
ماكلت اخذها بنتي
افرش امصلايتي لجلك دعيت
فاطم انه بلوعتي حيل انحنيت
============
جنها جت ليه المنيه وين الحباب
عيني تنطر على الدرب وتعاين الباب
ليــش عفتوها العليله وشنهي الآسباب
يل المحنه الموتتني
ماكلت اخذها بنتي
بويه بويه
والله توحشني اليالي وما دريت
فاطم انه بلوعتي حيل انحنيت
============
يلمشيتو بهل سفر للغاضريه
خلصت ذيج الليالي وهاي هيه
وين كعدتنه احن صبح ومسيه
ذكرياتك يل لوتني
ماكلت اخذها بنتي
النار بيه الشوك مشعل ماطفيت
فاطم انه بلوعتي حيل انحنيت
بويه بويه
✍🏻 بقلمي الفقير خادمه اابتول المله ولشاعره ام نادين المحمداويه ملكه الحسجه الجنوبيه
BY خادمة البتول المله ولشاعره ام نادين المحمداويه.. ملكة الحسجه الجنوبيه
Share with your friend now:
tg-me.com/tufdyhryggddg/22798