tg-me.com/uchzamon/2495
Last Update:
Исроил олдида 3 вариант бор:
1. Жавоб бермаслик.
Исроил Эроннинг 2 генарилини ўлдирганини, Эрон эса Исроилга пашша чаққанчалик зарар бера олмаганлигини, вақти келиб Эронга қарши жавоблар берилишини айтиб, ҳозирча жавоб бермаслиги мумкин.
2. Эронга ёппасига жавоб бериш.
Эроннинг ҳарбий ва атом объектларига ёппасига зарбалар бериш. Бу Эса Эроннинг қарши жавоб бериши ва ҳақиқий уруш бошланишини билдиради.
Менимча, бу вариантни айрим миллатчилардан бошқа ҳеч ким хоэламаяпти. Бу ўзи шундағам санкциялар остидаги Эронга керак эмас. Ўзи уруш келтирмаслик учун Эрон олдиндан айтиб қўйиб Исроилга зарар бермайдиган қилиб зарбалар берди.
Бор эътибори ва куч, энергия ва ҳаражатлари Ғазо секторига қаратилган Исроилга ҳозиргидан 10-100 марта куч ва ҳаражат талаб қиладиган янги уруш керак эмас.
АҚШда президентлик сайловлари яқин. Конгресга ялиниб Украина, Исроилга зўрға молиявий ёрдамлар бераётган Байден АҚШ иқтисодиётини Эронга қарши уруш ҳаражатларига аралаштириб сайловларда ютқазишни хоҳламайди. Европаликлар ҳам санаб ўтилган урушлар ҳаражатларидан чарчаганлар ва янги ҳаражатларга тайёр эмаслар.
Эрон-Исроил уруши дунё ҳамжамиятига ҳам керак эмас. Чунки Эроннинг битта ўзи дунё газ ва нефт махсулотларининг анча қисмини ишлаб чиқарса, жаҳон савдо йўлларининг катта қисми мазкур минтақадан ўтади ва бу дунёда мисли кўрилмаган молиявий ва иқтисодий инқирозни келтириб чиқаради.
Тўғридан-тўғри уруш варианти бир кун келиб барибир юз бериши мумкинлигини инкор этмаган ҳолда бу ҳозирча юз бермаслиги мумкин.
3. Эроннинг манфаатларига зарба бериш.
Урушга кирмаслик, шу билан бирга жааоб бермагандай бўлиб қолмаслик учун Исроил Эроннинг иттифоқчиларига зарба бериши мумкин. Масалан Ливандаги Ҳизбулло Исроилга ҳужум қилиб Эронга ёрдам беряпти. Исроил шу баҳона орқали Ҳизбуллонинг ҳарбий инфраструктураларини янчиб ташлаши мумкин.
Ямандаги Ҳутийлар жаҳон савдосига халақит қилиб келмоқда. Исроил Ҳутийларни бомбалаши ва/ёки Саудия Арабистонини қўллаб уларни янчиб ташлашга ёрдам бериши мумкин. Исроил Сурия ва Ироқдаги Эроннинг манфаатларига зарба бериши мумкин.
Хулоса учун, менимча юқоридаги вариантларнинг юз бериш эҳтимоли фоизларда шундай бўлади:
⁃ Эронга жавоб бермаслик: 1%
⁃ Эронга ёппасига жавоб бериш ва катта уруш хавфи: 9%
⁃ Эроннинг манфаатларига зарба бериш : 90%.
Воқеалар ривожини кузатиб, нима бўлишини кўраверамиз.
Дониёр Рўзметов
"Уч замон"га ҳали аъзо бўлмаганлар учун ҳавола 👉https://www.tg-me.com/us/Uch zamon/com.uchzamon
BY Uch zamon
Share with your friend now:
tg-me.com/uchzamon/2495