Telegram Group Search
#زيارة_الاربعين
#لستات_لدخول_المواكب_الحسينية

ردت لطف كربله             زينب من اليسر
روس الاهل شايله          زينب من اليسر
يم الحسين ابهضم
تشرح تريد الظلم
زينب من اليسر
...........................................
بالاربعين احظرت          زينب من اليسر
عالكَمر من دم بجت      زينب من اليسر
تحجي ابفعال الخصم
تشرح تريد الظلم
زينب من اليسر
...........................................
اتعنت اكَبور الاهل        زينب من اليسر
والعقل منهه انذهل        زينب من اليسر
عدهه حجي وماتضم
تشرح تريد الظلم
زينب من اليسر
...........................................
متعوبه من الجره           زينب من اليسر
مهضومه المخدره          زينب من اليسر
منهه الكَلب منحرم
تشرح تريد الظلم
زينب من اليسر

الشاعر
ياسر العارضي
#قصائد_المشايه
#زيارة_الاربعين
#قصائد_منبريه
حماس التحدي بالمشي

نتحده الطغاة وكل حربهه
نكَصد كربله ونعشك دربهه
مشايه مشايه
.................................
بيهه حسين وشما نكَصد الهه وبطول المشي الدمعه نهله
بينه وبالحسين اتلم شملهه هذي كربله لا ما نملهه
ابو السجاد والكافل كَلبهه
نكَصد كربله ونعشك دربهه
مشايه مشايه
.................................
تهتز كَاع ربنه من مشينه غالي حسين وانأدي اربعينه
عرش الله بجه الدمعت بجينه انواسي الزهره مضلومه وحزينه
من كثر البجي امبين عتبهه
نكَصد كربله ونعشك دربهه
مشايه مشايه
.................................
مايردعنه اي طاغي ابطغاته تخلص لو لطمنه كل حياته
احنه الينولد ساعة مماته ما ردانه طاغي ابناسفاته
واذا نار العدو زايد كل حطبهه
نكَصد كربله ونعشك دربهه
مشايه مشايه
.................................
مانتعب نحس يتنطر حسين موكب هالعزه وجمع الموالين
كل زاير يجي يضمنله دارين دنيه واخره ابين الحظرتين
عدنه اجدام متهم التعبهه
نكَصد كربله ونعشك دربهه
مشايه مشايه
.................................
ضامي حسين من طاح ابطفوفه واحنه الماي من نكَصد نطوفه
كلنه انروح من فدوه الحروفه ندعي اسمائنه بموكب ضيوفه
من زوار والحظره نطبهه
نكَصد كربله ونعشك دربهه
مشايه مشايه

الشاعر
ياسر العارضي
Forwarded from Hassan Alysawe
This media is not supported in your browser
VIEW IN TELEGRAM
من يجينه الاربعين
زحف نزحف للحسين
نهز عروش الظالمين
ونمشي زوار
اداء الرادود الحسيني ابو امجد البدوي الاهوازي
كلمات الشاعر ياسر العارضي
#قصائد_منبريه
#قصائد_المشايه
من تكَصد الامام علي عليه السلام بذكرى شهادة الرسول محمد (ص واله)

كَاصدينك ياعلي              نعزيك بالهادي
...................................................
مشايه جينه الحضرتك
                      يابا الحسن مشايه
موكب رواديد ولطم
                       وبكل مكان اقرايه
قطعه وعلم اسود يرف
                      واصور لها الوفايه
كلما وصلنه الحظرتك
                          اكثر ترف الرايه
انت المعزى يالولي         كل هالجموع اتنادي
كَاصدينك ياعلي                     نعزيك بالهادي
...................................................
جبنه الدرب هوسه ولطم
                       تهتز شوارع بينه
كلما على موكب نمر
                       هالموكب ايحيينه
ولمصاب ابو الزهره النعي
                      كلما قره ايبجينه
نوصل نريد العتبتك
                        نلطم على والينه
ويانه صوتك يعتلي       بالمستهل يالحادي
كَاصدينك ياعلي                 نعزيك بالهادي
...................................................
لمصاب ابو القاسم نجي     
   موكب نهر بجروفه
اسمه مقدس وانكتب                
 عالقطعه حلوه احروفه
من عالفرات انمر نحس      
          كل قطره بي ملهوفه
تمشي تريد الحظرتك      
            حين النطب الكوفه
بالصرخه والهم يالولي       حد ما نصل للوادي
كَاصدينك ياعلي                       نعزيك بالهادي
..................................................
راح النبي وبعده الوكت
                      ما ينصف اويه احبابه
باب الزجيه يندفع                
             من جف هذوله اصحابه
وينعصر صدر ام الحسن
                            من تختفي بعتابه
ومحسن يطيح ابلا سبب
                       جداً عظيم امصابه
عالتربه محسن يعتلي        هذا الحصل مو عادي
كَاصدينك ياعلي                          نعزيك بالهادي
...................................................
لكَ العزا يابا الحسن
                        فاكَد اخوك المرسل
هاي المسيره الحضرتك
                  يم الصحن من تكمل
كلهه تعزيك واجت                      
       يا سيدي وهم تسأل
عن كَبر بضعة فاطمه
                  اتريد التكَصدك تندل
والغيبه نأمل تنجلي       بعد الجره والسادي
كَاصدينك ياعلي                    نعزيك بالهادي

الشاعر
ياسر العارضي
#قصائد_منبريه
#استشهاد_الرسول_ص_واله
نزال

يانبينه يامحمد     يانبينه يامحمد
.....
يالامين ابلا وجودك                ظلمه دنيانه اصبحت
امتك بعدك يوالي                        كلهه والله اتيتمت
على صوتك يبو القاسم                    هالعباد اتعلمت
وروحتك معناهه والله              يعني الاصحاب انكرت
نكرو الحق التأيد
يانبينه يامحمد
........
دنيه لوما إنت بيهه                    الزهره مكسورة ضلع
ومن جفنهه الغالي بعدك               يوكع ويهوه الدمع
وصوت الاذان ابغيابك                      يامحمد ينكطع
سيدي اصوات الضلامه               وسفه بعدك تنسمع
والظلم بالدنيه يشتد
يانبينه يامحمد

.......
ينسفك دم اليأييد                 منهجك يبن الابات
والحياة ابلا وجودك              والله ماتنعد حياة
وبسبب ظلم السقيفه             ناس تتمنه الممات
واهل بيتك يبو الكوثر           لاقو احقاد الطغاة
والحقد بعدك مينعد
يانبينه يامحمد
.....
حيدره اخلافك تجتف               بالوصيه وبالأمر
والله لوما هالوصيه               ابابه من يكدر يمر
جان سيفه ايخلي بيهم          والله جن يوم الحشر
جرع طبة بيته حيدر               هم جرع مر الصبر
والهجم عالزهره مرتد
يانبينه يامحمد
.......
بروحتك تبدي المصايب            والسقيفه الحاكمه
ينهجر قرأن ربنه                       بالحكومه الضالمه
ايحاربون اهل العقيده               بالعقيده المظلمه
والتبع نهج الحقيقه                  ينهدر منه الدمه
دم اليواليك ينهد
يانبينه يامحمد
الشاعر
ياسر العارضي
Forwarded from قناة خدام العقيلة (غازي الساعدي)
اصدينك ياعلي              نعزيك بالهادي
..............................
الشاعر
ياسر العارضي

༺༺༺༺༻༻༻༺
༺༺༺༻༻༻༺
༺༺༻༻༺
༺༺༻༺
༺༻༺
༺༻
الخادم غازي الساعدي
(ليلة استشهاد الرسول الأعظم ص)
ابوذيات نعي على الرسول محمد
صلى الله عليه واله وسلم
وماجرى على الزهراء عليها السلام بعده

اباب الزهره من بعدك    وجرهه
النار وضيعو حكَهه        وجرهه
دفعهه الباب بجفوفه    وجرهه
وعشر مرات يعصر بالزجيه
.............
اشهدي يانجوم اسماي     يجرام
بيه العاذل ابلا دين            يجرام
دفعني وجرني هم يدري   يجر أُم
الحسن وحسين والمحسن سويه
.............


أنيني الساكن البيده       وأن هَم
وهمه وين من بجيي     وأين هم
دفعت الزهره كَالوله        وَإن هم
جاوبهم وشب نيران بيه
..............
يبو القاسم تره البضعه          يمرهه
شاجر والبجي اخلافك          يمرهه
العدو اتعوف البجي بعدك     يأمرهه
شلون تعوفه وانت الغاب فيه

الشاعر
ياسر العارضي
Forwarded from محمددوستی
Forwarded from مسعود النصاري
#قصائد_منبريه
#استشهاد_الامام_الرضا_ع
موشح نجفي

هجرتك مولاي جن هجرة نبي
يالرضا وبايران عزمك طالبي
....................
مثل جدك يوم قرر هجرته
واجه ال يثرب حته ينشر دعوته
انت ناشر دين ربنه ابغربته
فدوه كَلبك صاح كون المذهبي
....................
رايح ودمعك على اخدودك يهل
حِملك اثكيل وتشيل انت الحِمل
ايدورن اعليك والغايه القتِل
وانت كَايل نصرة الحق مطلبي
....................
حاربوك اعداك واشتد الظلم
مارحم باهلك ولابيك الخصم
والنتيجه من عيالك تنحرم
بسبب حاكم بني العباس الغبي
.....................
عايش بكل هجرتك يوم الطفوف
غير هالحر والعطش لا ماتشوف
ملثم اتعوف المدينه بهالظروف
يعني باحساسك تعيش انت السبي
......................
تنشر الاسلام من تحجي الورد
من تبَسمِل حته يسمع يستعد
دفو احجايتك تره ابوكت البرد
ياحسافه ايسمك انت الناصبي
......................
سَمك الماراد بانفاسك تضل
حته تردع سيدي ارجاس الجهل
ابجبدك المسموم وافاك الاجل
ونعه فكَدك يالرضا شيب وصبي

الشاعر
ياسر العارضي
2024/03/29 02:09:19
Back to Top
HTML Embed Code: