tg-me.com/yasralardy/1654
Last Update:
#قصائد_منبريه
#وفاة_السيدة_سكينة_ع
قصيده ثكيل اساسيه
سته وي خمسين عام من السنين
ابعينج اشضل من بواجي اعله الحسين
كل الازمان
عشتي الاحزان
يا سكينه يا سكينه
..........................................................
كَضيتي اسنين عمرج بالمصيبه
دمعج ياخذه الون ويجيبه
يمن جنتي على حسينج قريبه
وصرتي من بعد ذبحه غريبه
فاركَج وانت بعمر وردت ربيع
تذبل الورده بلا ماي وتضيع
ابعمرج الجان
عشتي الاحزان
يا سكينه يا سكينه
..........................................................
بعد الطف يسر واسياط الارجاس
ماكو حسين يمج لاكو عباس
سوط اعداج من ينزل على الراس
ابكَد مايوجع اكثر يجرح احساس
وانتِ بحساسج تحسين الجروح
إلا بجفوف الابو يله تروح
بكل الالوان
عشتي الاحزان
يا سكينه يا سكينه
..........................................................
خلصت ايام اليسر وآه الليالي
اجت أيامج ابحزن الغوالي
دلالج صاحلج ضايع دلالي
وبجي عمرج يكَول ابجي اعله حالي
إنتِ تعبتي البواجي من البجي
كَضه عمره ابعبره لا ماكو حجي
غربت اخوان
عشتي الاحزان
يا سكينه يا سكينه
..........................................................
بعيون انطفت خلصت حياتج
ابوجه شاحب تلكَيتي مماتج
منو مثلج سكينه ابتضحياتج
ابوج انذبح واتيسرن خواتج
وصل موتج مالكَه ابروحج حيات
جا أضن وي جف كفيلج عالفرات
وبس الاغصان
عشتي الاحزان
يا سكينه يا سكينه
..........................................................
غمضتي ومشيتي عن وكت مُر
مثل ما طير شاهك بالهوه حُر
حفيدت حيدره وجدج علي الدُر
اهلج عالفراك اشلون تصبر
خلصت ايامج حزن خوف وضمه
وعالعز وفخر الخدر متعلمه
وي الاذان
عشتي الاحزان
يا سكينه يا سكينه
الشاعر
ياسر العارضي
BY الشاعر ياسر العارضي
Warning: Undefined variable $i in /var/www/tg-me/post.php on line 280
Share with your friend now:
tg-me.com/yasralardy/1654