⁣💌 وصلت لك رسالة جديدة
⏱وقت الرسالة: 2022/09/15 - 09:26:23 AM
السلام عليكم ورحمة الله وبركاته

الموضوع انو حياتي واقفه في النص لا قارة ارجع زي م كنت ولا قادره اكون احسن حياتي كلها وقفت يوم قفدت توأمي بقيت م قادره اعمل حاجه بدونها لا دراسه ولا حياة و لا حاجه الجامعه مجمداها ٣ سنه بس عشان م قادره اتخطى نقطه انها ماف معاي.. اممم م عارفه أوصلها كيف لكن احساس انو تكون معاي و فجأة أصحى بعد ٣ شهور و يقولو لي إنها ماتت صدمه كبيره يعني انا م قدرت أودعها ولا أشوفها م قدرت أكون معاها وقت كانت بتتألم و انا الكنت سبب ألمها و موتها💔 ده كلو كوم و إني م قادرة أعيش بدونها كوم تاني.. احنا كنا مخططين لي اي شيء سوى حتى جبنا نفس النسبه و خططنا نقرى نفس المجال و أول يوم نعمل شنو و نلبس شنو و تفاصيل كتيرة انا م قادرة اعملها بدون اختي💔 النوم ده بقيت م بقدر انوم والله العظيم ٣ سنه ونا م حصل يوم نمت بليل نومي كلو بالنهار انا نسيت الناس بتنوم كيف بليل اي بكون نعسانه و اي شيء لكن م بقدر انوم..
انا الحمدلله بدعي ليها و بتصدق ليها و عارفه انو ده قضاء و قدر و انو كلنا حنموت لكن حياتي واقفه بعدها💔💔💔💔
----
💡يمكنك الرد بعمل رد على هذه الرسالة .

استشاره

⁣💌 وصلت لك رسالة جديدة
⏱وقت الرسالة: 2022/09/17 - 08:46:08 PM
مشكلتي انو أنا بعرف واحد وعرفتو عن طريق انو ساعدني وكدا ف يلا أنا شايفاهو حزين كدا ومهموم فقلت اساعدو على حسب هو ما ساعدني قبل فتره من الكلام دا أنا بفتش في تلفوني كدا لقيت صوره ليهو فقمت رسلتها ليهو وقلت ليهو أنا فلانه الفلانيه البت الساعدتوها مع العلم انو أنا  لمن الصوره كانت في تلفوني ما عارفه دا منوبعد فتره حتى عرفت انو دا هو وانا اصلآ ما كنت بعرفو  المهم أنا بقيت بحاول اساعدو واخفف عنو وكدا لكن والله العظيم أنا ما قاصده حاجه ولا عندي قصد من دا أنا بس خايفه انو الولد يكون فاهمني غلط وخايفه من حكايه انو الصداقة بين البنت والولد حرام  فعايزه طريقه تخليني اقطع علاقتي بيهو بدون ما اجرحو اواازيهو
وهل بتعتقدو ان يكون فهمني غلط يعني أنا بتاعه أولاد او كدا
ونصيحه لي
وجزاكم الله خير
----
💡يمكنك الرد بعمل رد على هذه الرسالة .

استشاره

⁣💌 وصلت لك رسالة جديدة
⏱وقت الرسالة: 2022/09/18 - 01:59:52 PM
مرحبا ارجو ان اجد اجابات او فادة تفيدني بصفحتكم
البداية
انا مخطوبة لضابط جيش قبل فترة سافر اليمن ومن سافر انا وهو على خلاف دائما بسبب الخلاف ان ما ياتي بهي من مال حرام لانه يحارب مسلمين في بلاد مسلمة وان اراد الجهاد فليذهب لفلطسطين ومن هنا تذادد النقاشات وتستمر بيننا لعدم الكلام ايام واسبوع وكل مره يبرر وان ليس بهاذا المفهوم وان عقليتي متحجرة بعض الشيء واني متشددة للعلم انا منقبة وكل ما بدت بالكلام عن الأمر يتحدث عن النقاب وافكاري المتشددة ولا اعلم ماذا افعل ارجو الافادة هل اتركة ؟
----
💡يمكنك الرد بعمل رد على هذه الرسالة .

استشاره لي اهل العقول الدينيةةة

⁣💌 وصلت لك رسالة جديدة
⏱وقت الرسالة: 2022/09/18 - 09:42:42 PM
عشان تعرفو انو الاولاد ديل خسيسين كيف الليلة اتصل علي واحد وتلفوني ما كان معاي اختي الصغيرة ردت وجابت التلفون وانا جطا فيها لاني ما برد علي ارقام غريبة وطوالي قفلتا الخط رجع لي تاني لمن رديت قال لي واحدة مفترية وحنركبك جريمة ونعلمك الادب وادا رقمي لي كل اصحابو لي الان المكالمات في تلفوني تتطاقش ما عارفة اسوي ليعم شنو والله وخايفة منهم المهم اي بت تخاف علي روحا وما تردي علي الارقام الغريبة لي مصلحتك نصيحة من اختكم
----
💡يمكنك الرد بعمل رد على هذه الرسالة .

⁣💌 وصلت لك رسالة جديدة
⏱وقت الرسالة: 2022/09/18 - 10:04:33 PM
السلام عليكم
انا عمري ٢١وهو ٣٤المهم اتعرفنا قبل اكثر من ثلاثه شهور وفي السوشل ميديا بس كان فالبدايه الكلام دا قبل عيد الاضحى بشهر وشويه تقريبا المهم قبل عيد الاضحى لاقيتو واتونسنا شويه ورجعنا وتاني لاقيتو تالث مره لاقيتو وانا رجعه من الجامعه صدفه بس المهم بعد المره الاخيره دي اتغير معاي وبقيت ارسل م يرد زي الناس وعلمنا ب انو هو كان جادي شديد وقال هو مسافر اساسا شغله م هنا في دوله عربيه تاني وعلى اساسا انو قبل يمشي م كان عايز يعمل شي لحدي م اخلص جامعه مره واحده ويجي ويتم الموضوع كلو المهم بقيت اتصل ليه افهم منو الحاصل بقول لي انا زاتي م عارف الحاصل شنو وتاني اخر مره ضربت وسالته قال بس انا عايز افكر وارتب افكاري وكدا عشان افهم الحاصل شنو وانا مفروض اعمل شنو منها سكت منه وقلت طيب انا تاني م ح اسالك واخد وقتك بعدها لاهو رسل ولا انا رسلت
فانا والله تضايقت من الموضوع شديد وقلبي بقى واجعني وفالبدايه كنت خاته انو انا عملت شي عشان كدا هو تضايق بعدها عرفت واتاكدت انو انا م عملت اي شي 💔💔💔ف حقيقي الموضوع من شده م ضايقني بعدت من اي زول بقيت م بتكلم مع زول واكون ماسكه التليفون ساي بس
اسفه ع الإطالة
----
💡يمكنك الرد بعمل رد على هذه الرسالة .

استشاره

⁣💌 وصلت لك رسالة جديدة
⏱وقت الرسالة: 2022/09/18 - 10:58:36 PM
مهو حتى لو الوقت قصير انا م ح اقدر اقول
بعدين يعني هي البدايه بس كانت في مواقع التواصل بعداك عرفتو ع ارض الواقع عديل😢😢😢😢والله لو اقدر اوريك المسج والرسايل براكم تعرفو بس الواحد يقول الحمدلله
----
💡يمكنك الرد بعمل رد على هذه الرسالة .

رد من صاحبه الاستشاره

مافي زول عايز ينزل استشاره ؟

صباحات عافيه ليكم

⁣💌 وصلت لك رسالة جديدة
⏱وقت الرسالة: 2022/09/28 - 06:13:29 PM
طييييييب انا ما عندي استشارة عاطفية وكدا بس انا دايما بتعامل مع الناس بأريحية وبرتاح ليهم شديد في فترة قصيرة والحاجة دي طبع فيني من زمان في حين انو انا بالنسبة ليهم ولا حاجة انا دايما بتدي مساحة للزول في حياتي في حين انو هو مستخسر فيني الحاجة دي أغلب صحباتي كدا والحاجة دي جدجد مزعلاني وبعدين بتأثر بالكلام المؤذي سريع بس ما بظهر الحاجة دي بتلقى فلان بهظر معاي هظار شين وانا ساكتة لكن من جوا جدجد بزعل وخايفة الحاجة دي تخليهو يتمادى
انا بدي ثقتي لأي زول وعارفة الحاجة دي غلط بس اعمل شنو طبع فيني كدا ف انا م عارفة زاتي كتبت كدا ليه بس اتضايقت وقلت اجرب ☹️
----
💡يمكنك الرد بعمل رد على هذه الرسالة .

ساعدوهاا

⁣💌 وصلت لك رسالة جديدة
⏱وقت الرسالة: 2022/10/08 - 01:19:28 PM
والله العظيم انا تعبتا دايرة زول بس يدلني علي الطريق الصاح ويوريني اعمل شنو انا بحبو لي درجة اني بهلوس بيهو والله جد لاكن هو ما عارفاهو قال لي بحبك لاكن افعالو غير كدا يعني انا برسل لي الرسالة برد بعد يومين بتصل عليهو بقول لي مشغول والمشكلة ما هنا بمشي بلقاهو برفع في الاستوريهات وروني اعمل شنو اكمل معاهو كدا ولا اواجهو ولا اخليهو وروني الحاجة البتنفعني❤
----
💡يمكنك الرد بعمل رد على هذه الرسالة .

⁣💌 وصلت لك رسالة جديدة
⏱وقت الرسالة: 2022/10/13 - 03:44:45 PM
عندي مشكله انا شايفاها كبيرة غايتو ...
انا لمن أحب بحب بكل قواي وبستنزف كل مشاعري ارتبطتا اربعه سنوات كنتا فيها مدمنه عديل وفي النهايه انفصلتا عشان حسيت انو ماينفع اكمل ..
بعدها عجببتني شخصيه زول شديد وقررتا اني اخش في تفاصيلو وسبحان الله طلع سايكو نرجسي ومؤذي وبرضو انا ادمنتوو واتهوستا بيهو ... خلاني تلاته ولا اربعه مرات ورجع لي ورجعتا ليهو عادي.. وكنتا بقرا وبفتش في طرق اتعامل بيها معاهو وكل مرة بنجح في التعامل بس فجأه بيخليني بعدها خليتو كليا بس لسه كل مااشوفو بنبهر بيهو بس خلاص وقفتا يعني ..
تاني عجبني واحد وحبيتو من طرف واحد وهو بيعاملني كصحبه بس واتعودتا عليهو واتكسرتا ووقفتااا...
واصحابي بتعامل معاهم بحنيه شديده ومستعده اقدم ليهم كل البقدر عليهو والمابقدر عليهو وبحس زي المرتبطه معاهم كلهم 🙂

ولسه مواصله بدمن وبخلص وبحب بي طريقه مفرطه وسلسه شديد وممكن احب كل زول ممكن يكون حنين معاي وبتجاوز بي سرعه ايي زول ممكن يكسرني والمشكله بالجد بحس اني بحب ما مجرد مشاعر عابرة 😓
انااا حاسه انو عندي ميول طبيعي لي كل الاولاد بي طريقه غير طبيعيه ومااا ممكنه وماصاح
انا ماعايزه ينتقدوني بس عايزه اعرف اعمل شنو يعني
----
💡يمكنك الرد بعمل رد على هذه الرسالة .

⁣💌 وصلت لك رسالة جديدة
⏱ وقت الرسالة: 2022/12/09 - 04:56:47 PM
----
السلام عليكم يجماعه قبل فتره عرفت زوجي بتكلم مع واحده تانيه وقدر من واجهتو نكر اها اعمل شنو في الحاله دي اسفهو ولا شنو الاخوات ساعدوني
----

كلكم هناا بالله

ادخجلوو وخجوو الشغل

متشورات ود الظلط