#review

"Rebel Moon Part II ", 2024

Zak Snayderning "Rebel Moon" filmidan yomonroq faqat "Rebel Moon 2" bo'lishi mumkin.

Rasvo xullas.

@boredpandablog

​​#review #kino

"Rebel Moon", 2023

Zak Snayderning "Isyonkor Oy" yangi kosmik operasi 1-qismini Netflixda ko'rib tugatdim. Hissiyotlar 2 xil. Chunki film auditoriyasi bir vaqtning o'zida 2 tomonga: o'smirlar va kattalarga yo'naltirilganini tushunish qiyinmas.

Zak Snayder doimo o'zining "Yulduzlar jangi"ga o'xshagan kosmik dunyosi bo'lishini orzu qilganini yashirmagan va bugungi film uning debochasi bo'lib turibdi. 2-qism esa aprelda chiqadi, shunda to'liq fikr bildirsam bo'ladi. Lekin.

Keling, o'smirlar bu film syujetini qanday ko'radi, tasavvur qilamiz: yosh kelgindi qiz uzoq galaktikadagi kichkina qishloqqa kelib, qo'nim topadi va u yerda tinch va osuda baxtli hayot kechira boshlaydi. Ammo tez orada qirollik harbiy kemasi yetib kelib, ularning yetishtirgan hosilini olib ketishga qaror qiladi. Yaxshilikcha ko'nishmagach, kuch ishlarishni boshlashadi. Kora ya'ni boyagi qiz harbiy bo'lib chiqadi va dushmanga qarshi jangchilar topib kelish uchun yo'lga chiqadi va bir necha mohir jangchilarni topib qaytadi... yo'lda esa har safar turli mashaqqatlarni boshidan kechirishadi. Ozodlik, erk va zo'ravonlikka qarshi kurashgan qahramonlar timsoli bir so'z bilan aytganda. Lekin.

Endi katta yoshli va kinoga oz-moz tushunadigan kishi uchun ssenariy nafaqat bo'sh, balki hech qanday yangi narsa yo'qdek tuyuladi. O'sha-o'sha qahramon bitta barga kiradi, u yerda tasodifan ularga yordam beruvchi insonlar topiladi, hamma mashhur qo'zg'olonchi qahramonlar hukumat armiyasi shuncha vaqtdan beri topolmaydiyu, qo'lida taklif qiladigan mablag'i ham yo'q oddiy yo'lovchi bizning qahramonlar ularni bittada topib borishadi. Va ularning hammasi - mitti qishloqchani hosilini saqlab qolishdek "ulug' maqsad" yo'lida birlashishadi. Qizig'i, bosh qahramon qiz Kora o'zi oldin g'irt Qirollik qo'shini oliy martabali ofitseri bo'lgani, juda ko'p odamni qilichdan o'tkazganini unutgandek hamma. Hatto uning kechirim so'raganini ham ko'rmaymiz. Admiral Nobl - filmning asosiy antagonisti, yaxshi chiqqan, yovuz va qahrli qahramon. Ularning formasi esa kutilganidek a-lya Uchinchi Reyx formasiga juda o'xshash. Xullas, natsistlarni yana bir bor eslaymiz. Hech qanday originallik yo'q.

Men Zak Snayder filmlarida bitta qiziq jihatni payqadim: u slow-motion kadrlarni sevarkan. To'g'ri, hamma blockbuster filmlarda topiladi bu usul, lekin Zak uni yesa-yemasa filmga tiqib tashlagan. Kamera oldida o'zi o'tirgani ham rost shekilli, operatorlik Ishidayam oqsash bor.

Xullas, film syujet va motivlarga uncha qiziqmaydigan, jang sahnalari va erkinlikni sevadigan o'smirlarga balki yoqar.

Lekin mendek injiq, kosmik operalar ko'rib katta bo'lgan andishasiz tanqidchi tomoshabin uchun o'rtachadan past film. Umuman hech qanday yangilik olmadim, qahramonlar motivlarini tushunmadim, ularga simpatiya (faqat bitta epizodda ko'rsatilgan malika obrazi juda yoqdi) uyg'onmadi.

Ko'rganlarning fikrlari menikidan boshqacha bo'lishi ham mumkin. Xullas, shunaqa.

@boredpandablog

Shu taqrizga hech nima qo'sholmayman. Afsuski, Zak Snayderning bu sagasi bilan aynan nimani ko'zlaganini tushuna olmadim.

Eng qizig'i, hali bu epik to'qnashuv deyilayotgani aslida bitta qochqin harbiy qizning kichik armiya qo'mondoni ustidan g'alabasi haqida bo'ldi. Biz vse taki Lord Balisarius faqat bitta sahnada ko'rdik yana. Qirolichani missiyasi ham ochiq qoldi.

Xullas, Zak Snayder hali yana davom ettiraman degan ushbu sagani ortiq ko'rishga toqatim yetmaydi deb qo'rqaman.

@boredpandablog

💥“Dedpul va Rosamaxa” filmi navbatdagi rasmiy treylerini qarshi oling!

Premyera 26-iyulda.

@insusambil buni nishonlash kerak aka:)

Chiroyli posteri ham bor!

@boredpandablog

#premyera

Kechqurunga ajoyib horror!

"Watched" filmining treyleri - M. Night Shyamalanning qizi Ishanadan triller film

Syujet Irlandiya o'rmonlaridagi yo'qolib qolgan 4 nafar insonning noodatiy boshpanada qolib ketishi haqida. Tez orada ular ushbu qorong'u o'rmonda ularni qandaydir sirli mavjudotlar kuzatib turganini tushuna boshlashadi.

Film butun dunyo bo'ylab iyun oyi boshida namoyish etiladi.

@boredpandablog

#haqida

Orqaga aylanayotgan tarix plastinkasi

— Uyingizda quyosh/shamol/issiqlik panellari orqali o'zingiz uchun elektr energiya ishlab chiqaring!
— Uyingizda o'zingiz uchun toza ichimlik suvi yarating!
— Uyingizda parranda/mol boqib, tuxum/go'sht/sut mahsulotlari bilan ta'minlang!

Shu va shu kabi chaqiriq/propagandalar oshayotgan bir fonda bular reallikdan uzoq narsalar bo'lmay qoldi. Ilmli insonlarning aksariyati allaqachon yangi tartibotlarga jiddiy yondoshishni boshlab yuborishgan.

Insoniyat sekin-asta yana oʻz ehtiyojlarini oʻzi yaratgan mahsulot va xizmatlar bilan qondiradigan xoʻjalik tizimiga o'tayapti.

Beixtiyor ravishda omma jamiyatda pul-tovar munosabatlariga ishonch pasayib borayotganini anglamoqda. Bozor juda nestabil, qaysidur davlatning valyutasi istalgan payt shunchaki bir parcha qog'ozga aylanishi ehtimoli bor. Axir, yadro urushida qatnashayotgan dushman davlatii valyutasi kimga kerak? Balki XXII asrda biz yana o'sha eski qadrdon —natural xo'jalik turmush tarziga qaytarmiz.


Taxminan 2136-yil. Toshdan barpo etgan qo'rg'onimizda o'zimizning quyosh panelimizda ishlab chiqarilgan svetni yoqib, domashniy qaymoq va duxovkada pishgan non bilan choy ichgancha, smartinternet orqali dunyodgi dahshatli yangiliklarni tinglab o'tirishimizni tasavvur qiling.

Xayrli tong, do'stlar!

@boredpandablog

Selfi

Qizlar bir kunda nechi marta o'zingizni rasmga olasiz? Umuman rasmga tushmaydigan kunchi? Selfi qanchalik muhim?

@boredpandablog

Bu kanalda rasmga tushmaydigan shuncha qiz bor ekan😁 Baribir kanalimizning sifati yuqoriligi bilinadi. Juda jiddiy odamlar kuzatadi mani, ortiqcha o'yin-kulgiga voxt yo'q:)

Nega o'g'il bollardan so'ramadiz? degan savolga:

Bollar bir marta zo'r rasmga tushvoladi. Va shuni 5 yil hamma ijtimoiy tarmoqlardagi sahifasiga qo'yib qo'yadi. Bo'ldi.

#kinonews

Kecha joriy yilning eng yaxshi seriallaridan biri bo'lgan "Syogun"ning so'nggi epizodi chiqdi.

Film tanqidchilar tomonidan 99% Rotten Tomatoes va tomoshabinlardan 91% ovoz oldi — "Syogun" o'zining atmosferasi, syujeti va epikligi bilan barchani hayratda qoldirdi.

P.s: Serialning 1980-yilda ishlangan varianti ham bor.

@boredpandablog

Shu trilogiyani qayta ko'rish xumori tutyapti...

@boredpandablog

​​Menimcha, hokimiyat va ayrim jamoatchilik vakillari tushunmayotgan, yoki atayin tushunishni xohlamayotgan narsa - daraxtli park - attraksion va betonsiz so‘lim soyabon - bu shaharni boy qiladigan narsa. Bitta korxona o‘sha chiqqan qiymatni ola olmaydi, to‘g‘ri, lekin shaharni ko‘proq boyitadi. 

Oddiy mantiq: agar deylik, Nyu Yorkni markaziy bog‘ini (Central park) o‘ringa Disney Lend qurilganida - Disneylend korxonasi ko‘p foyda olgan bo‘lar edi, hech shubhasiz. Lekin Nyu York va AQSH iqtisodiyoti uchun bu park juda katta iqtisodiy zarar bo‘lar edi. Siz o‘ylashingiz mumkin, agar Markaziy Bog‘ o‘ringa Disney Lend qurilsa, u yerga millionlab odam kiradi, hammasi pul xarajat qiladi, minglab odam o‘sha parkda attraksionga qaraydi - oylik oladi, soliq tushadi va rosa pul aylanadi. Markaziy bog‘ bo‘lib qolsa, faqat skameykalarda o‘tirish bor va aylanadigan daraxtzor bor - ichida na bir restoran bor, na bir attraksion bor, juda kichik pul aylanadi, ishchilar soni ham kam: asosan bog‘bonlar va parkka qaraydiganlar. Lekin haqiqat shundaki, agar iqtisodiy mantiq bilan qarasak, shunda ham, shahar markazidagi bog‘ o‘rniga Disneylend qurilishi Nyu York shahri kambag‘allashtiradigan qaror bo‘ladi. Daraxtlar va yashilik yaratayotgan iqtisodiy qiymat, birgina koroxna balansida bo‘lmasligi, u qiymat yo‘q degani emas. Aynan shuni ijtimoiy tovarlar deymiz. Nyu York hokimiyati, to‘g‘ri mantiq qo‘llagan holda shahar iqtisodiyotiga bunday zarba beradigan lekin qaysidir korxona balansini ko‘paytiradigan qaror qilmagani juda to‘g‘ri bo‘lgan. Attraksionli parklar kerak emasmas, masalan Floridadagi botqoqoni quritib betonli Disneylend qurishgan. Bu to'g'ri ish bo’lgan.

Xuddi shuning uchun ham, dunyodagi barcha normal shaharlarda: Parijda ham Disneylend Lyuksemburg bog‘ini ichida qilinmagan, shahardan 50 kmda qurilgan yoki Tokiyo da ham imperator bog'ini quritib Disneylend qurishmadi - qo'shni shahar Chibada qurishdi. Bunday ro'yxatni davom ettiraverish mumkin. Xohlagan yaxshi shaharizda shunday to'g'ri qaror qabul qilingan. Hatto moskvada ham, 90-yillarda parklarni ichida sal beton qilib attraksion qilinganidan keyin, hukumat aqlini yig’ib olib, parklarni shaharga, odamlarga qaytargan. Biz ham 90-yillar Moskvani xatosini qilmoqdamiz.

Bizda ham, parklarni betonlashtirib attraksion qilganlar, pul topayotgandir, o‘sha korxonada odam ishlayotgandir, lekin shaharga va mamlakatga misli ko‘rilmagan iqtisodiy shikast yetkazilgan. Men iqtisodchi sifatida buni aytyapman, ijtimoiy yoki deylik estetik masalalarni aytmayapman. Shahar ichidagi parkni betonlashtirish - nafaqat ekologik shikast, balki katta iqtisodiy shikast ham.

Aqlli odamlar turli yo'llar bilan, misollar bilan oddiy haqiqatni tushuntirishga harakat qilishmoqda. U ham bo'lsa:

Parklar xalqqa kerak. Ular xalqning xizmatida bo'lishi kerak. Aslida hayotimiz uchun muhim ko'pgina narsalarni valyutaga konvertatsiya qilolmaymiz.

Botir Qodirovdan go'zal ijro. Merosni maromiga yetkazib aytyapti.

Ha, aytgancha, bugundan uning konserti boshlanadi, 100% jonli ijro.

@boredpandablog

#kinonews

O'zbek kinoprokatida bir hafta ichida 1.3 milliard so'm yig'gan kino

Qirg‘izistonlik rejissyor Ruslan Akunning “Jannat onalar oyog‘i ostida” filmi Toshkentda namoyish etilganidan so‘ng bir hafta ichida 1,3 milliard so‘m yig‘ibdi. Bu haqda filmning O‘zbekistondagi rasmiy hamkori hisoblangan iTV xizmati xabar berdi.

Qayd etilishicha, 11-aprel kuni premyerasi bo‘lib o‘tgan film 7 ta kinoteatrda kuniga 50 marta namoyish etilgani bois yetti kun ichida 1 308 647 350 so‘m (103 000 dollar) daromad olgan.

Qayd etish kerak, bu film Qozog‘istondagi namoyishlarda atigi 4 kun ichida 1 000 000 dollar yig‘ib, kassada “Dune-2” filmini ortda qoldirgandi.

@boredpandablog

Botir Qodirov o'z konserti oldidan ba'zi bir masalalarga aniqlik kiritib o'tibdil.

@boredpandablog

Tan hermosa como una pintura de Van Gogh💙

@boredpandablog

Tiktokka shunaqa videolar olib o'tiraman-da, zerikkanda:)