Тескарига оққан дарёлар қайтди,
Тоғларда йўқолган садолар қайтди,
Мени излаб кетган нидолар қайтди,
Болалик қайтмади. Қайтмади.

Сомонлар янчилмай қолган куз пайти
Адирлар заъфарон алвидо айтди.
Мени олиб кетган подалар қайтди,
Болалик қайтмади. Қайтмади.

Бу кўча, бу ҳовли, бу уй, бу тандир
Бир кун сесканади, сассиз сиқтайдир:
Ўн йил ғойиб бўлган олапар қайтди!
Болалик қайтмади. Қайтмади.

Қолдириб кетдимми уни даштларга?
Ёки топширдимми шиддат, шаштларга?
Бўзлаб чорласам-да, битиб хатларга
Болалик қайтмади. Қайтмади.

Қалдирғочлар қайтди. Тойлар от бўлди.
Юртнинг тоғу тоши менга ёд бўлди,
«Уҳ» деганим менинг хотирот бўлди,
Болалик қайтмади. Қайтмади…

✍ Сирожиддин САЙЙИД

@wwwesdalikuz
www.esdalik.uz

Umrini oshiq hamisha
Oʻtkazar orzu bilan...

Xayrli tun...

@wwwesdalikuz

Axir qiziqmasmi, 
ish rejasimas, 
xayolan gʻalati qasrlar qursang, 
odamlar qaynagan katta shaharda
odamlarni sogʻinib yursang...

Shavkat  Rahmon

@wwwesdalikuz

Илоннинг боласи илон бўлади,
Бу шубҳасиз бор гап, жўн қонуният.
Лек одам фарзанди одам бўлмаса,
Қандай изоҳларкан, буни табиат.

Шодмонқул САЛОМ
@wwwesdalikuz

Eng goʻzal manzara oʻsha ekan-da –
Sevgining koʻzingda yaltirashlari!..

Behzod Fazliddin
@wwwesdalikuz

Замин билан осмон — сену менман,
Саҳар билан оқшом — сену менман.
Еру осмон аро бир ишқ бордир —
Ишқдан бунёд ҳижрон — сену менман.
Куздаги икки япроқ — сену менман,
Баргдаги митти фироқ — сену менман.
Жоним, фироқ аро бир севги бор,
Фироқда қолган чироқ — сену менман.
Машриқ билан Мағриб — сену менман,
Мағлуб, яна мағлуб— сену менман.
Жоним, мағлубликда бир умид бор —
Йўлларда сарсон мактуб - сену менман.
Олов билан олов — сену менман,
Олов ичида биров — сену менман.
Жоним, олов ичра шаҳидлик бор —
Ёниб қолган ялов — сену менман.
Қуёш билан қуёш — сену менман,
Кўз ёшга томган кўз ёш — сену менман
Ҳар томчи ёшимизда додимиз бор —
Доддан бунёд икки тош — сену менман.

Усмон  АЗИМ
@wwwesdalikuz

***
Қасам ич,
Осиё,
Соро,
Марям,
Фотиматуз Заҳро,
Робия
ва Лайло ҳаққи...

Қасам ич,
булғанмаган дарёлар,
эримаган қорлар,
очилмаган ғунчалар,
тўкилмаган япроқлар,
ичилмаган булоқлар ҳаққи...

Қасам ич,
қиндаги қиличлар,
тешилмаган зирҳлар,
эгилмаган ёйлар,
отилмаган ўқлар ҳаққи...

Қасам ич,
очилмаган гўрлар,
йиртилмаган қафаслар,
қонга беланган жасад ила
жаноза ўқилган шаҳидлар ҳаққи...

қасам ич,
исмат ҳижоби ортидаги покиза юзлар,
иффатдан эгилган жаннатий бошлар,
ҳақ сари босилган мустақим қадамлар
ва зангор кимхоб ёпинган тобутлар ҳаққи
“Хиёнат қилмадим”, деб қасам ич!..

© Асқар Маҳкам
@wwwesdalikuz

Эй сен, йироқларга кўзини тикиб,
Умидлар ортидан эргашган одам.
Шуни унутмаки, ҳар бир сўқмоқдан
Сенга ҳамроҳ бўлиб кетяпман мен ҳам.

Толиқсанг қувватман, чанқасанг агар
Узоқдан милтиллаб тургувчи булоқ.
Ул порлоқ манзилга етиб бормоқлик
Дўстим, сендан кўра менга муҳимроқ.

✍Чори Аваз
@wwwesdalikuz

#sevimli
Kuldimikan, armonlarim kuldimikan,
Taqdir menga gʻamni loyiq koʻrdimikan...

Xayrli tun...
@wwwesdalikuz

***
Tong chogʻi tun bilan kunduz uchrashdi,
Tunda armon bilan yulduz uchrashdi,
Bahor bilan kuzak — baxtxush uchrashdi,
Toshlar uchrashdilar, biz uchrashmadik.

Bulut zamin bilan yigʻlab uchrashdi,
Shamol kurtaklarni ilgʻab uchrashdi.
Visol hijron bilan minglab uchrashdi,
Yoshlar uchrashdilar, biz uchrashmadik.

Oʻlik zil tuproqni otdi koʻtarib,
Gʻofil tiriklarni topdi axtarib,
Yoʻqlik va borliqni oralab, gʻarib —
Boshlar uchrashdilar, biz uchrashmadik.

Sarxush ari bilan uchrashdi gullar.
Erka shodlik bilan uchrashdi munglar,
Nigohlar, bagʻirlar, lablaru qoʻllar,
Qoshlar uchrashdilar, biz uchrashmadik.

Yoningda turibman dalli devona,
Yorim-a, ketdimi ishq yona-yona?
Men seni quchaman... Sovuq, begona —
Loshlar uchrashdilar, biz uchrashmadik.

Usmon Azim
@wwwesdalikuz

Ichikdim. Sog'indim seni, shekilli,
Tongim rangi sariq, xasta kunduzim.
Ihrab quyosh chikar, o‘kchib oy sho‘rlik,
Osima —
Sen kimning qizi!

Ko‘rpaga burkansam, ko‘rpa ilvirar,
Yostiqqa yopishsam, ilvirar yostiq.
O‘y menga sig‘maydi, uy menga sig‘mas,
bosiriq — bosiriq...

Zirillar borligim yursam, yo‘l ko‘nmas,
Qoyaga tirmashsam, puchmayar qoya.
Qarg'asam, qarg'ishim duoga o‘xshar,
voooya...

Ichikdim. Sog‘indim seni, shekilli,
Xo‘rligim keltirar g‘alati gina.
Nimaga odamlar shod, hurram, mamnun,
Bizlar odammasmi,
Osima?!

Abduvali Qutbiddin
@wwwesdalikuz

#sevimli

Xayrli tun...
@wwwesdalikuz

Айримларга ҳайрон қоламан.
Қалбида бор бўлган ҳисларни ва инсонни китоблардан излаб юради.
Қалбига бировни кўмиб қўяди-да, яна китоб ўқишда давом этади...

Шуҳрат Ориф
@wwwesdalikuz

Had

Bizni qay shamollar etdi yuzma-yuz,
Qaysi sukutlar-la qildik ahd-paymon,
Rost bo'lsa, osmondan umidingni uz -
Lek yerda yashash ham bo'lmaydi oson!

Endi, o'zingniki emassan, essiz,
Sochdan tirnoq qadar ishqqa tovunsan.
"Yomonsiz", - deb yaxshi ko'rasan, so'zsiz,
She'rimni o'qiysan,
meni sog'insang.

Ayro bo'lmoqlikdan ayromiz, shoyad,
Shukrkim, toq dunda toq emasman men,
Sensiz baxtiqaro edim bag'oyat,
Va haliyam baxti
oq emasman men!

Hali ulguramiz yonib-kuyishga ,
Bedorlik baxtini ko'ramiz baham!
Haddim yo'q Xudodan ortiq suyishga,
Haqqim yo'q ortiqroq
suydirishga ham!

Rashid Xo'jamov
15-yanvar, 2020-yil
@wwwesdalikuz

​YOLGʻIZLIK

Siz baxtlisiz...
Aqldan ozib,
Men jimman.
Ishq - umrimga qafas.
Yuragimni ezgʻilab, bosib
Yillar oʻtdi, yillar...
Men emas!
Koʻzingizni qadaysiz koʻkka!
Boshingizdan aylanadi kun.
Kunlarimni berib yoʻqlikka,
Men yigʻladim balki siz uchun!..
Tushimda ham
oʻyladim sizni,
Izlab chiqdim tushlarimda ham.
Ozor ichra,
odamzor ichra
Yolgʻiz sizni qoʻmsadim, Odam!
Koʻzlarim koʻr boʻlguncha ichdim
Kir nafratning qora yodini.
Ming yil
zulm zulmatin kechdim
Unutay deb dil faryodini.

Yillar oʻtdi,
yillar...
Men emas!
Men qolganman oʻsha lahzada -
Nigohingiz "yalt" etib tushgan,
Soʻng yoʻqolgan mangu larzada...
Qoʻlingizga tutsa ham Olloh,
yuragimga chiqmaysiz ega,
Siz sevilib baxtlisiz,
Biroq...
Men baxtiyor emasman nega?

✍ Zebo Mirzo

@wwwesdalikuz🍃

Koʻzim intizor,
Na bir xat bor...

xayrli tun...
@wwwesdalikuz

Qish - orzulari oppoq qiz...

@wwwesdalikuz

Esdalik.uzda qish...

Yiqildingmi?..
Ko‘zlaringda
Buncha alam,
Buncha alam!
Ustu boshi chang ko‘rmagan,
Dard ko‘rmagan
Erka bolam!
Shiddatingning shamoliga
Hushing bir zum
Shaydo bo‘ldi...
Sening ravon yo‘llaringda
Bu tosh qaydan
Paydo bo‘ldi?
Yoki aqling ketganmidi,
Endi toshlar
Qolmagan deb?
La’natlading, bolam, meni
Yo‘ldan toshni
Olmagan deb...
Erka bolam, kechir meni,
Oqsuyagim,
Muruvvat qil!
Toshli-toshli bu dunyoda
Maysaday xor
Yashadim, bil.
Toshlar bilan kurash tushdim
Kurash bekor
Ketmagandir,
Qolgan bo‘lsa biror zil tosh,
Bolam, kuchim
Yetmagandir...

Usmon Azim

Ijroda Dilnoza Kubayeva
@wwwesdalikuz