انه وغربتي وليل المنيه
وحيطان السجن تبچي عليه
وتصيح السموات .. يا موسى ابن جعفر
...
ذبل ليل الله لونيني وهاجت بروحي المحنه
بالسجن خُلصت حياتي وفارگِت لمّة اهلنه
ما ترد ذيچ الليالي والوكت طشر شملنه

عطشانه العيون لهلي
لديرة علي وخلفة علي
بالغربه محد ما إلي
الليل يخلص ونه ونه

اكتب والله مشتاگ بدمعتي
واكسر خاطر الظلمه بصفنتي
تگضي الليل حسبات .. يا موسى ابن جعفر
...
يوسف وسجنه ومصابه عشر معشار بمصابي
سجني ما بي حته شمعه وانطفت شمعة شبابي
تاكل بزندي السلاسل لحد ما دگ موتي بابي

فوگ الغرب فوگ السجن
تلعب سياط اعله المتن
سجني مثل بيت الحزن
انقرت بي قصة عذابي

يوسف ما جرع سم المصيبه
وانه جنازتي ظلت غريبه
نعشك عالجسر بات.. يا موسى ابن جعفر
...
يونس يگولون عنه ابطن حوت سنين گضّه
لچن ما چان الحديد برگبته وساگه يرضه
براحته لربه يصلي من يريد يأدي فرضه

وانه بفرض وبنافله
برگبتي وايدي السلسله
وتكتب دمومي السايله
اخذ يا رب حته ترضه

اوگف بالصلا وبعيني عبره
ومن دمي عباتي تصير حمره
وتنوح المناجاة .. يا موسى ابن جعفر
...
الموت مر بيه ولگاني ميت من الغربه وحدي
شگد تمنيت بمماتي عليه يلتمون ولدي
بنيتي معصومه تجيني وتمسح ادموعي اعله خدي

تالي بسجن عمري گضه
وما شايف وليدي الرضه
والسم سره بدمي ومضه
وگطع حته هروش چبدي

صاحولي امام الرافضيه
وانه آسمي ضوه عيون الزچيه
شلت شگد جراحات .. يا موسى ابن جعفر
...
نعشي من شالته الوادم نحت يصحاب البصيره
اذكرت يوم الغاضريه وشيخ ظل بلا عشيره
ظل ثلث تيام عاري وشيعو جسمه بحصيره

من بعد شيال العلم
حرگو اعله اعياله الخيم
وانسحگ صدره وانهشم
وخذو علوياته اسيره

حسين ضلوعه بالحافر هشيمه
وزينب تنسبي والله هظيمه
نوح اعله السبيات .. يا موسى ابن جعفر
...
خادم الحسين ( عليه السلام)
كرار حسين الكربلائي
( ابو كميل )

قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

حق رهين السجون الامام الكاظم//ع


للكاظميه وكربله     نفس القضيه
للكاظميه وكربله     ننصب عزيـه

                   *--------------*---------------*

كربله معنى الدمع واحزانـه
الكاظميه هم ألمهه أذآنــــه
بيهه للكاظم سجن زنزانـــه
ذني لوعتهن تعيش ويـانــه

يجدد ويانه الحزن أبكل رزيه

                   *--------------*---------------*

الطفوف العشنه حسره وياهه
بالرصافه هنا چن شفناهـــــــه
للغريب إجنازه ما ننساهـــــــه
مسلسله ومحد إجه وشالاهـه

قصتهه تــشــبــه مــا جــره بالغاضريه

                   *--------------*---------------*

الكاظم يمثل الحسين ويومــه
قصه وحــده بالحزن مرسومـه
واحــد بغربه سليبه هدومـــــه
واحــد بسجنه خلص وسمومه

نعزي طه وفاطمه وحامي الحميه

                   *--------------*---------------*

باب الحوائج والجنازه مسلسله
امكيدينه بموتته وبـلا هلــــــــه
ذكّرنه بالعاري وطريــح بكربلــه
ساگه مرضوض ودمــاه الغسلـه

ســوت الــعــبــاس مــا ســوت اميه

                   *--------------*---------------*

موسى خلص بالحزن وسجونـه
لا عشيره الحضروا شيعونـــــــه
لا اهل يمه لتغمض عيــونــــــــه
بيوم الحسين الجـره يشبهونـــه

امصابه ومصاب السبط صارن سويه

                   *--------------*---------------*

اليوم عرش الله يضج بنوحه
جثت الراهب بقت مطروحــه
والحديد البيه زاد جـروحــــه
صابر وللدين ضحه بــروحــه

يومه وي عاشور يبقى النه هويه

                   *--------------*---------------*

✍ بقلم خادم الحسين ع
     الشاعر رعد الجريخي

قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

عمة شنهي اليوجعك حاچيني
متنك الياذيك هم ياذيني
عمة حگك لو تون
يوجع إصواب المتن
مثل عمتك بالحزن
گضيت عمرك
.....
عمه يالكاظم ونينك عذباني
وذكرتني بالشمر من سلباني
انه مثلك بالغرب محد اجاني
والخرابه هم سجن نفس المعاني
عمه اصبر لاتسد اعيونك
عندي خبره خل اداوي امتونك
جايبه الجرحك دوه
تربه من طف نينوه
ليش عمه ابلا ضوه
كضيت عمرك
.....
عمه شفت بركبتك حز السلاسل
واذكرت ذيج الركاب الدمهه سايل
خلصت العركه واجاني الشمر شايل
رأس الاحسين وبعد رأس ابوفاضل
خل ألفن ركبتك بالشيله
بيهه عطر المحد امفييله
من لكيتك عالجسر
طاح مني نص عمر
بين سندي والشمر
كضيت عمرك
........
عمه سوط الضاربك ضاربني نفسه
تبجي من دم لوتشوف امتوني هسه
من ضربهم  طاح نص اجتافي احسه
وضهري يوجعني وعلي لليوم اهيسه
والشمر اذاني بحجاياته
ضهري صاير خشبه من طكاته
فكلي بابك خلي اطب
جيتك وطول الدرب
ليش اكولن بالغرب
كضيت عمرك
،،،،
ادري بالهم فاطمه المعصومه عاشت
عنهه تبعد هيج حكمة الله شائت
مو سبيه ولا جثث بالهيمه عافت
رأس ماشبكت ولا عالنحر ماتت

ضلت ابدار الستر محفوضه
مو بضاعه وبالقصر معروضه
نضرة الشامت جبل
وكصتي شط أمن الخجل
ابلا عشيره ولا أهل
كضيت عمرك
،،،،،
عمه هم شايف مره من مستحاهه
اتطيح من الناكه لو شافو عباهه
هي واثمانين تتراكض وراهه
عمه بالنسبه الي انته بنفاهه
حرمه ماعندك مشت مسبيه
اخمسطش عامك قياسا بيه
تنحسب نقطه ابحر
بس تضل عالي القدر
مثلي كل يوم ابسفر
كضيت عمرك
،،،،
أنته راهب وانه يالكاظم عقيله
متت بالسم وانه ميته أعله الهزيله
أنته معصومه عفت وانه العليله
اشكد تشابه رغم فترتنه الطويله

والقصر نفس القصر والصوره
والخرابه تشبه الطاموره

امصليه وانه جالسه
يالصلاتك مدرسه
والحزن تتنفسه
كضيت عمرك
،،،،،

✍🏻محمد الجماسي


قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

بغربتي وطامورتي
تذكريتچ عمتـّـي
سجني ظلمه وما أشوفن حتى بابه
تذكرت چن مـــن گـعدتن بالخـرابه
الله أدره بحـــالتي
تذكريتچ عمتـّـي
ــــــــــــ
آنه سجـّاني يجيني انتي منهو اللي يجيچ
انه گيدوني بسلاسل وبحبال مـــگيديچ
شما اعاين أثر ايدي اذكر ســياط العليچ
انه ما ابچي اعله روحي يمن فدوه آنه لإديچ
شما اشوفن سجني واتأمل ترابه
تذكرت چن من گعدتن بالخرابه
انه هيـّـنه محنتي
تذكريتچ عمــّـتي
ــــــــــــ
عمه من نقلوا مچاني ومن حبس رحت لحبس
تذكرت عمه سبيچن والجرى عليچن أمـــس
انه سجني فياي عمه يالمشيتن بالشـــمس
انه ما يضربني حادي وانتي يحـديچ النــجس
شما وگفتن عالمتون السوط جابه
تذكرت چن من گعدتن بالخــرابه
يا عظمها حيرتــي
تذكـّـريتچ عمـّـتي
ـــــــــــــ
آنه من أطلب أمـّــيه عمّتي يجيبونه لي
وانتي روّنچ مصايب آيـــبت حيدر  علي
وانتي متعوده اعله چلمت يختي أمري ادللي
البيچ ما صارن عليه ولا تشــــمت عاذلي
وكتي كله عايش الشام وعذابه
تذكرت چن من گعدتن بالخرابه
أهون آنه مصيبتي
تذكريتچ عمــّـتي
ـــــــــــــ
آنه اصلي من قيام و يالصلاتچ من جلوس
انه فزعولي بمماتي انتي شتفزّعين روس
انه شالوا جسمي وانتي خيلهم لاهلچ تدوس
بعد شنقارن يعمه گبالـي ما شهگت نـفوس
شكبر گلبچ زينب شگد بي صلابه
تذكرت چن من گعدتن بالخـرابه
موشبيها بغربتــي
تذكريــتج عـّـمتي
ــــــــــــــ
عمه كل مصيبه هينه وكون غاطيـني الترب
لسه صرخاتچ بذاني شلـــون للديوان اطب
شگد يتيمات بعباتچ ماتــن بسبـّـت رعـــب
عمتي آخرهن رقيــــه الماتت بديــرة غرب
آيگلبــــچ آيضيـمه وياعتـابه
تذكرت چن من گدتن بالخــرابه
ـــــــــــــــ


مهدي التقي


قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

قصيدة ( ليل اهدعش ) وكان الإمام يتذكر عمته السيده زينب عليها السلام في ظلمة ذلك السجن


ليل السجن ليل اهــدعش بالغاضريـه
كل يــوم بالكاظم تمــر ذيــچ الــرزيه
يتذكــر أطفــال       مچتوفه بحبـــال
بالغــاضــريــه

**

آه يـــا ليــل السجن          بــالمطاميــر  ويـــوّن
عمته يذكــرها العقيله وتجـري عينه
يذكر أطفال وعطـش      وخوف من ليل اهدعش
حسره تكسر خاطره وروحه الحنينه

تنرسم كــل المآسي بـروحه
لو ذكر زينب تزيد أجروحه
زينب أسيـره أمحيره بالطــف سبيه
محتاره بأطفــال وحـرم بت الزچيه
تتلاهب الروح           كافلها مذبوح     
بــالغاضـــريــــه

*

بالسجن تتراوه أِلــه        كل مآسي كــربله
كـل تفاصيل المصيبه وصــدر الحسين
الخيل لمّن داستــه        عالثرى من رضته
عمته نظرت عالشريعه وهملت العين

أتمـنت العبـــاس  يفــــزع  ليهـا
يشوف زينب شنهو صاير بيها
بالسجن وينــادي يــا محنت عذابـــچ
بگلبي يــا زينب تظل جمرة مصابــچ
بگليبي جمرات         ما تطفه هيهات       
بــالغاضـــريــــه

*

ينظر أقيـوده ويّـون      عمته يذكرها أبحزن
شلون مچتوفـه بحبــل وي الفواطم
بس حرم وبلا ولي       تنادي يابويــه علــي
والكفلها أعلى النهر يا وسفه نايم

ينتحب موسى ابن جعفر دومه
أبالّه حالــة  عمتّه  مـــرسومــه
ليل المطاميـــر وذكــر ليــل العقيله
من بعـد كافلها صفت هيـه الكفيله
يا حسرة الليل          والمدمع يسيل
بــالغاضـــريــــه

*

الكاظــم أبيــوم أنشتم      سالت أدموع الألم
ذكر عمته اشلون شتموها بسبيها
نادت أبصوت الهضم      انــه زينب ونشتم
وآنه بت الزهـــره ريحــانة أبيها

آنـــه زينب والشــرف بطباعي
وگبل مـا مــر الشتم بسمــاعي
بالكاظم أتمر الصور تلچم جُروّحه
عمته زينب بالسبي يحلاله نوحه
حرمه وغريبه          بالطف سليبه     
بــالغاضـــريــــه

*

ليــل مَــر بصفنته        منّــه زادت ونتّــه
جدد اعلى الكاظم أهمومه وعذابه
ليل ما مثله جـره      ناره تبقه اموجره
اشد من ليل اهدعش ليل الخرابه

طفله رادت بس تشوف الغالي
تگله بويه شعطلك يالـــوالي
جابولها الراس ابطشت بنّته الحزينه
عمّــه صاحت ليش أبوي امخضبينه
ليل الخرابه             أصله وعذابه
بــالغاضـــريــــه

**
الشاعر
موسى البديري

قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

بين الخرابه والسجن// ياخذني ويردني الحزن
هينه السلاسل بيدي تنشال
بس المصيبه عدنه الحبال
****
سافرت بيه افكاري _ وجابت لزينب طاري
وهلت دمعتي
مسجون انه بزنزانه _ وهيه انسبت عطشانه
ويلي اعله عمتي
عمتي ليل أنهار بس ابجي عليهه
الله يدري الحبل شمسوي بااديهه
يابشر حاير مثل حيرت سبيهه
بجرح يوميه الزمان ايعيل بيهه
من غربتي هواي اعتذر // صارت غريبه ام الخدر
من اذكر اسمهه اوكف اجلاال
بس المصيبه عدنه الحبال
****
اباب السجن سجاني _ شمحتاج من ناداني
شمحتاج مولاي
تذكرت الما انساهه _ ثمانين طفل وياهه
تدورلهم الماي
باب سجني يقفله سجاني تعود
والخرابه لا سكف لا باب ينسد
خايفه جانت يصد اعليهم احد
وكت خله الحبل بيد الحره ينشد
وانه بركبتي الجامعه// وابالي ذيج الفاجعه
فوك التراب تنام الاطفال
بس المصيبه عدنه الحبال
****
خلصت غريب اسنيني _ والزينب تهل عيني
بغربتهه ملجوم
تهيج الخرابه اجروحي _ من اذكرهه تطلع روحي
اذكرهه كل يوم
عكب ذاك العز اميرتنه والخيام
عمة الساده سبيه طبت الشام
عالهزل لو بالخرابه شتكدر تنام
هيه تسهر وبحظنهه تغفه الايتام
مسلوبه تبقه راحته// المسبيه عنده عمته
من المصايب شافت اشكال
بس المصيبه عدنه الحبال
****
اعرف اخبار اعيالي _ مطمئن كلبي وبالي
محد سباهم
لا حركو اعليهم خيمه _ لا شمر وسط الهيمه
يركض وراهم
بين حيطان السجن خلصته عمري
راح اودع دنيتي مسموم ادري
امنيتي كون الحافر يدوس اعله صدري
ومو نعش كون الحصيره تصير حدري
رظرظت ساكي السلسله// ودمعاتي تجري لكربله
ما باك محبس جفي جتال
بس المصيبه عدنه الحبال
****
مفارك احبابي وناسي _ والسبي سابي احساسي
ياغربتي تهون
لاخر نفس اشتمه _ ابجي الهذيج العمه
التشكي من المتون
جاي اواسي عمتي بكيود الايدين
بين سجني والخرابه وحزن الاثنين
عمري خلصته بواجي اعله اخت الحسين
هيه زينب وينهه اوين الدواوين
لتظن حزينه قصتي // ألاعظم مصيبة عمتي
قصتهه لازم توصل اجيال
بس المصيبه عدنه الحبال
****
تمت ____ علاء الزيدي


قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

هوسات للأمام الكاظم عليه السلام


اجيتك سيدي عاني ومتعني
اعرفك ماتردني ولاتفشلني
عندي اهموم بالدلال كتلني
(( كاتلني الهم يابو الغيره ))


كتلني الهم كتلني ونحل افادي
اجيت اليوم امشي اعليك ابو الهادي
يعطاي المراد انطيني امرادي
(( دكتور ادخيلك شافيني ))


يادكتور مثلك مايصح دكتور
اجيت المجلسك نار البگلبي اتفور
اعرفنك شفيه وتجبر المكسور
(( مولاي انت ورفعت راسي ))


اخدمك بالعمر والروح يامولاي
صدگني افتخر كلما اگولن هاي
مريض ودورت بس مالگيت ادواي
(( دگ باب الكاظم گالولي ))


دگ باب السبع گالو ودگيته
مهضوم وعليك الحمل ذبيته
يالتشفي المريض وترد عافيته
(( من عندك رايد عافيتي ))


اريد العافيه وادواي من ايدك
گالو غير موسى محد ايفيدك
شافيني عليك ابداعت اوليدك
(( وبداعت هيله ومعصومه ))


لشاعرة اهل البيت
ام هجران العمارچية
غير مبري الذمه من يمسح اسم الشلعره او ينسب الرثاء لشخص اخر



قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

فزاعية للأمام الكاظم عليه السلام ( ومالحگت معصومه )


حسبالهه اتشوف الولي
ومالحگت معصومه


لاشافهه ولاشافته
للجسر عنوه اتعنته
تصعب عليهه فرگته
يابويه وينك صاحت المهضومه


يابويه صاحت عالجسر
حالي بغيابك مايسر
وجهك حسافه ينخسر
انته الكلف والحيد والجيدومه


انته الشهم وانته الكلف
وجهك بعد ماينخلف
ياحيف والله تنچتف
امتونك الحلوه امجرحه ومهشومه


امتونك الحلوه امجرحه
ماكو اعله نعشك نايحه
ياهو القرالك فاتحه
واهل المراجل والزلم بالحومه


اهل المراجل والشيم
لارايه شالو لاعلم
گلبك تگطع ماسلم
وروحك هزيله وگاضيه ومالومه


روحك هزيله وناحله
من السجن والسلسله
واهلك ضحايه بكربله
عافو الدار امسدده ومهجومه


عافو الدار امسدده
چا ليش سموك العده
امصابك صعب ماله
يشبه مصاب السالبين اهدومه


لشاعرة اهل البيت
ام هجران العمارچية
غير مبري الذمه من يمسح اسم الشلعره او ينسب الرثاء لشخص اخر



قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

لطمية للأمام الكاظم عليه السلام ( مصيبه الليله )


عد اهل زينب مصيبه الليله
موسى ابن جعفر تهدم حيله


عد اهل زينب مصيبه وفاجعه
خل ابو فاضل يعوف المشرعه
من سجن هارون موسى ايطلعه
اشلون يگعد محد يتچيله
عد اهل زينب مصيبه الليله


اينازع بطامور محد وسده
بالرطب سموه وكتلوه العده
كلهم ايعرفون جده اوالده
اربع احماميل تالي اتشيله
عد اهل زينب مصيبه الليله


اربع احماميل شالو جثته
عالجسر شمروه وضل بشمرته
امكشف المسموم ماهي اعماته
وين معصومه تجي اتفييله
عد اهل زينب مصيبه الليله


ليش معصومه واخيهه اتأخرو
بالشمس مطروح ابوهم مادرو
يرجع امن السجن حي اتصورو
امتانيه الجيه وتناطر هيله
عد اهل زينب مصيبه الليله


ناطرينه ايعود لاچن مايعود
امن السلاسل والحديد امتونه سود
هاذه ابن جعفر ركن دين وعمود
واجب اعلينه عزه انسويله
عد اهل زينب مصيبه الليله


كل سنه انجدد عزاه وماتمه
واجب اعلينه ونعازي فاطمه
امتون موسى امن الحديد امهشمه
موش العيون الگلب يبچيله
عد اهل زينب مصيبه الليله


موش بس العين يبچيله الگلب
حال موسى ياخلك والله صعب
اشلون عالهامه يشيعه ينضرب
روحه من ثگل العذاب انحيله
عد اهل زينب مصيبه الليله


صار بس جلد وعظم من العذاب
ضل ثلث تيام نعشه عالتراب
هذا موسى اليوكف بيوم الحساب
گوم يالعندك هضم واشچيله
عد اهل زينب مصيبه الليله


لشاعرة اهل البيت
ام هجران العمارچية
غير مبري الذمه من يمسح اسم الشلعره او ينسب الرثاء لشخص اخر




قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

ديوان مسلوب العمامة ج 17

الشاعرة ام هجران العمارچية

هاي اهيه،،،، وأيست معصومه
مات ابوها وحيل يوجع يومه
ــــــــــــــــــــــــــــــــــــــــــــــ
مات ابوها وحيل توجع فرگته
وايست من شوفته ومن ردته
گومـن اوياهـا وعدلـن لطمته
واللطم ميدان للجيدومــــــه
ــــــــــــــــــــــــــــــــــــــــــــــ
واللطم ميدان يحله اوياهه
راح واليهـه وبعد ماجاهه
للهضايم واليـتم خلاهـه
ضلت تحن وتون مهضومه
ــــــــــــــــــــــــــــــــــــــــــ
ماتنام الليل ضلت بس تنوح
اتصيح ودوني لبوي وخل اروح
انفض اترابه اداويله الجروح
گوم اگله وموش الك هالنومه
ــــــــــــــــــــــــــــــــــــــــــــــ
ليش اگله اتنام ماردتك تنام
گوم شوف البيت بغيابك ضلام
ياأمام الرافضه ونعم الامـــام
فدوه اروح الوجهك ولرسومه
ــــــــــــــــــــــــــــــــــــــــــــــ
فدوه اروح الوجهك ولعيونك
يابعد روحي يبويه اشلونك
هاي اهيه ومالحگت اضعونك
من دلالك صبحت محرومـــه
ــــــــــــــــــــــــــــــــــــــــــــ
من رحت لليوم ماشفنه الدلال
ليش غايب بسك اغيابك تعال
بيمن ايطلبوك كفار الانـذال
مانسيت امتونك المهشومه
ــــــــــــــــــــــــــــــــــــــــــــــ
امتونك الحلوات تتناگط دمه
من السلاسل والحديد امهشمه
وانمرد گلب الرسول وفاطمه
وانلچم ضلع امك المضلومه
ـــــــــــــــــــــــــــــــــــــــــــــ


قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

نعي للأمام الكاظم عليه السلام


يالبالسجن حالك شلونه
وعونه الگعد وياك عونه
يگولون وجهك خرب لونه


جلد وعظم صاير يگولون
من الفراگ وضيم هارون
شمسوي جوه الگاع مسجون


مسجون بين اربع حياطين
المن تدير العين بالعين
ولدك وخوانك بعيدين


ولدك واخوتك كلهم ابعاد
وحيلك تضعضع سيدي وباد
عليك احزنت صوبين بغداد


عليك احزنت كرخ ورصافه
يقاضي الحوائج والكلافه
مسموم گلبك ماتشافه


روحك گضت والگلب مالوم
يگولون مات البطل مسموم
چا كون اخوتك يمك اليوم


ماگعدوا الخوان يمك
ولادروا بالملعون سمك
من كل كتر مسفوح دمك


اجروحك اهواي ودمك يسيل
عالجسر ذبوك الحماميل
چا وينهم ركابت الخيل


وين السباع اليوم عنك
امتونك وگلبك يوجعنك
وعدوانك شيردون منك


عدوك نذل موش ابن اجاويد
چا بيمن ايطلبك وشيريد
درب المدينه وكربله ابعيد


شاعرة اهل البيت
ام هجران العمارچيه
غير مبري الذمه من يحذف اسم الشاعره او ينسب الرثاء لشخص


قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

لطمية للزهراء سلام الله عليه



يايمه اشبيچ متغيره وتونين

اشيل وياچ لورتي  تشيلين

/////////////////////////////////


اگعدي وياي خلنتسامر  اسويعه

يبس گلبي وخمد والوالده ريعه

جنه امي وجها دون  مابيعه

هاي امي تچيه وشوف للعين

يمه شبيچ متغيره وتونين


////////////////////////////

محله گعدتچ للبيت ويانه

من خوفي عليچ اعيوني سهرانه

يمه اليوم  چنچ حيل تعبانه

اسم الله عليچ يمه ولا تخافين

يمه شبيچ متغيره وتونين

/////////////////////////////////

ماعندي حبايب يمه بس انتي

هاي انه شجاچ ابساع غمضتي

كون الموت غثچ ليش ماگلتي

اموت وياچ لورتي تموتين

يايمه اشبيچ متغيره وتونين

//////////////////////////////


يمه الوالده بلبيت مريوده

يوم البيه گعدنه وياچ شيعوده

تعبانه وعليچ الروح ممروده

وانعى عليچ دوخت الجوارين

يمه شبيچ متغيره وتونين

////////////////////////////

يمه شلون بيه لو نسيتيني

الله عليچ يوم العديد اذكريني

مدري لو  نمت شنهو اليوعيني

واگعد وارتچي بسد الحياطين

يايمه اشبيچ متغيره وتونين

//////////////////////////////


بعد  ماكو. محنه بيني وبينج

گلتي ابتعدي عني وغمضت  عينچ

باچر. كون اروح اويه المشيعينچ

واسحگ بالحجر  والشوك والطين

يايمه اشبيچ متغيره وتونين

///////////////////////////

يادنيه  ويه زينب هيچ سويتي

عمت عينچ يدنيه اگلوب چويتي

من يوم الضلع  وي زينب اكفيتي

من هليوم تبچي ليوم الحسين

يايمه اشبيچ متغيره وتونين
////////////////////////////////////


بقلم الشاعرة ام ريام دخيل الركابي✍..

تجدونها في ديوان عزاء وبكاء
قناة تخص خادمات الحسين


محاضرات

قصائد

معلومات
https://www.tg-me.com/الدموع الزينبية/com.Alhasasn18

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0