وصية ام البنين عليه السلام
الى اولادها.

ام عباس شوصتهم....بالطف اربع اولاد
ياولدي حسين الخيمه..وانتم بيهه الاوتاد

.....
1)
امهم هي الوصتهم تعرفهم زين سباع
تدري اللاگاهم يشرد يشرد وتعثره الكاع
وصت عباس أولهم والزينب صار شراع
يا عباس اطي اجفوفك لوخنصر منهم ضاع

هاي الناس الوفايه
لو سولفنه عله الزاد
......
2)
جدام حسين وگالوا نستشهد لاجل الدين
ما نخلف يمك موعد بدرب الحق منتصرين
والحق نعرف بس واحد ما صار الحق ثنين
لو وي حسين نعرفه لو لازم وي حسين


ثبتو جدامه وگالوا
چلماتك كلها مراد
.......

3)
طاحوا لمن ناداهم سجيل اعله الكفار
شيخ وبالطف ما يسمع من عدهم بس الصار
گالوا مو عركه وتخلص لا صارت شغلة ثار
همه اللي كتلوا حيدر بيهم خن نونس النار

بس من خزرات الكافل
صاروا بالطف رماد
......
4)
حسين اتشيم بيهم جي وفوا بالميدان
ماخلوا واحد يحجي بالطف لوعده السان
كاللهم ماضن منكم جابن هيج النسوان
شيخ وبالطف متريس هد اوياه اخوان

گلهم للشغله الصعبه
هيج المنكم يراد
......
5)
من سمعت كلهم طاحوا كالت ماضاع رباي
منهم جان حسين اغلى وصاروا لحسين الماي
من طاح الكافل بالطف سموني ام الوفاي
مشتاگه شگد لحسيني انشد بالراح وجاي

للطف من راح لهسه
ما غمض جفني وهاد
.....
تحسين قاسم الكعبي
https://www.tg-me.com/الشاعر تحسين الكعبي/com.qt_2_0_0_01

(استقبال شهر محرم الحرام )


هل الهلال يزينب _هل لهلال
كد الجبال يحزنج_كد الجبال
بل سبي دموعج حجن_تغربيتي من لوطن
هل الهلال_يزينب هل الهلال
.....
وي اخوتج من اجيتي__جنتي حره مخدره
وعل نهر عباس طايح__كلج ارجو المعذرة
عل نهر بدر الهواشم __بحالتج حاير تره
انتي ياعصات موسى __ وبل معاجز حاضره
...
انتي عاشرتي المحن_تغربيتي من الوطن
هل الهلال _يزينب هل الهلال
،،،،،،،
زينب ويا حزنج ايايه __ترتله ايام الزمن
من بعد ما جنتي اميره __تغربيتي من الوطن
جنتي وي حسين كلشي __وحاضره وياه المحن
وصرتي كلشي انتي البناته__منن ذبح وتغربن
...
يبقى حزنج كل زمن _تغربيتي من الوطن
....
هل الهلال_يزينب هل الهلال

كل مصيبه عليج مرت __من علي الحد السبي
بعد فاطم يعني زينب __مثلت رمز العبي
خيمتج بلطف علامه __جانت الستر النبي
كلتي وياي ابو فاضل __ياهو يوصل معصبي

كلبج لعباس حن __تغربيتي من الوطن
هل الهلال_يزينب هل الهلال
...
الشام والشام وشسولف __جانت بدرب الخطر
والشماته بضحك كالو__ وينه عباسج حضر
صدك حرمه ومن حجيتي _حجر سجيل ومطر
كلتي ماتو لجن زينب __كملت الطف صور
ماحجو كلهم لجن_ تغربيتي من الوطن
هل الهلال_يزينب هل الهلال

...
تحسين قاسم الكعبي

https://www.tg-me.com/الشاعر تحسين الكعبي/com.qt_2_0_0_01

مبرد والسيوف تريد ملكاك ...💔
تحسين قاسم

#_متباركبن _عيد الغدير
#مَن_كنتُ_مَولاه_فَهذا_عليٌّ_مَولاه

انزل يادمع رضوا چم ضلع ....بعد ضلوع الزهراء
بخيام النبي يحرك اجنبي ....حسين المحد طفاه

لمن طاحوا اخوتها........... حرگوا زينب خيمتها
انزل يادمع......انزل يادمع
.......

من تنزل كون بحرگه .......كونك تعميلي العين
ياهو المثل مصيبتها ............ زينب من طاح حسين
حره وصارت نص وادم .....ما تعرف شنهو الدين
هم اول ناس الخلصوا .......خلصوا بس منتصرين

من دار الزمان ..لزينب ماكو امان .كالت انا الحوراء
بت حيدر علي .خلصوا كل هلي .بس الدم ما ننساه

حگ لو طاحت دمعتها.......حرگوا زينب خيمتها
انزل يادمع.....انزل يادمع

****
شحچيلك عن العاشر.....والدم غطه الصوبين
ومن طاح الكافل طاحت...طاحت وياه سنين
بحضن حسين انت موذر..وتنشد عالزينب وين
شيرجع ذيج ايامك......... لگبل الطف ملتمين

عباس الحنين..من ناده الحسين. الشط احمر سواه
اتبده اعله النهر.. والموت اعتذر..عباس بلا يمناه
...
بعدك جاياهو يردها......حرگوا زينب خيمتها
انزل يا دمع......انزل يا دمع
****
من گالولي المسبيه... ...وتمنيت العباس
يرجع ويگلهم ياهي..وبوگه تصير الانفاس
اخ ويادرب الغربه...لمن تمشي ويه الناس
راسك يمي وحاچيتك..بس خزروني الحراس

وبدرب السبي واحد مطلبي ..بس خلوني احچي وياه
دورته شكثر وشامت جم شمر....عباس الدم
غطاه
بس ماطاحت هيبتها ....حركو زينب خيمتها
انزل يا دمع ....انزل يادمع
٠٠
تطلع مني چم حسره ..من يمر طاري الشام
من جابونه اعله الهزل ....انا وياي ايتام
جنهم نعمه ومسلوبه ...خواني المحد دام
ايتام ومنظر مرعب ...ما غمض جفن ونام

بحسين شيصير يلم بحصير ياهو اليفزع وانخاه
بدروب الخطر وانرسمت صور گلبي المحد واساه

شسولف عن هضمتها...حركو زينب خيمتها

انزل يادمع ...انزل يادمع
.....
تحسين قاسم الكعبي
https://www.tg-me.com/الشاعر تحسين الكعبي/com.qt_2_0_0_01

يبني العطش مو جذاب
مالحكت اشوفك شاب
الماي رخيص مايغله . انته اغلى يعبد الله
٠٠٠٠
جنت ماتني تكبر وحسب بطوالك
بمهدك مو جنت يوليدي ونزورك
بل طف ياجبير ويا كبر دورك
حور العين غارن يبني من نورك
جمالك ياهو يوصله
انته اغلى يعبد الله
*

يفز كلبي على نوحك والعطش كافر
شلون تحملت يل تكسر الخاطر
الله شتاكلك يواليدي خن نسافر
نهر بسمك تسجل بل حشر باجر

الدنيه بعيني ماتحله
انته اغلى يعبد الله
***
امك من يجيها اليل ماتغفه
من تذكر صورك تكبر الهفه
باجر على الناكه تشبه السعفه
حلم كل ام ابنها بيدها تزفه

جنت بعيونها الحكله
انت اغلى يعبد الله
****
بحضني والسهم يوليدي ليذبحك
جان اليختنك وي كل هوه يشمك
عطشانه السمه وتروت بدمك
حاير بل خيام وحاير بهمك
اليذبحك الله شيكله
انته اغلى يعبد الله
****
المافاكد واليده بلحجي شيدري
تمنيت السهم يعبر يجي بنحري
دمك ما وكف يواليدي ضل يجري
لانك بل كبر مافاركت صدري
سهمك بل نحر صله
انته اغلى يعبد الله
...
تحسين قاسم الكعبي
https://www.tg-me.com/الشاعر تحسين الكعبي/com.qt_2_0_0_01

#سماعي _للعليله ع
...
الما يدري بهله بيا بلد دمعاته موضوعه
لو سولف بكلبك الحزن جلماته مسموعه
ريح اليتم المن تهب تتكسر ضلوعه

مشتاكه الهلي حن الكلب
بفراكه الابو ليلي صعب
عل ناكه دعيت وعل درب

عليله والمرض ماينحمل
طويله غيبته الينكتل
قليله دمعتي الما منه امل

....
هوه البعد ما ينحمل لمن رحت زاد المرض
ماخذني اموتن بلدرب اهون احسنها وتفض
بضلوعي خيل الداستك يابويه احسبها ترض



حرموني يبويه من الحنان
خلوني اعيش بلا امان
دلوني عليه بيا بجان


بضلوعي تمنيت الحوافر
بدموعي يغسلوني باجر
موضوعي الزمن بيه حاير
....
عبد الله احسن منذبح وعيالك بدرب السبي
وبالي خيمه وتحترك دخان اشمن بل عبي
يا طبه السوك الهضم مو هينه عل ستر النبي

الحريمه احسين ماضلت خيم
هضيمه عماتي صارن نص زلم
عظيمه زينب وكافلها الشهم

لو وياه اموتن بل خرابه
من انخاه اصيحن بابا بابه
ضل هنا مرض جسمي وعذابه
....

شميت اكو جيه ضعن بس خالي من عطرك
كل ما تندالي احترك بيه جمره من صدرك
لان الضعن بي عمتي وعلى الهزل صبرك

خفت من شفتها على الهزل
ردتت تحجيلي عن الحصل
متت بفركاكك لمن اضل

كضت عشرتنه يعني انتهت
مضت ايامك الحلوه مضت
مشت روحي بفراكك مشت
...
تحسين قاسم الكعبي
https://www.tg-me.com/الشاعر تحسين الكعبي/com.qt_2_0_0_01

المعركه شيكضيها أبو فاضل بيها المشرعه مبديها
شيخ الميادين ....شيخ الميادين
٠٠٠
من الزغر وعيونه تجدح. ابد مو مثل الزغار
جان يدري هناك بل طف. سيفه لازم ذو الفقار
عيونه وكت الغيض جانت.. بيهن يبين شرار
جفه يسطر وينه وينه.. .طبعه يتعنه الكبار
الحرب شاريها أبو فاضل بيها المشرعه مبديها
شيخ الميادين

٠٠٠٠٠
علي جان يكله يبني.......ذاخرك وكت الشدد
يجي يوم حسين وحده. وانته تصبحله سند
زودي بيك انا اعرفك .......بل معارك ماترد
الزالم مثل السعفه ترجف .منك ومو من برد
ترجف مخليها أبو فاضل بيها المشرعه مبديها
شيخ الميادين

٠٠
خيال زينب ياهو شافه. وبعده يشتم الهوه
فضل من عنده ويجيله. النهر من جفه ارتوه
كمر هاشم واخو زينب. واللقب راعي الوه
تسطر جفوفه الغيثه. والليحب صارن دوه

الموزمه راعيها أبو فاضل بيها المشرعه مبديها
شيخ الميادين
٠٠٠
حسين وصاه بوصيه. يبن ابوي اسمع شكول
الو نوو عل حرب باجر. وسمعت صوت الطبول
من تريد تطب عليها... اذبح زلام وخيول
لان خيل الراح تبقى . تصول عن صدري وتجول
ادري متخليها أبو فاضل بيها المشرعه مبديها
شيخ الميادين
٠٠٠
توسط الحومه ويكلهم..عل خيم ياهو اليفوت
بينه يونس دعه الربه. خيمنه مابيلعها حوت
سيفي مادام بيميني. ويسبك بسرعته الصوت
ياهو مشتاك الجنهم .خل يجي بساع ويموت
دلالكم يجفيها أبو فاضل بيها المشرعه مبديها
شيخ الميادين
....
تحسين قاسم الكعبي

https://www.tg-me.com/الشاعر تحسين الكعبي/com.qt_2_0_0_01

#-شوط كربلائي

مانترك شعائرنه
يحسين بضمايرنه
.....
كل يوم العلينه يمر
عاشر يعتبر عدنه
مجنونين باسم حسين
عابس صار واحدنه
ماعفناك لا والله
لو كل الخلاك ضدنه

حمزه الصار قائدنه
يحسين بضمايرنه
......
عاهدناك يل مذبوح
واحنه عله العهد باقين
رادونه نفرط بيك
صحنه مانعوف حسين
لجل ربك هواي انطيت
بدمك استقام الدين

كلشي ما يبعئدنه
يحسين بضمايرنه
......
مانبجي عليك شلون
حسين انته وسيلتنه
ننصبلك عزه بكل بيت
بيك الزهره وصتنه
يسمونه صدك خدام
شمحلاهة خدمتنه

يا مولاي تقبلنه
يحسين بضمايرنه
....
من ندعي العمرنه يطول
حتى تطول خدمتنه
نتفاخر صدك مرات
غير انته هويتنه
شيعه احنه ورمزنه حسين
بيك انخطهة رايتنه

اسمك صار قدوتنه
يحسين بضمايرنه
....
دنيه شما يجيها تدور
وبيها الناس تتغير
ليعله وكلبه مو الحسين
هذا شما عله يزغر
ليخليها على نيته وياك
بس بخدمتك يكبر


عنك لا تبعدنه
يحسين بضمايرنه
...
باجر بل حشر مولاي
يل حاشاك تنسانه
يحسين الذنوب هواي
وربك عدل ميزانه
الوصار الحساب هناك
كون نريدك ويانه

خدامك تسجلنه
يحسين بضمايرنه
....
تحسين قاسم الكعبي

https://www.tg-me.com/الشاعر تحسين الكعبي/com.qt_2_0_0_01

خليني ابقى لوحدي
وخليني كل ساع انهضم
هوه اليعرفك من صدگ
مو من صدگ من يبتسم
العايش مصابك يحترگ
كل ما يمر طاري الخيم

خليني اضل لوحدي وبس انت اريد
خليني اگلك نادم لأني بعيد
دليني عليك شما گالوا عني وحيد


غيرك شعندي _والخلگ ضدي
شكثر لاموني لان لاسمك بچيت
ياهو يفهمني _وياهو يسمعني
انا بس بيك افتخر لو سولفيت

حسين يا ابا عبد الله حسين
____
بس اليفك ريجه بحزن
عالجرحك يعرف العشگ
وبس اليذكرك كل وكت
ولوما يذكرك يختنگ
خل يوگف وطايح الك
لو گلبي بسمك مايدگ

علمني الك خلني اصبح مطيع
علمني بوجودك ابقى بغيرك اضيع
وديني بحلم جايب ماي اسگي الرضيع

لا نشف خدي _وانت متبدي
انا ما اشوفك عطش لا انت ماي
خلي اليذمني _انت التلمني
هواي وادم عافتك ماعدها راي
____

علمني مولاي الادب
سهوا احسن مرات ازل
عيشني لحضات العطش
مشيني وي ذيج الهزل
ارزقني لو دمعه عليك
وخليني منك ما امل

دمعاتي التطيح الغيرك ما تنحسب
دمعاتي صدك خليها لا مو جذب
حسراتي شبه لخيامك لمن تشب

تجاوزت حدي _واحچي بالعدي
وانا كل نعمه اجتني من اديك
والولد ولدي _فضلك يعدي
يضيع كلمن مانزل دمعه عليك
___
شما ردنه الك رد الفضل
ما نوصل الفي منحرك
يالتطي كلشي من الگلب
ماندري شنقدم الك
الا بقتل نفسه العبد
يوصل مراتب طاعتك

موتني بوجع يشبها ذيج السيوف
موتني بثواب خيامك برض الطفوف
عرفني مقامك حتى مايبقه خوف

بالگبر ودي _ماضل وحدي
وحاشا اليحبك يضل وحده غريب
لهفتي بجبدي _تزود وتبدي
على شوفك ريت اشوفك مو سليب

تحسين قاسم الكعبي
......
https://www.tg-me.com/الشاعر تحسين الكعبي/com.qt_2_0_0_01

اخر وداع _بعد ما ينشاف طول شجم شهم
اخر وداع _ارجه شوفتكم يخويه بكل حلم


ربي صبرني اعله كد هاي المصيبه
والله مو هينه علي چلمه غريبه
حزن  گلبي يطول ما بطل نحيبه
يعيش ميت كلمن يفارك حبيبه

ودعتهم   _والحزن سابيني
من بعدهم _ياهو اليباريني


آ يخوتي   آيخوتي

٠٠٠٠٠٠٠٠٠٠٠
مدري شبساع _خلصت العشره وبقيت انه وحيده
مدري شبساع _فارگت وين الچنت دم بوريده


باجر الوادم ولا بيهم عرف
راية العباس باجر ما ترف
روسهم برماح گاضيها النزف
اصوابهم مو هين وكلش كلف


باجر امشي _لليسر وي الغرب
سهم كلشي _عليه امرن بل درب


آيخوتي    آيخوتي

.............
هضمه الاسباع _تبقى بالبر والجثث ما تندفن
هضمه الاسباع _تغمض الهم عين و يهود جفن


زينب له انخلي عينج تدمع
كافلج راح  بعد ما يرجع
بعد بي روح بشتمج يسمع
نريد روحه بضربجن تطلع

حيره شحجي _وادري مو هين الحجي
عيني تبجي _يهود الروح البجي


آ يخوتي   آيخوتي
......
ظاگت  الگاع _ نمشي فوگ الشوك  ليش بهالدرب
ضاگت الگاع _اخ طبت الشام تحرگ چم گلب


نگلهم آل البيت احنه وما حمونه
ومن نگلهم امنه فاطم شتمونه
اخ الو شايف شلون استقبلونه 
احجار وطبول وفرح من گابلونه


نمشي ايام _والدرب مابي عرف
ديره اسلام _ولا گلب بيهم يرف

آ يخوتي   آ يخوتي
...
بيش تنباع _بسوگهم مرينه رادوا يشترونه
بيش تنباع _من سمع عباس فتحهن عيونه



هاي تاليها بخرابه احنه نصير
وابن هند الماله اصل هوه الامير
بلا جناح النوم من عدنه يطير
لو ذكرنه حسين ينلم بحصير

يومي بعام _ينحسب من الهضم
وادم الشام _كل حجيهم بل عظم


آ يخوتي    آ يخوتي

...........
تحسين قاسم الكعبي

الطلب اللحن
@qt_2_0_0_0

من علئ النوگ انودع حسين
من علئ النوگ انودع حسين
*********************
لا كون ميته وروحي يمكم
مو هينه من اجبل والمكم
هزل النوگ وهودج النوگ
بكل خطوه يتمايل بختكم

طحت شوگ هضمني الذابح حسين وطحت شوگ
علئ النوگ فواتحكم يخي صارت على النوگ

انشد عليكم وين ماوين
من علئ النوگ انودع حسين
***********************
يحسين يالمكسور ضهره
لميتكم وذره اعله وذره
شما رت الومك واعتب عليك
تعرض بعيني خيول عشره

عله صدرك شثگله الحافر وفات على صدرك
من اذكرك اعورك حتئ يحسين من اذكرك

مناوب عليك السجاجين
من علئ النوگ انودع حسين
***********************
تهون الخيم محترگه ودروب
يحسين بس شيطفي الگلوب
مناشغ ثكاله من امس لليوم
متعوبه وتحشملهه متعوب

من اجيناك عفنه العطش بالخيمه من اجيناك
لجمناك الوجع عابر للطيوف ولجمناك

غير البجي شعدهه النساوين
من علئ النوگ انودع حسين
***********************
رغم الضمه ومعاير الناس
وياماي لا عطشانه عباس
وانت عله رمحك مشتهي تموت
ميت وتدعي بموتت الراس

عله الرماح عزيز بصف عزيز النه عله الرماح
يذباح نحري مناطر سيوفك يذباح

جا ضاله المن كلهه ميتين
من علئ النوگ انودع حسين
***********************
للـمـاكـو كـلـه تلجمه معتـــاز
ومـيتنه مـامـش رد يـجـنـاز
شثگله الفراگ مفارگه حسين
بثگل اليحن گلبه عله العزاز

مـن اتـانـيـك عالبلكت تــرد لـيـه مـن اتـانـيـك
من احاجيك مبارك خويه سمعني من احاجيك

ياطيف بس ماشافته العين
من علئ النوگ انودع حسين
***********************
علي الشامي ............

https://www.tg-me.com/sejaaddaa23

يا علي

عمي عوف الماي ...عمي عوف الماي 
.................................................
مانريدة الماي عوفه نريد هيبت وگفتك
عمي يانهر الفرات يروح فدوه الهامتك 
ياريت تعود .......... يل كلك زود 
عضيدك مكسور........ جن كسرة عود
ترضاها اخوك بطيحتك بي تشمت الناس 
ماحاجه اوصفك ياشهم غير انت عباس 
نشوفك ...كل همنه هذا العطش ننساه  
جفوفك ...جم ذكره عدنه الواحد وياه 

عمي عوف الماي ...عمي عوف الماي 
.................................................
 عفت ابوي وخل اخبرك الكسر بعيونه بان
هسة مايكدر يرفعك وهو يلوي الدنية چان
عاين لهناك ...........شاهد يمناك 
يسراك بعيد .........والجربة وياك
هو يدري الفرگه كلفة و چان مجبور
جبر كسور العقيدة وضهرة مكسور 
ننخاك ... علموت مادورت الاعذار 
نلكاك ... جاوين لو يلفونه الاشرار 

عمي عوف الماي ...عمي عوف الماي

................................................
من فتت صوب الشريعه طلعت عيالك وراك
طلعت من الخيمه عمتي تصيح يبهذل جفاك 
صاحت عباس ........لطمت عل راس
نادت الحسين ........ هل جاني حساس
انه حسيت اب اخوي الموت منواه 
كملت جلمته توهة وطاح يمناه 
عباس ...خليتنه  بل حيرة يا زين 
ينداس... عگبك بخيل عضاك الحسين

عمي عوف الماي ...عمي عوف الماي 

................................................
عمي صرنه بغربة كلنه وضاعت الضحكة هذيج
وشفنه هسة الويل منهة الدنية وشسوينه بيج؟
ضلمه بلانور ........ دنيانه تدور
والماي شحيح........ والخضرة تبور
شفنه من دنيانة كلشي وكلشي ماضال
والبعد يعصرني كلش تدري لو طال
مرات...اتذكرك وتهيج الدموع
عبرات...وي الونين تكسر الضلوع

عمي عوف الماي ...عمي عوف الماي 

.............................................

من طحت والراية بيدك اثبتت موقف لخوك 
الخوه حك منطيهة انته ونفذت مطلب ابوك 
مابيك قصور ........ يلتحني ضهور
يمدرس الناس......... صاير دستور 
انت حك الخوه كله وكلك جروح 
من طلع دم من جبينك طلعت روح 
وفاي... انت وعليك نضربت مثال 
للماي ... يمعطش العباس ينگال 

عمي عوف الماي...عمي عوف الماي 


الشاعر سجاد الدراجي

الله يوفقك 💔

يل رحت وبروحتك ما حسبت
عيوني تعمه من البجي كونك غبت

علي الاكبر ..علي الاكبر 
.................................
من رحت والهم حضر ..... كلبي جاساه الخطر 
          كلبي حس بروحتك يمكن طويلة 
فراگ وجهك مو سهل ..... باجر انگاد بحبل
          غيابك يحدب ضهر مابية حيلة 
ردت ابوسن هامتك  ....    والمنية وازتك 
          بعد ياهو من انهضم انه اشتكيلة 
مني شيريد الدهر   .....  علماني اعله السهر 
        علماني اعله البجي ومابيدي حيله
يالذت العمر من يخلص وياك 
امك وانتضر يوليدي ملگاك 

علي الاكبر..علي الاكبر

..................................
يمة منك ماردت ..... وغيض لتصدك شلت
       ردت اشوفن عينك تسدهة وتغمض
اه ياضيم الجرح ..... كون المغرب مرح
      يمه مو تدري العسر والهم يمرض
عيني كدامك تصب ... ليش نايم عل ترب
     الخيل نيتهة سحك وبصدرك ترض
ماعرف شنهي الحصل ... شفتك مگطع وصل
      الذابحك ما يستمع نوحي ويريض
  انه ماكابلة عيونك اونادي 
باجر بلسبي الذباح حادي 

علي الاكبر ..علي الاكبر
....................................

يمة اصيح ماترد.....وليدي يلجنك ورد 
   وانه عمري لخاطرك تعرف نذرته
كوم يابعد العمر .... الناس تشمت من تمر
  كوم مو كلبي بحزن وبهم حركته
انته شمعت ناضري...ماضي عقلي وحاضري
  انت تعب ربايتي وليلي السهرته 
ياجرح گلبي الكلف ... واحد تعادل الف 
  غيابك يطول علي لاماعرفته
يل گلبك حجر من گابل عداك
لتصدك خبر لو كالو انساك 

علي الاكبر .. علي الاكبر 

.......................................

يعني اضل بلاولي..... عكبك الهم منزلي
الضيم طكني وهلحرت حيرة بزماني 
يابعد جرت النفس.....تدري كلبي بشنهي حس
    جن سهم فرگاك كابلني ورماني 
ليش يادنية شجره....الركض يرهم للمره؟
    هاي دنية الفاكد تخلي تخلي يعاني
بالي من رحت نخبص... والعمر بعدك نقص
    حيل ما ضل من غبت  يمة و اتاني
سالم كونك تدرد لية وتكوم
من جلد العلي لبستك هدوم 

علي الاكبر ..علي الكبر

......................................

 يلرحت راحت وراك..... روحي ماتحمل جفاك
       والدهر بفراكك اعله الهم يذبني
عايشة بنوح وبجي......  وياك بعيوني الحچي
    روحي انت ودنيتي وبيتي اليلمني 
فاركيتك وانتهت.....الضحكه راحت ونمحت 
   غيرك بهذا العمر يمه شيهمني
ها يوكتي وشبعد ...... واهس الدنيا ابتعد
   الجان گبل النوم يشبگني ويحبني 
كون تشوف هجرك والجرح ذاك
جا طگيت  يمناك اعله يسراك

علي الاكبر .. علي الاكبر 

......................................

(سجاد الدراجي)
https://www.tg-me.com/sejaaddaa23