هانت مباقي شي ان شاءالله وتبدون تحصدون ثمار تعبكم وسهركم ودراستكم ربي يفرحكم ويوفقكم ويعوضكم خير عن كل يوم درستوا بي وماقصرتوا وكل يوم اتخليتوا عن طلعة وتجمع وانعزلتوا بس انتوا والكتاب علمود مُستقبلكم
مباقي شي ان شاءالله وترجعون لحياتكم الطبيعية تنامون شكد متردون وتطلعون وين متردون وتسون كل شي بخاطركم
مشاعر الخوف والقلق كلش طبيعيه
بس مو طبيعي من تبقى مسيطرة عليكم وتأثر على دراستكم
حاولوا تكونون ريلاكس وتهدئون نفسكم تستمعون لسورة تحبوها لدعاء
ولتنسون تدعون هواي وتكون ثقتكم بالله عالية وظنكم انُ رب العالنين مراح يضيع تعبكم وراح يختارلكم كل الخير
‏﴿لايُكَلِف الله نَفساً ٳلا وَسعها﴾
اهم شي تقدمون الي عليكم والباقي تركوا لله
ابقوا مستمرين لأخر لحظة بامتحان الفيزياء وقاموا شكد متكدرون حتى بعدين تنامون وضميركم مرتاح قدمتوا كل شي تكدروله وسعيتوا ومقصرتوا
وبعد اكو محاولات وفرص هوايه تكدرون تعوضون بيها اهم شي لتتوقفون وتستسلمون
واحنا مراح ننساكم بدعائنا ربي يوفقكم ويسهل أمركم وميضيع تعبكم

١ لا تفكر بغير مادة فكر فقط بالاسلامية و نطيها حقه
٢ ترتب جدولك ولازم تنام و ترتب وقتك
٣ اهتم بصحتك و الأكل مالتك
٤ لا تتأثر بكلام السلبي و الوضع تمر بي لا تخلي يأثر عليك
٥ عوف البرامج و انطي وقتك وتفكيرك و طاقتك للاسلامية
٦ راجع زين و شيء ما دارسه اقرا بالمراجعة عادي
٧ لا تنسى راجع الوزاريات
٨ اندل مركزك الامتحاني و جهز القرطاسية و ملابسك

#الختام ( نسيت ، تعبت ، خايف ...الخ )
شعور طبيعي و الكل يواجهه
بس سوي عليك ولا تخلي هذا الهوس يسيطر عليك ،

وبالك ع روحك زين واحبك ويارب يفرحك🤍
@Santersads28_bot

‏﷽

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ
يَا أَيُّهَا الَّذِينَ آمَنُوا صَلُّوا عَلَيْهِ
وَسَلِّمُوا تَسْلِيمًا ۝
ﷺ


جمعه مباركه 💜

الأبطال الي اول امتحان الهم باجر❤️
@Sunshinegril_bot
#ضحى

#الاسلامية
#كيفية_الأجابة

- أمور لا تنساها بالأمتحان |

• أول شي دادا حبيبي الأسئلة حتكون سهلة وواضحة والله بس لا تخاف والله إذا دارس ٨٥٪ من المنهج هم حتجاوب بس لا تخاف.

• جاوب حسب تسلسل الاسئلة من السؤال الأول ثم تدريجي مثل ما علمتك ، تحط الدفتر الامتحاني فوك الاسئلة وبدون متقراهم كلهم وهكذا .. ( تكدر تبدي بسؤال آيات الحفظ مو مشكلة ثم ترجع بالتسلسل).

• اكتب الآيات القرآنية بالرسم القرآني افضل + خلي الحركات الأساسية للآية مطلوبة كذلك لا تنسى دوائر الفواصل بين الآيات هم تتحاسب عليها.

• لا تستعجل بالحلول أبد فكر وجاوب بدقة وكل ما تخلص سؤال راجع الأجوبة + انتبه للترك هم كلش زين.

• إذا صادفك فرع او نقطة تحس ناسيها لا تلزك بيها وتضيع تركيزك ووقتك ، خلص الأمور اللي تعرفهم كلهم ثم بالنهاية أرجع للأشياء إللي عفتها ، وجاوب ولا تعوف شي فارغ حتلو متعرف هم غرد بكيفك.

• قبل لا تسلم دفترك راجع اجوبتك هم وتأكد من الترك هم خاف مو تاركك او تارك وهو اصلا ماكو ترك دير بالك لا تستعجل ابد هذا مصيرك.

#اساسيات |

* ترتب الاجابات كل شي بمكانه حسب ترتيب الدفتر الامتحاني.
* من تطلع من الامتحان لا تشوف الأجوبة النموذجية ابدًا.
* تتريك وتروح للامتحان ، جديات إذا متتريك ازعل وما ابريك الذمة.
* دعائي لك ( اللهم ارزقه الإلهام من عندك في كل جواب وهون عليه كل سؤال وارزقه الثبات من عندك)

✍ : سالم ال منصور

#شبكة_نيوتن_التعليمية
https://www.tg-me.com/Newton1998

نصائح عامة للامتحانات
الأستاذ قصي هاشم للطلاب

يا ولدي

ضع قلبك
قلمك
بيد صاحب الزمان وقل له
كلي بخدمتك
أنا خادمك
جنديك
صنيعتك
مهما كان ابقى وليدك وخويدمك
:
#بهاء_الموسوي

الله يوفقكم ويفرحكم ويسهل أمركم وميضيع تعبكم بحق هذا اليوم المُبارك مراح ننساكم بالدعاء وكونوا على ثقة سويتوا الي عليكم ومقصرتوا
وهسه لازم تثقون بقدراتكم وتتوكلون على رب العالمين

ولتستعجلون ان شاءالله باچر الاسئلة سهله بس مومن الفرحة تنسون مطلب لو فرع
تأكدوا وجاوبوا على كيفكم سؤال سؤال فرع فرع نقطة نقطة

ولتسسهرون ابد ناموا وكعدوا من وقت راجعوا
الله يسهل أمركم

بعض الادعية للفائدة

بما ان اليوم يوم زواج النورين ويوم مُبارك فمن تنسون معلومة لاسامح الله رددوا نادي عليًا مظهر العجائب تجده عوناً لك في النوائب

وبالطريق لحد متستلمون الاسئلة رددوا اللهم اني اتوجه اليك بنبيك نبي الرحمه واهل بيته الذين اخترتهم على علمًا على العالمين اللهم لين لي صعوبتها وحزونتها واكفني شرها فأنك الكافي المعافي والغالب القاهر

طلاب السادس الأبطال 🌹

غداً يبدأ موسم حصاد لسنة كاملة من الزراعة، تحصدون فيه ثمرة تعبكم، شفتوا فلاح وهو يحصد الثمار يكون متوتر أو خائف؟ بالعكس يكون فرحان وهادئ.
أتمنى أكون وفقت في التشبيه.

أنتم أيضاً خليكم هادئين أثناء الامتحان، لأن عندكم ثقة بربكم ما يضيع ذرة من تعبكم، بالتوفيق.

أخوكم حيدر @haiderali99bot

امين يارب الله ينطيكم القوة ❤️

رح تكبر وتشوف الـ ٩ مال الإملاء صف ثاني ابتدائي مچانت مستاهلة هلگد بچي..
والإعفاء الّي ما حصّلت عليه صفّ اوّل متوسّط ما صار عائق لتطوّرك..
والـ ٧٨ الّي اخذتها بالكيمياء صف رابع إعدادي مچانت مستاهلة تضوج ومتطلع وي اصدقائك تتونّس بالساحة ودقايق الفرصة والاستراحة..
ولا حتّى السادس إعدادي چان يستاهل منّك هلگد قهر وبچي وخوف وقلق..

لمّا يصير عمرك ٧٠ سنة،
رح تتذكّر السفرات المدرسيّة،
الضحك بساحة المدرسة الابتدائيّة،
الجهود والتوكّل بليلة الإمتحان،
اللفّة من باب القاعة الامتحانية ورا امتحان الرياضيّات،
الطلعة الجماعيّة آخر يوم امتحانات وزاري،
الصورة الجماعية بآخر يوم دوام بالمدرسة..


الحياة رِحلة اكبر من تصوّراتك،
لتنسى هالحقيقة وانتَ تخوض المعركة الّي مخوّفتك هسّة.