‏يا أغلى مقادير عمري واصدق اماله
‏الله يديم الرضى .. ونعيش في ظله

‏ادور اللي يسرّك واتعنى له
‏واقدّم العمر واقول يا قلّه

‏لي عمر محدٍ وقف قبلك على جاله
‏ولك قدر محدٍ قدر فالناس يوصل له

يارب نعيش السنة الجديدة بشعور هالبّيت :
‏قل للأيام تضحَك .. والليالي تبارك
‏التعب راح .. لا تبكي عيونك رحيله

يا نعمة أيامي ويا حكمة الغيب
‏يا ألطف مقاديري وأحبّ الحبايب

‏غيرك خذا معزة القلب بالطيب
‏إلا انت خذت القلب مني غصايب

‏من دون ليه أرهى حشاي التراحيب
‏ضيّفك قلبي و المحبه وهايب

‏يحبّك اللي حب فيك العذاريب
‏من دون ما يعرف لحُبك سبايب

على الهون يا زهرة شبابي و تو الناس
‏علام العمر يمضي و الافراح منسرقة

‏أيام تحت عنوان :
‏" صار السهر ياسعود للعين عاده
‏ و عزّي لمن صار السهر عادةٍ له "

والحاصل يأ أنسان نهارك كله غافل
‏عن الناس "ولا جاء ليلك جاك ويلك"

‏عفى الله عن ضياع العام وايام التعب والياس
‏وعن دربٍ مشيته.. ما حشم به جرّة أقدامي

ما أعطيت قلبي جناح شلون رفرف بك
‏وأضحكت روحي معك ياكل ضحكاتي

تجي ضحكتك في بالي المرهق المرتاب
‏مثل لفحة النسناس في وجه متوضي

أنا حافظك لهموم الزمان وخابرك مذخور
وأنا لولاك ، ما عديّت لا عمري ولا أيامي

‏"ترا الليال إللي تعذبك تهذبك .. تصبّر"

‏لك البـال يضحَك كل ما مرته ذكـراك
‏وأنا لا ذكرتك قلت .. ليت العمـر ثاني

‏شعوري على لهفة شعورك شعور إرباك
‏هو اللي يضحكني على كل شي قد بكاني

‏ماني خايف إن الوقت ياخذك لـ هنـاك
‏أنا خايف إن الوقت فيك .. يتحـداااني

‏أحبك وأعرف إني أحبك بدون إدراك
‏أنا قلبك الاول .. وأنا قلبك الثاني

‏الغلا اللي كنت أخاف إنّه يعدّي عدّى
‏أسرع من الليله اللي مستحيل أنساها

‏كل ما حبّيت لي هامش يصير مبدّى
‏فالعيون اللي تراب الأرض ما يملاها

‏ذخرتك للشقى صدرٍ .. يكفيني عن الباقين
‏وذخرتك للمدى هقوه تشتت كل ضيقاتي

‏أنا ياضحكة سنين الزمان وكل علمٍ زين
‏تركت الناس متعمد وعليك أسوق هقواتي

اتعنى لك ولا أحس بعناي
‏ألف ميل تصير لأجلك نص خطوة
‏
‏لا بغيت أجيك تسبقني خطاي
‏وإن بغيت اروح شفت الشبر عنوه

‏عن البال ما راحت طواريك لأجل تعود
‏مثل ، كل ليلة طيش مرت على .. تايب

‏طبيعي بأن الناس .. تستشعر الموجود !
‏وأنا استشعرك موجود وأستشعرك غايب

‏أنا بـ آخر لقاء جيتك
‏معي شعرٍ بدون حروف

‏شعوري دمعةٍ طاحت
‏ولا طاح الغلا .. معها !

‏أبتسم رغم انكسارك ، لكلّ العابرين
‏لو ورى هالابتسامه وجع في مقتله

‏لا تقول المشكلة كل .. ما مرّ الحنين
‏لو تناظر همّ غيرك تهون المشكله !

‏راح يمضي هالحزن مثل ماتمضي السنين
‏والفرح له وقت ويمرّ .. وينهي المسأله

‏شفني أتظاهر بضحكه وأنا قلبي حزين
‏مقتنع بـ ان انكساري " مجرّد مرحله "

‏على الوعد ماجيت و العمر محدود
‏و نفسيّتي ، في غيبتك ، لك عليها

‏ماباقي إلا ضحكه تغيب و تعود
‏حتى ماهي بـ الضحكه اللي تبيها

‏دخيل العيد وأفراح القلوب وشوفه الغالين
‏على كثر إزدحام البال خليني على بالك