- كل ما يقربن امتحانات النهائيه كل ما يزيد قوة إيمان اصحابي ويبدو يصلو .
- اغلبية الناس اللي طلعو من حياتنا يردو بعد فترة ويحاولو يقربو مره اخري ، اللي يتصل، واللي يسأل حد عليك، واللي يدز على النت ، ومتعشمين ياخذو نفس المكانه اللي كانو فيها ! بغض النظر ان موضوع ردتهم ملغي بس نحبو انشوفوهم وهما رايحين ، وقتها اتأكد انهم عرفو ناس واجد بس ماعرفوش كيفك .
- فطنله لما أدير روحك مش فاطن و أنتَ فاطن لكن ما تبيهمش يفطنو أنك فاطنلهم لذالك تقعد تمثل في دور اللا فاطن .
- حَ تُوصل بيك مَرحلة فِ حيـاتك تقعـد واثِـق ومتأكد أنَّـه كـل شخَص فِ حَيـاتك قَابِل أنه يتخَلى عليك بأبسَط الأسبَاب و وقت تَعرف الشَيء هذا حَ يكُون صَعب الإحسَاس هذا عَليك بس الوقت هُوا اللّي يخليّك تَعرف وتفهَم أنه كِل شي قَابِل للتَعويض مفِيش شي مشَىٰ بِلاش مَدام ربّي موجُود معَاك وأنت تَطلب فيه و تَلجئ لِ ربّي هُوا أكيد حَ يَستجَابلك فَ هذي أفضَّل نعمة وجبّر لِ قلبَك يَستَاهل أنَّك تَتمسَك فِيه 🖤.
- وقت إخترنا السكوت مش خوف منكم ، ولا مانقدروش نواجهوكم ، حني إخترنا السكوت لأن العتاب ع الغالي أما الرخيص مش موضوعنا .
- مفيش ضغط نفسى أكبر من إن الواحد يجبر نفسه يبان كويس قدام الناس مع إنه أبعد مايكون عن إنه يكون كويس .
- مُش كل حد يشوف في محاولاتك للحفاظ عليه تمسك ، في ناس يشوفوا فيها ميت عليهم ومش قادر بلاهم ، ويقعدوا يشوفوا في ارواحهم اللي مافيش منهم ، قبل ماتبذل مجهود عشان تحافظ على حد شوف الحد هذا يستاهل ولا لا ، ماتبذلش مجهود على اللي يسوى واللي مايسوي عشان ماتديرش قيمه لعديم القيمه وتخليه يصدق روحه .
- اهتمامك بِ تفاصيل مع ذاكره قويه مع ربط الأحداث حيجيبوا نهايتك بِ آذن الله .
- تكمل قرايتك وتطلع لِلشارع تلقه روحك ماتعلمتش شي عشان نص الكلام لِي عطوه لكي في المدرسة عن الاخلاق و الاحترام وتقديرك لغيرك ينطبق على ناس دون ناس ، في فئه مش مش حايعلموك المدرسة كيف تعامل معاهم ، عشان حياتك مبنيه ع لقاقه وقلة قدر ، لذالك لازم تعلم حاجتين الأولى مش ح يكونو في صفك حتى لو قدرتهم ، والثانية متقدرهمش .