Telegram Group Search
ابوذيات_مهدوية

قسم بالروح غيرك… ماهوينه
يمهدي وينه وجهك.. ماهوينه
نكول الهوه ابعدك.. ماهوينه
يمهدي بطلعتك تزهي البريه

تراه الحال من بعدك .. ترده
وباب الجور ننتضرك… ترده
يمته الثاريامهدي .. ترده
نصير سيوف بيد ابن الزجيه

طالت غيبتك احسب… وعدلك
انه لجندي واحاربهم ... وعدلك
تعيشني تحت ظلك.. وعدلك
شوكت تضهر يغايب للبريه

باقر جبار الشويلي
استشهاد الامام علي ع

لسان حال جبرائيل ع



موعد علي حان ما بيده قرآن
صارت يتيمه السجده دم راسه يجري بخده
ما بيده قرآن
****
جبريل انه وروحي تره الليله غريبه
قرآنه مو بيده الوصي والله عجيبه
من انگطع صوته الفجر عشت المصيبه
ثاري اليعيش ابلا علي ياكل نصيبه

وجه الصبح لاح ما رف الي جناح
جنحي منو اليضمده دم راسه يجري بخده
ما بيده قرآن
****
حيدر علي بفرض الصبح ميت عرفته
ذاك الدعاء البي شجن لا ما سمعته
كلشي انفطر بين السمه بعيني نظرته
من دوّرت شفته علي مو يم تربته

يا جرحي لتهيد عن تربته ابعيد
هذا الخلل شيسده دم راسه يجري بخده
ما بيده قرآن
****
لهل السمه حامي الحمه طش من نزيفه
لاچنها مو يم العرش روحه الشريفه
بروحه بعد ريحة خبز نعم الخليفه
كل اليتامه اتعنته وترست مضيفه

يمه المساكين يصعد علي وين
عمره وصل يم حده دم راسه يجري بخده
ما بيده قرآن
****
صوب الارض گوه انزلت واجناحي مفطور
الچنت ابيمينه من يهد ياوسفه مطبور
حسبالي بس گلبي انكسر وانياحي معذور
بس من شفت زينب تون لا ماني مكسور

ياوالدي اتصيح توصلله واتطيح
تحاول تريد اتگعده دم راسه يجري بخده
ما بيده قرآن
****
وصلت لبوها ام الخدر ما بيها انفاس
حاول يصبرها الحسن قبلها عالراس
منها اقترب شاب وبچه يتفايظ احساس
باوعلي الحسين وهتف كافلها عباس

ايعاينها ملهوف ومد الها لچفوف
يمهم نطاها وعده دم راسه يجري بخده
ما بيده قرآن
****
غمضله عينه ابنه الحسن وتممله غسله
اموصي علي من الخلف نعشه يحمله
جاهز گبر برض النجف هناكه نوصله
شلته وكئن شايل عرش بعلومه ثگله

گوه علي انشال ساعدنه ميكال
الوسد زلم نوسده دمه راسه يجري بخده
ما بيده قرآن
****

الشاعر اياد الديراوي
قصيدة استشهاد أمير المؤمنين ع 

صوج الليل           مدري اجروحي  
لجمة موت               لسه بروحي  
ما ادري اشلون ارتاح  … ما اسمع بس اصياح
لجمة موت        لسه بروحي 
*** 
يبو الحسنين .. الك كل عين .. تسيل ادموع هالليله 
وأنه زينب .. بكلب يلهب .. أكله بويه وأحجيله 
الزمن قاسي .. أخذ ناسي .. اخذهم مني بالحيله 
من اخذ امي .. احترك دمي .. وابوي الليله أبجيله 

اشمال الناس             بس تاذينه 
بلايا احساس              تذبح بينه  
من يوم الجدي راح  … ما اسمع بس اصياح 
لجمة موت         لسه بروحي 
*** 
مهمومه .. ومهضومه .. روحي وخاطري مكسر 
عافوني .. وعيوني ..  يبسن والدمع خضر 
من جرحه .. اشلون اصحه  .. بعيني حيدر امطبر 
من صوابه .. بمحرابه .. طيفي ايسولف المنضر 

اتسيل ادموع            واتلافاها 
بس عباس                يتلكاها 
اشلون انسه ابيوم الطاح … ما اسمع بس الصاح 
لجمة موت         لسه بروحي 
*** 
 مشو كلهم .. ودمعنه الهم .. نزل والعين مارمشت 
على احبابي .. أنه امصابي .. كثر واعيوني مانشفت 
بكبر حبهم .. أحن الهم .. المصايب بالعجل كبرت 
صحت ياليل .. وانه بلا حيل .. يريت أيامي ما كبلت 

هذا الشيب              ليش براسي 
موت احلام            ويه احساسي  
خلصت أيامي إجراح … ما اسمع بس اصياح 
لجمة موت          لسه بروحي 
**** 
صحت ياموت .. واحن بسكوت .. اخذ كل البكه بعمري 
عناده وياي .. عجيب اهواي .. اسولف والدمع يجري 
تون الروح .. بسهر وجروح .. عفاني واشكبر صبري 
لجمة باب .. والمحراب .. خناجر صوبن ضهري 

زينب وين           عزج  وين 
كله يروح             ويه حسين 
من ترسوا ضهره ارماح … ما اسمع بس اصياح 
لجمة موت           لسه بروحي 
** 
أنه بزغري .. انكسر ضهري .. فكدت أمي ونضر عيني 
اصد للباب .. ابزعل واعتاب .. اتفرهد عمري واسنيني 
أنه بمكفاي .. جرح دنياي .. اشيطيب جرحي ياذيني 
جبتها اهموم .. بحزن كل يوم .. الدمع سلوى ويسليني 

هاي الروح               ملجومه 
 من الصار              مهضومه  
كضيت ايامي انياح … ما اسمع بس اصياح 
لجمة موت           لسه بروحي 
*** 
لشاعر اهل البيت ع 
زيد الشمري 
استشهاد الامام علي ع


غمض اعيونك يحيدر لا تهمك كربله
بشارب العباس صارت بويه هاي العايله
****
انته لختاريته كافل والنعم من الگمر
بالمهد بايس چفوفه بيه ينشد الظهر
لا تفكر بينه نعطش هوه ابو فاضل نهر
دللتني وراح اضلن ويه اخوي امدلله
****
امودع ابالله يحيدر ما يطر گلبي الالم
سلمت عباس سيفك وانته لنطيته العلم
لابس الريشات اخويه منهو يحرگلي الخيم
الكافلي كلشي نطيته شيمتك والمرجله
****
بويه لا ينخطف لونك ما اضل امحيره
الحالي لا تنزل دمعتك ما اروح اميسره
حل وداعك بس عفتلي يمي سبع الگنطره
چا بعد دمعك يغالي گلي ليش اتنزله
****
للمتون اتصد عيونك بيويه لا ما انضرب
الينوي يرفع سوطه يمي يبدي ناقوس الحرب
مثل ما طبيت خيبر هيچي عباسي يطب
والله طف الغاضريه اهناك راح ايزلزله
****
اله بستئذانك انته ايمر علي چان الهوه
ابعمره ما شايف خيالي يبو الحسنين الضوه
يدنه منهو الراد مني وعندي شيال اللوه
انهضم لتضن يحيدر شيل هاي المسئله
****
يحمي خدري ابو فاضل يالحميت انته النبي
لا تگول العيله باچر بويه بالطف تنسبي
ترفرف الرايه علينه يعني محميه العبي
گمر هاشم كله غيره وهاي مشهوده اله
****
اتصد عله حسين اوريده وغرگت عيونك دمع
لا شمر يوصله يگدر ولا يطحنوله ضلع
اله كافل خدري بالطف چفه منه ينگطع
ينغدر لازم كفيلي وينزل اعلينه البله
****

الشاعر اياد الديراوي
(يامهدي)


بـيـن البقيع وكـربلـه  **  نـدري بدموعك هـامـلـه

             طـول الــزمــن نـدعـيلـك
             يـبـن الحسن شـد حـيلـك

*----------------------*--------------------*
صعبه الصبر  وانـت بجمـر   نـار المصايب
وحدك عشت  زين احملت   بُـعـد الحبايب
اشكـم جـرح  وشكم رمح  شفت العجايب
تـحـمـل ألـم   مثل السهم   هـدم الاطايب

المثلك تحيّـر حـالتـه  **   ليل ونـهـار بـدمعته
              مـاتـهـدئ حـتـى ابـليلـك

*-------------------------*-------------------*

تـنـزف دمـع  چنك شمع  خلصت حياتك
اشعندك بعد   ماضل أحد  بـس ذكرياتك
يـمـتـه تـهـل  حكم العدل  نـدري أمنياتك
هيبت علـي   أوارث علي  كـلـهـن صفاتك

المتحمل اجـروح العـده  **  يـوميـه حزنه ايجدده
            اليـمتـه الـبـچـي وعـويـلـك

*-----------------------*----------------------*

ظهره انحنه  وبـكل سـنـه   نعـرف تكابر
بـهـل مـحـن   طول الزمن   بالغربه صابر
كسـر الگلـب  كلش صعب   ماصحله جابر
صبـرك عبـر  حجم الدهـر    والحده عابر

مايحصل الجرحك دوه  **  الحد ما ترفرف بـالـوه
                خـل الصبـر يـحـچـيلـك

*-------------------------*-----------------------*

شفت الحطب  شفت الگُبب  ظالم هدمهن
دمـعـك دمـه   وتبچي السمه   اعيونك ألهن
هـمـك جبـل   جـفـنـك ذبـل    يكتل حزنهن
تـذكـر هـلـك   وجـروح ألـك   يكثر عددهن

يالوضعك ايبچي السمه  ** دنيّـه بعيونك مظلمه
               نـار بــوســط دلـيـلـك

*----------------------*--------------------------*

أگبـور المجـد   ساوه الحقد   ونته تنظره
الـمـثلـك نـعه   بهـل فاجعه   أنعظّم أجره
مـن الظـلـم     تحمل هظم    يوميه كسره
ابـلا حچـي    وي الـبـچـي   صارتله عِشره

حيل المصايب جرحته **  گلبك يمهدي وأذتـه
               نـدعـي ألـلـه ونـصليلـك

*-------------------------*----------------------*

خـادم الـحسيـن ع
الشاعر رعد الجريخي
قصيدة نزال سريعة
ذكرى استشهاد الإمام جعفر الصادق( ع)

جعفريه جعفريه
صرخة الشيعه ابمصابك جعفريه
.................................
باللطم لمصابك انوسم الصدر
تعزيه ودمعات كل مجلس عطر
بالقصيده ريت يخلص هالعمر
اخر الانفاس وي اخر شطر
جوهريه جعفريه
صرخة الشيعه ابمصابك جعفريه
.................................
تضحياتك لجل دينك لاتُعَد
وخلصت ايام عمرك بالشدد
لل اللحد ماشفت راحه من المهد
تالي جبدك سيدي ابسم انمرد
والقضيه جعفريه
صرخة الشيعه ابمصابك جعفريه
.................................
سيف علمك يكَطع اركَاب الجهل
وانت ذاك العالم ابعلمه ارتجل
ظل يجعفر هذا مو وكت الاجل
شيعتك تحتاجك احرف للجُمل
فلسفيه جعفريه
صرخة الشيعه ابمصابك جعفريه
.................................
حوزتك مولاي تبقه اليا وضع
والهدمهه الجور بعدك ينجمع
وجم كَلب مولاي بعدك ينفجع
لو جبل بفراك نورك ينصدع
للمنيه جعفريه
صرخة الشيعه ابمصابك جعفريه
.................................
سيدي لأثار وجدانك عشك
تترك العاشك وجودك يحترك
ابد مو سهله علينه ونفترك
بلكت وتطلع حلم لا مو صدك
يا هويه جعفريه
صرخة الشيعه ابمصابك جعفريه

الشاعر
ياسر العارضي
مُختَصَر كلامي     مَذهَبي إعتِصامي
صادق إلعقيده     وأفـتِخِــــر إمامـي
***
بِـعالــم الاروآح مـتـحَــــــــدد  مَساري
ربي خَيَرني وَصِرت شِيعي إختِياري  
مَـذهـبي قُـدسـي إلمَـذآهــب وِأفتِخاري
رآيِـتـي بِيمينــــي دوم أرفَـــع شِعاري
حيدري وَلائي     صادق إنتمائي
جَوهري حُسيني     بِدَمي وِبهِيامي
***
بِفـاضِل إلتُـربــه إلـــي يـــاناس مَصدر
أختلــف دون الخلايـق عِشِقــــــي أكثر
آمَـنِت ربـــي إلآهـــــــي خالِقي ألأكبر
من نُفَخ بالجَسَد روحــي صِحِت حَيدر
بالقَلُب طُبَعته     غَيرَه ما تِبَعته
رافِضي كُنيتي     عاشَت ألأسامي
***
غـيـر بـابك يــالآِهـــي  مـــاني طارق
وأفتَحِت عيني وَصِرت بالعِشِق حاذق
لـيـش دَكــــات إلقلُـــــب تِسرِع تِسابِق
وآكـف إبــاب القلـــب جَعفـر الصادق
بالقلُب عِشَكته     بالدمه كِتَبته
وإصهَرِت حَياتي     وروحي بالتَسامي
****
آنـي مـــا أصغــي إلى فتوى إلمَذآهِب
إنتــه ظَــل إبدينَـــك إتحَـــــلل تِوآهب
مَذهبي عوفه وَأخَص عوف إلموآكب
خـاف بـاجـر مِـنـــــي لتنولَك عوآقِب
توكف بِطريقي     إنته موعَتيقي
إتعَظُم إلشَعائِر     فائق إحترامي
***
جَم رَمِز عِندَك إو آنـه أحتِرُمهُم
أرفَـع إيــدي بالتَحِيـه من أمُرهُم
وِإنته لآل إلبيت كايل آنـه أوِدهُم
ليــش تِقبَل ناصبي إيهدم كبرهُم
مِختِلف يَقينَك     بالفِعِل أدينَك
هَدَمِت كياني     بالعُلى مَقامي
****
إختلافـي إويـاك وآضِــح بالقَضِيه
مَذهَبَك عن مَذهبي أرض إو ثُريه
إنتــه إول مَــنْ نِطَـــق كلمه عَليه
رآفضي هالكلمـه صارت عالميه
كِلمِتَك عَليه     صارت إلهَويه
مُسلِمٌ وَشِيعي     وحَيدَرٌ مُحامي
***
جَعفر إلصـادق فَخَـر كُل إنتِمائِي
كاظمـــي وإلحِــزن بيا كـربلائِي
شِيعي أبقـى وأفتِخِر يِعلــه نِدآئِي
دَمي لو مابي علي أنزف دِمائِي
حيدري إلأِراده     ثالث إلشَهاده
قِبلتي وصلاتي     سَجدَتي وقِيامي
****
خادم الحسين
حاتم ماشاءالله الكاظمي
(للمولى المقدس)


يـخـيـمـة نـاسـك الـفـقـره الـحــنيـنـه
وحــقــك يـا صـدر لـتـظـن نـســيــنـه

          جـرحـك بـيـنـه لـلـيـوم
          عـفـتـنه ابـنـص الهموم

                           *---------------*---------------*

يالجُـمـعـتـك خـيـمـه چـانـت بـيـهـه نلتم
ونـسـمـع بـكـلـمـت حبيبي وينـجلـي الهم
وداعـت اعـيــونــك يـسـيـد چـنــه نحلم
ايـصـلـي بالكـوفـه ويجـيـنـه مرجع اعلم

     رادونــه اشـكـثـر نـهـجـك نعوفه
     وانته المرتضى بشخصك نشوفه

            يـسـيـد سـود الـهـدوم

                           *---------------*---------------*

طـالـت الـغَـيـبـه وبـعـدنـه ابـدمـعـه ننشد
ماحـسـبـنـه احـسـاب عـنـه ابسـرعـه تبعد
يالـچـنـت شـجـرت مـحَنـه وطـولـك السِد
نـدخـل الـكـوفـه اونـگـول اهـنـانـه يسجد

         نسولف بـيـك يمحمد بـعـدنـه
         نضل للموت وفّـايـه بـوعدنـه

             علـينـه امحـزّمـه الـگـوم

                           *---------------*---------------*

والله ماشفنه وعشـگـنـه هيچي مرجع
مـرت اسـنيـن وبـعـدهـه الـعـيـن تدمع
مالـگـينـه أللـي يـشـبـهـك حـتـى نقنع
ياحـلـمـنـه اشـگـد دعـيـنـه مـره ترجع

     بعدنه أبعازتّه وشخصك نريده
     يشيبت نـور والذات الـفـريـده

         اليحـبّـك حـيلـه مـهـدوم

                           *---------------*---------------*

چـانـت الجُـمـعـه تـلـمـنـه وبـيـهـه نفخر
وشـخـصـك انشوفـه يسيد چـنـه حيدر
لازم الـرايــه ويـمـيـنـك قـمـعـت الـشـر
مـادريـنـه ابـسـاع هـايـه الـدنيـه تـفـتـر

     دمـعنـه ايشابـه الـدمـع اليتامه
     يـسيـل وبالجـفـن تـارك علامه

         ابـغـيابـك كلشي مـعـدوم

                           *---------------*---------------*

يانـشـيـد الـبـاقـي خـالـد بأسـمـه نهتف
وياحـقـيـقـه اعـلـه المنابـر بـيـرغ ايرف
مانـسـينـه وضل غـيـابـك جرحـه ينزف
اشلون اليفارگ حـبيـبـه دمّـعـتـه اجـف

     يضـل الـحَـبك معاشـر عَـبـرتـه
     طريـق النوح بـفـراگك رسمتـه

         نـعـذره اليـبچـي بـدمـوم

                           *---------------*---------------*

خادم حسين العصر
الشاعر رعد الجريخي
ابوذيه الى السيد الشهيد

لـوَن يــعــرف إلآيــم  .. مايلمنه
ومثل جرحـك يسيـد  .. مايلمنه
بـعـد هيهـات غـيـرك  .. مايلمنه

تـطـشـرنـه ياليـث الـمـرجـعـيـه

*---------------------*--------------------*
خادم المولى المقدس
الشاعر
رعد الجريخي
مقطوعه بحق السيد الشهيد (قدس)


اشـيـردهـن يـا صـدر أيـامـك أردود
اوتـكـحـل عـيـونـه وتـلـم شـمـلـنـه

يخيمتنه الچبيـره وطـولـك أفـيـاي
وأبـونـه الـچـان يجمـعنـه بـمـحـنـه

ضـلـت ذكــريـاتــك تـارســه الـبـال
يـحـادي أگـلـوبنـه وشمعت أمـلـنـه

من ساعت وداعـك وبـتـده الـنـوح
حـداد اعـلـيـك يـا ســيــد عـلــنـه

عـاشـرنـه الدموع وثـوب الاحـزان
بـغـيـابـك والـفـرح مـا لايـگ ألـنـه

عفتنه أبـيـن حـزنـك والـمـتـاهـات
ويـضـل لـلـمـوت يـمـحـمـد حـزنـه

ياليومك شـبيـه الـيـوم الـحسـيـن
وطـلـقـات الـغــدر صـدرك رمـنــه

كــتـالــك كــتـــل ويـــاك الآمــال
يـصـدر الـديـن وفـراگـك كـتـلـنـه

تــمـــر ذكــراك وجــدد لـلـحــزان
يـشـايـل روسنـه وشـايـل وطـنـه

بعدنـه بـعازتـك وستعجل الـمـوت
يالمحطم الـقـيـود الـبـيـهـه چـنـه


*----------------------*----------------------*
خادم المولى المقدس
الشاعر
رعد الجريخي
Forwarded from .
خجلان اجيت لبابك. بخطوات الاحساس
جاي اعتــــــذرلك وانه المقصر يعباس
بعيوني تزغر دنيتي
لو مارضيت بخدمتي
*****
جيتك بخطوة ندم.... ياكل بروحي الأم
غيــــــــر بابك انه ياباب الادگه
چفي مديته بأمل.... دنك راسي بخجل
بگد ركض زينب على التل بيه حرگه
(( تحويله ))
خايف متشملنـي بعد من خيرك بنعمه
واسمي ترفعه وينمسح من دفتر الخدمه
عباس اموت بلا لطم صدكني مو كلمه
عايش على ادموع العزه وناعي لبو اليمه

دنيه الشعائر دنيتي ومن عــدها ماتوب
كل دمعه اجريها بعزاكم تغفر ذنوب
وافتح سبيل بدمعتي
لو ما رضيت بخدمتي
******
روحي جابتني ألك .. مذنب واتوسلك
كون بس لعينك اعمي عيوني الاثنين
بسمك تسبح مهج .. كربتي يمك فرج
وانته كشاف الكرُب عن وجه الحسين
((تحويله ))
لمن اسولف بسمك اعطش واحچي بالگوه
بحروفك اشتم الوفه وبيهن طعم خـــوه
يحجاب زينب ياستر ياراعي المــــــروه
من غيرك الدنيه بكبرها كلشي ماتسوه

عبدك واذا تقبلني هالنعمه چبيــــــره
انته الگرايب والاهل وانته العشيــــــره
عباس اموت بحركتي
لو مارضيت بخدمتــي
********
بيه تقصير شكثر.. ما توفقت بكسر
ضلعي من الطم وشك ثوبي بعزاكم
منك محصل شرف .. اسمي بالخدمة انعرف
وشكبــر حظه التجازونه بجزاكــم
(( تحويله ))
عندي طلب يمك اصحت وبداخلي غايه
اتوسل وماي الوجه بس انت شـــرايه
رايدلي نظره وكون اموت بمجلس قرايه
وتلزمني ريت بچفك البي شايل الرايه

كل دمعة تقبل بيها يتمناها عابــــــــــس
وانه ابچي ودموعي لك تنصبت مجالس
غربة سبايه غربـتي
لو ما رضيت بخدمتي
********
لمن اگبالك صرت .. صفنه اخذتني ورحت
سارح وعمـري شريـط گبالــــي داير
خاف ما صايح هله ... لليجيك لكربله
لو بموكــب اخــدم وأذيت زايـــــــر
(( تحويله ))
رايد رضاك ومو ثواب بخدمتي رايد
اتربه للمشاية بس بلهفت الفاگـــــــد
تلگاني فارش روحي وبنص الدرب گاعد
مثل الحبيب الكل سنة بمحبوبة متواعد

بحسين احلفك رايد لتوفيقي نظرة
وكل مجلس اتقبلونه ترزقني احضرة
ومنبر اسوي اجنازتي
لو ما رضيت بخدمتي
******
سنين ماشي بهالدرب.. ماكسرتولي گلب
لا قبلتوا الدنية ضيم اتصب عليه
وانت عباس الشهم .. يمك الحاجه ونعم
گبل ما اســــولفلك اتحطها بأديه
(( تحويله ))
شمسوي لـ لله وهيج خلالك عشك بينه
هنياله بيك حسين يالصرت الضوه لعينه
بيك شكثر طيبة گلب تخجل من سكينه
والمثلك يلف كربلـــه ويطويها بيمينه

ماظن تخيبني واروح بلا جــوابك
بابك وسيع وما تسد ابوجهي بابك
ولزينب امشي بعبرتي
لو ما رضيت بخدمتي
******
تمت بعون الله
كربلاء المقدسة السابع من صفر
الموافق 25/ ٨ /٢٠٢٣
حيدر الحاج حسين الكربلائي
💐هوسات للأمام الرضا (ع)


افرح يا موالي وعوف كلشي اليـوم
ابميلاد الـرضـا كـل الـحـزن مـعـدوم
ثامن نور هذا الـضـامـن الـمـعـصـوم

         هــنيـالـه الـفـرح بـفـراحـه

*---------------------------*----------------------*

يحادي الـشـوگ بينه الـمشـهـد اتـعـنه
اخذنه انريـد نـشـتـم ريـحـت الـجـنـه
نـطـب صحنـه ونزوره الـيـوم نـتـمـنه

        ونـشـد الـروح ابـشــباچـه

*------------------------*-------------------*

جـن وانـس كـلـهـه اليله مـسـروره
ابـمـيـلاد الـرضـا لـمـن سـطـع نـوره
يـرب اقـبــل دعـاء الـرايــد ايـزوره

       سر الله ومنهـج قـرائنـه

*-------------------------*--------------------*

خادم الأمام الرضا ع
الشاعر رعد الجريخي
🌷#افراح_رضوية🌷

.        الـكـــــون كـــلــــه ردد
         جـنــــة الـلـه مـشــهــد

                    *---------------*---------------*

بـيـهـه مـرقـد نـور ويـشـع للـسـمـه
اقصد لضامن سـمـي حـامي الحمه
الليـلـه كـلـنـه انـهنـي أمـه فـاطـمـه
وبـيـن أديـهـه الحفل هـذا انـقـدمـه

         كـلـمــه بـيـهـه مـقـصـد

                    *---------------*---------------*

مـا يـهـمنــه الـي رضـه والـمـا رضـه
هـايـه فـرحـه عمّت أرجـاء الـفـضـه
الـكون كـلـه الليلـه يـهـتـف يالـرضٰـه
ألـف هـنـيالـه الــذي بـحـبـك حـضـه

         بـاب حــزنــه يـنــســـد

                    *---------------*---------------*

فـرحـت ابـيـات الـشـعــر غـنّـت ألـه
هـذا مولانــه الـرضا بـنـوره اعـتـلـه
على اجـنـاح الشوگ حـبـنـه انوصّله
ونـاخـذ لـمـشـهـد عـطـر من كـربـلـه

         اهـنـاك حـبـنـه يـنـشــد

                    *---------------*---------------*

الليلـه بـگلـوب الـفــرح نـقـصـد تـره
وبـينـه تحدي أشواگنه وتـلـزم سـره
انـگـلـه نظره انـريـد يـبـن الـطـاهـره
لـكـل مـوالـي كـون تـجـبـر خـاطـره

         فـرحــه تــعــبــر الـحـد

                    *---------------*---------------*

خادم الأمام الرضا (ع) 🌷
الشاعر رعد الجريخي
2024/05/28 00:27:02
Back to Top
HTML Embed Code: