#ليلة_القاسم
*نعي في استشهاد القاسم ع*

*ابوذيه*

ابني بيته باحلامي  واهدمه
واشم بثيابه امعرس  واهدمه
اشوف الراس مقطوع واهدمه (اه دمه)
واحني الراس ويه اجفوف اديه

*نعي*
محله الولد لو قال يمه
للدلال والله يشيل  همه
وبرويحتي ريتن اضمه

محله الولد لو قعد وياي
ينشد عليه يسولف ابهاي
يا ضحكته والهمي ادواي

يايوم عرسنه تمنيت
اشعل شموعه  واضوي البيت
جسام من دمه تحنيت

طفيت الشمع بدموع عيناي
واسقيت قلبه الماشرب ماي
بقبر جاليش اطمنك يرجواي

غالي الولد بالروح اشريه
بذيال نعشه جلبت بيه
ومن دم الولد راسي لاحنيه

ياعرس السعد للموت ودوه
وجوا شمعته وعمره طفوه
وبثياب العرس جسام دفنوه


*نعي فائزي*
زفوه جاسم للقبر يهله الهواشم
عريس وبيوم العرس بالترب نايم

ابدال الهلاهل  ياهله  نوح واسيه
ودمعات من عين الشمع صارن اليه
حنوه جاسم بالدما  بدمعه جريه
وزفوه بالحومه الولد  يهل العمايم

زفوه وابلطم الصدر وبدمعه اتسيل
جسام سباح القلب هدملي كل حيل
حنيت من دمه الشعر واجفوفي والخيل
واخلاف عينه مو اشبعت هم وهضايم


صفقات عرسه بس لطم وصياح بصياح
وضحكات عماته صفن دمعات وانياح
كل وحده تندب يا وسف جسام هل راح
راح وتركنا للحزن حلو الجهايم

*نعي بطور الفراق*

عميه عيني    بيدي للحومه ازفك
عميه عيني    من دماك اتحنه جفك
عمه عيني    ريت دفنوني ابصفك

عميه عيني      شمعتك يمه تطفت
عميه عيني      وياك هل دنياك وفت
عميه عيني      للقبر يوليدي زفت

عميه عيني       جفك ابدمك تحنت
عميه عيني        روحي من فرقاك ونت
عميه عيني        ليه هالاحزان ظلت

عميه عيني      عرسك ابدمعه ونياحه
عميه عيني      ليلي مايطلع صباحه
عميه عيني       قلبي شيداوي جراحه


تمت بحمد الله تعالی
بقلم : بنت الشمري
_الكويت _
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

زماني مارحم بلواي بل يار
بعد عباس احشم كمت باليار
موبرضاتي و ي الشمرباليار
اروح لسبي يبن الزجيه


ماحل الوكت بلواي بل حار
بحزني وصوباني صواب بالحار
سبب باجر ورانه ومشي بل حار
اجيب منين في عباس اليه
،، ،،
خادم اهل البيت احمدالحسناوي
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

11 يونيو 2024, 12:17 PM



ابوذيات هلاليه
لسان حال زينب (ع)


يشهر الحزن ليش بساع هليت
انه زينب ودمع العين هليت
فوگ الراس انه اتراب هليت
بعد فگد اخوتي بالغاضريه


يشهر الحزن دگه وياي دگيت
شفت اهلالك وعالراس دگيت
الك ياشهر خوش اوتاد دگيت
اخوتي الودعتهم عالوطيه


يشهر الحزن بس تركض ورايه
اشعندك عالفگد شوفه ورايه
خذت چفين من عندي ورايه
ونطيتك نحر برض الغاضريه



لاتنسون والدي وابني عباس من الرحمه والغفران
خادمكم رياض الرسل الجابري
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

زماني مارحم بلواي بل يار
بعد عباس احشم كمت باليار
موبرضاتي و ي الشمرباليار
اروح لسبي يبن الزجيه


ماحل الوكت بلواي بل حار
بحزني وصوباني صواب بالحار
سبب باجر ورانه ومشي بل حار
اجيب منين في عباس اليه
،
، ،،
خادم اهل البيت احمدالحسناوي
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

#محرم_الاصحاب

نعي للانصار

🏴

حين بقي الإمام الحسين عليه السلام وحبدا لاناصر له وقف بين الاجساد الطاهره ونادى اصحابه الافباء بصوت لو سمعته الجبال تدكدكت ..


وگف بين الأجساد ايده اعله خاصرته
ناده بصوت لصحابه لمناصرته
زلم والخيل صاحبكم محاصرته
اول تالي احشم والربع سكته

ابن عوسجه . ياحر . ياوهب نومه
حبيب ويازهير اسباعها الحومه
بعد محد يشگ من يفزع هدومه
عابس . جون . عليه الگوم ملمومه

الغفاريان وين او  وين شوذبهه
نافع وين وسهامه لمصوبهه
برير البار وال صحبته مجربهه
نايم مانهض للحومه يگلبهه


حيف ويا وسف يسباع مامن صوت
مايلحگ الصايح وفات الفوت
ماينفع عتب يهل الوفه ويالموت
بنيت الكم بگلبي للاحزان بيوت


الدهر وياي متعاند .. وعابس
زهير وجون ياشوذب .. وعابس
ادري انداي كل منكم وعاه بس
عليه شبيدكم وآنه اشبديه

.. .. ..
.. .. ..

أم محمد الحجاج
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

نعي للانصار

من اجوها انصار اخوها
وصت بــدمـعـة ونحـيـب
خـلي نعــرف بالـوصـيـه
زينـب شـوصـت حـبـيـب
ارد اوصـيـــك بـأخـويــه
من يظـل وحـده غـريــب

خـايـفـه وگـلبي لچـمـني
مــن اجـيـت الكـربـلــــه
شلون لو وحدي بقـيت
ويـاي بــس الـعـايــلـــه
خايفـه مـن الشمـر انـي
وخـايـفـه من حـرمـلــه

جـاوب وگـلهــا يــزينـب
احنــه انصاره واجـيـنـه
انـقـــدم الارواح لجــلــه
واجـب وحگـه عـلــيــنه
احـنه من جينه سمعـنـه
صوت من ارض المدينه
الصوت بشرنه بالجـنـه
صوت فاطمة الحـزيـنه

الشاعر السيد رياض الرسل الجابري🖋🗒
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

نعي للانصار
على لحن لفه عاشور

صدى الانصار ضل يعلى ..فداك احنه يبو الاكبر
مانبخل عليك ارواح ... لو كل ساعه نتوذّر
ــــــــــــــــ
خلقنه الباري من اجلك ... وانت مصدر النعمه
يمن لا ارض لوما انت .. .. وسما ماكو يبو اليمه
كل واحد اجه للطف ... يضحّي لجلك ابدمه
ويوم العاشر بعاشور ... راح تشوف هل منظر
ـــــــــــ
بضمايرنه هتفنه احنه ... بس حسين مولانه
ولوما نور ابو اليمه ... ظلمه اتصير دنيانه
ما ننساك ها يحسين ... يل ما يوم تنسانه
وعشك الروح لمحبتك .. كل لحضه صبح يكبر
ـــــــــــ
اجينه نحامي عن ضعنك ... ونرخّص سيدي الغالي
حسين وانت قائدنه ... وانت العل بشر والي
الوجود بدون ضي عينك ... يضل من النهج خالي
عطشانين لمحبتك ... وانت امبّتك كوثر
ــــــــــــــ
انت الكَلن جن الليل ... واخذوا جمل هذا الليل
ومنكم آنه اتشكّر ... وماقصرتوا زلم وخيل
شلون انعوفك الوحدك ...وانت اليخدمك جبريل
لو متنه الف مرّه ... لتضن لحضه نتأخر
ــــــــــــ
الشاعر محمد حسن ضيغم
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

⚫️ نعي - نصاري

بچه حسين وعليهم رافع الصوت
وسف مني بعجل ياخذكم الموت
عگبكم خيل اميه بساحتي تفوت
وعلى خيامي اجسرت ترهب النسوان

يسور  البيكم الصيوان  مهيوب
يفرسان الوغى  تفرحون الكلوب
عزمكم خله جيش الطاغي مرعوب
گضيتوا  وصرت وحدي ابين عدوان

وعدتوني   وعد     لازم   توفون
وزامطت  العده   بيكم   وتدرون
هيج  شلون  عفتوني  وترحلون
أعاتبمن وانه ادري  بدهري خوان

هدم حيلي حبيب بساعة الطاح
وتضعضع ركن جيشي والعزم راح
شلون تهود روحي  شلون  ترتاح
وانه الفاجد انصار وحزمة اخوان

يمسلم صاح  ياعابس  وياجون
يبن ظاهر  ينافع صدگ ترضون
تعوفوني  أنادي  وما   تجيبون
وصفيت الوَحَّدي بخطة الميدان

هضمني افراگكم ياخير الأصحاب
واشوفنكم   ضحايا  فوك  التراب
علي فوگ  الحزن چملتوا لمصاب
وروحي  اخلافكم  تلتهب  نيران

#سمير_الصالحي
#النجف_الأشرف

——————————-
🌑(فإنّي لا أعلم أصحاباً أوفى ولا خيراً
من أصحابي، ولا أهل بيت أبرّ ولا أوصل
من أهل بيتي فجزاكم الله عنّي خيراً )*

🏴ياليوث    الموزمه   وابطالها           
🏴كفو  والله  ونعم  من ارجالها                         
       
كفو منكم من وگفتوا بكربله    
بيكم العدوان شافت مرجله
نحوركم فدوه لابن عقد الوله
وتنعرف  لرجال من  افعالها

حيود بالكلفات شديتو العزم
يازلم  نعمين  منكم    يا زلم                                                                  من امروه ومن شجاعه ومن علم
بيهن  الشيعه  تدرس  اجيالها   

انتو مو سبعين لا سبعين الف
بزودكم  حتى  الاعادي تعترف
من نزلتوا  الگاع رادت تنخسف
بجيش ابن مرجانه  كل انذالها

يازهير   ويابرير     وياحبيب
أبد ظن حسين بيكم مايخيب
بالمواقف هذي واسيتوا الغريب
والشهاده  الكم  ومنهو  ينالها

صدگ  فزعتكم   يتيمه  بالدهر
وبملاحمكم  اتنوعت   هالصور
الكم    بتاريخنا  بصمه    وأثر
غيركم   هلرايه   محد  شالها

صدگ   بردتوا  گلبها ام الخدر
بليلة  العاشر  الحتماً   تنذكر
طفتوا بالهوسات وسيوف النصر
وزينب  تنادي  وفرح  دلالها

انتو ياخير الانصار بكل  زمن
ما كو شك بگلوبكم رغم الفتن
كلمه  معروفة ومگيوله  بعلن
حسين ابو السجاد هو الكالها
——————————————-
*الإرشاد للشيخ المفيد ج2ص19

#سمير_الصالحي
#النجف_الأشرف
‏
#محرم_الاصحاب
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

نعي الليله السادسه ليله الانصار
****
انصار انصار كل احنه لبو السجاد انصار
وخذنه الداور. تقاسمنه المنيه وخذنه الدوار
ما تعرف اعذار ما تعرف اعذار  تره انصارك ابد ما تعرف اعذار
ايبين الحار.  امن عيونه يالغالي ايبين الحار


اجينه اجينه عفنه بيوتنه ولحسين اجينه
وعلينه علينه.  ودم اركابنه شاهد علينه
وفينه وفينه.  اشما ضحينه الك ماضن وفينه
بينه بينه.  جمره امن الخيم يحسين بينه

طلع شيخ الأنصار وصاح حيهم
والانصار طلعو ركض كلهم
بجه وعن كربله ضل يحجي الهم
وزينب خايفه من عدنه كلهم

صاح بصوت زينب لا تخافين
انضحي ارواحنه ومنعوف الحسين
باجر ندخل السوح الميادين
وانتي رايح تشوفين بالعين


رفع جفه حبيب وصاح اطلعو
وبذيج الصوارم كومو هوسو
بخيمة بت علي استعراض سوو
ولحسين بدماكم رحو ضحو
***
الشاعر
تحسين الخفاجي
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

محرم الحرام
يوم مسلم بن عقيل. ع.
ثكيل
🍁🍁🍁🍁🍁🍁🍁🍁🍁🍁🍁
مسلم والحبيب حسين
تلاكو بلقصر راسين
سوالفهم دمع بلعين....قصتهم عجيبه
..............
1
من وصل ضعن الهواشم....راس مسلم ع الخشب
ينظر لهودج حرمهم.......بس خدر كال العتب
وين ابو فاظل حماهم.....وين الحسين شسبب
زينب لوحدها تمشي.........هاي يا ناس العجب
شفت موقف بجه عيني بحساس
طفله تركض رايده تلوح الراس
دخن الرمح الي شال العباس......ياضيم المصيبه
//////////////
2
دكن بذاني السلاسل.......كلت جابومن اساره
شفت طفله يدفعوها....خايفه بدمعه تجاره
هاي شو جنها حميده.....حالها حال الحياره
عينها تهل بلمدامع.....من تصد قصر الاماره
وعرفتها من حجو بيها السوك
هي بنت الي شمرانه من فوك
ومره تنده بيها صعدي ع النوك.....زينب ياغريبه
//////////////////
3
ركزت علهزل لحظه.....وكت ما طر الصبح
علهزل شفت العقيله....بدمعه وبنوح وجرح
ياخلك معقوله هذه....شيخي راسه اعله الرمح
واليغث جم سوط اشوفه.....عل حرم يبقه يلح
والله لو ترهم ورد بيدي السيف
ما اخلي كبالي واحد يا حيف
اعله العقيله الما يغثها بلطيف.....ياوسفه الحبيبه
//////////////////////
4
من تعده بصفي راسه.....شيخي كلالي استريح
كلي ابقه لا تدنك............خاف لا راسك يطيح
كلي يامسلم عطاشه.....الماي ع الخدر شحيح
كلشي شافت يوم عاشر.....خل تسولفلك الريح
حين حركو بلخيم طلعو ازغار
بخوف ركضو من اثر شوفت النار
بيهم المات بسحك بيهم ستر.......  بعبايتها الشريفه
//////////////////
5
صح بعيد القصر صاير......بفضل الله اسمع تره
بلحبل مشدوده ديهم......هجي طبو بلسره
اسمع ابن زياد وسفه......كال منهي هل مره
هاي بت حيدر يوالي .....هاي زينب مأسره
اهتزت اركان البنايه بلصوت
ها يبت فحل المعارك من يفوت
طلبي شتريدين كالتله الموت........يحسين ونحيبه
//////////////////////////
خادم مولاتي الزهراء ع.
الشاعر علي الأديب
https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

الما يبچي من اجل حسين      
شنهي النفــع بعيــونه

* 
محله الدمـع لحسين محله الوّنــه
سنّة محمد واحنــه نحيـي السنّـه
اليرفض نهـج طاها ابــد مـو منه

شمْ منحره    ودمعه جره   
گبل الطفوف وعاشره
أصــل الدمــع للمظلوم        
بالكتـب خل يقــرونه   

** 

لكل شي زكاة البــاري خصـه بشرعه
واجــب على الحب الـرسـول يتبعــه
شنهــي زكــاة العيــن غيــر الدمعـــه 

يجري الدمع   مثل الشمع   
ولسبطه لازم ينفجع
الهل الدمع لجل حسين       
جنــة  عــدن ينطــونه    

* 

اليجري الدمــع لمصــابه صافي النيه
يعنــي شخــص يتفــايــض انسانيـه    
لجــل السبـــط لجــل المشـت مسبيه

خله يسح   لجل الذبح 
جرح السبي أعظم جرح
هــذا الدمــع لهل البيت        
هـمه الـــذي يجـازونه 

*    

كــل دمعــه مـــا الها اثــر  الا اثنــين
من خشية الله تجري لو لجل حسين
عين الجمــد بيها الدمــع لا مـو عيـن

مثل الحجر   ما بيها اثر   
لمصيبته وگطع النحر
حتى الحجر ينبــع ماي      
وعين اليضــد ملعونه
 
* 

كــل دمعـه مــا تتــرك اثــر مرفــوضه
يعني خســاره وهـل الدرب منخوضه 
بس دمعتــك لجــل السبـط محفوظه 

يوم الحشر   دمعك ذخر   
يم الزچيه تفتخر
هذا الدمع لجل حسين       
أهل العَبّه يضمونه 

* 

عين الجمد بيها الدمــع لمصــابه
مــا هلــت لطــف الحزن سچابــه
صاحبها بالمحشر عسير احسابه  

الما هزته      ولا بچته     
طف كربلاء ومحنته
ناصب عداء لأل الله         
مــن دمعته يعرفونه

*

كل دمعــه شمعه بالگبـر تضويله 
الهل الدمــع وأنــوار يصبح ليلـه
الوافـــه الــزچيه حتمــاً تــوافيله

الهل دمعته    لمصيبته    
ياخذ كتابه بيمنته
لكن شرط بالدمعات       
يفهم شنو اليردونه

*

عين التضيّع دربــه شيظل بيها
يمشي أبدرب بس العمى تاليها
يا ربــي عينـي أبدربه لا تعميها

دربه عدل   جدا سهل  
لكن شرط بس لا تزل
عن درب ابو اليمه حسين    
بس التزم مضمونه  

* 
الشاعر
موسى البديري

https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa

لسان حال مولاتي زينب عليها السلام ليلة العاشر مع اخوتهه تقول _

تعالو احجولي باجر وين منواي_
من ترحون ياهو اليبقه وياي_
خليكم عليه افياي يحسين _
بعد فيكم يخويه منيلي افياي _
خير من الله ماي هنا بالخيام _
إذا ع الماي ما عطشانه للماي_
شنهي الماي غير بكيفنه يطيح _
راح اعطش عليكم باجر اهواي _

باجر خيمكم تحترك _ وتطشر اسوالف عشك
باجر ركض خيل وزلم _ وام عون باجر تنلحگ
___
موش اثنينكم باجر تروحون _
خيظل عون منكم يحرس ام عون _
ما عرف الركض لا طالعه بليل _
اروحن وين لو ظلو يحركون _
تنهاب الأخت لو عدهه خوان _
واحد خل يظل خاطر يهابون _
الجلمت طلعو زينب حيل ينراد _
سبعين الف خل تطلع يصيحون _

سبعين الف وتهد علي _ لا عندي ابن لا عندي اخي
من كثر ما طفي الخيم _ مابيه حيل اشكف بدي
____
طلعت وياكم بهيبه وكفاله
وناكه امگبعه بعزه وجلاله
وصلنه الكربله وحسيت بالخوف
تراوالي الضعن يفگد دلاله
كلشي أبالي لو عفتوني ايصير
ضعني يسوگه كافل موش ماله
برد شرك يباجر عسن لاجيت
الله يعين حالي شلون حاله

تطلع شمس يطلع خدر _ تمشي الزلم نمشي بيسر
هيه المصيبه اخلاف اخوي _ يحدي بضعن زينب شمر
___
اكعدو كبال عيني ولا تكومون
اريدن منكم اترس شوف العيون
باجر حسره شوفتكم يالاعزار
اريدن يمكم اوصل مايقبلون
باجر نعبر عليكم مجاتيف
عين وعمده من يمكم يمرون
بصفكم نوكف وملتمه شمات
ذوله اخوانج وفنهم يكومون

وياكم يخويه اخذوني _ خلي العده يذبحوني _
ارتاح صدكوني من اموت _ ولا بيكم ايعيروني
_
الخادم موسى البطلي

https://www.tg-me.com/مؤسسة النعي والرثاء لمجالس سيد الشهداء للنعي/com.AL_Nay_and_Alrthaa