ጦቢያ መፅሔት Telegram Web

የታዋቂ ሰዓሊያንን ስዕል ለማየት እና ስዕል ለመግዛት ቻናላችንን ይቀላቀሉ ለሚወዱትም ያጋሩ ❇️link (ማስፈንጠሪያውን) ይጫኑ 👉 @Ethio_Art
0707601574

19.5K viewsedited 05:12

ሱሰኛው መነኩሴ የመጨረሻ ክፍል

አረ አባ መስቀሉን ይቀበሉኝ እኔ ለዚ ቦታ አልገባም ልሂድ ስላቸው ...ግድ የለም አትፍራ ...አባ ፈጠን ብለው በሰሀን እንጀራ በምስር ወጥ ይዘው መጡ
እኚ ሰውዬ ግራ እያጋቡኝ ነው ውስጤ ብዙ ጥያቄ አለ ይሄን የመሠለ የመመረጥ ህይወት ትተው አለማዊ ነገር መመኘታቸው እያስገረመኝ...
ቆይ አባ ጫት መቃም ሀጥያት አይደለም እንዴ? ፤ በጥርጣሬ ጠየኳቸው...አረ በፍፁም ሀጥያት አይደለም፤ይኸው አንተ ትቅም የለም እንዴ?
እኔማ ሀጥያተኛ ነኝ ሁሌም ስራዬ ይህ ነው እርሶ ግን...ጎሽ የኔ ልጅ ተባረክ አየህ አሁን ትልቅ ቁም ነገር አወራክ ሰው ከፈጣሪ እንዳይታረቅ የሚያደርገው ዋናው ነገር ሀጥያት ሰልጥኖበት ሳለ ሀጥያተኛ ነኝ ብሎ አለማመኑ ነው ሰው ሁሉ ሀጥያተኛ ነው ግን ደሞ መርሳት የሌለብህ እግዚአብሔርም መሀሪ መሆኑን ነው። (አባ እያወሩኝ ከሰል ማንደጃቸው ላይ የገዙትን ጫት እያስቀመጡ ታድያ ሀጥያት ከሆነ ለምን እኔ ጋር መጥተው ገዙ ደሞስ ለምን ያቃጥሉታል፣[ጋዝ አርከፍክፈው የሚያቃጥሉትን ጫት ሲንቦገቦግ በድንጋጤ እያየሁ...አየህ ወጣትነት ማለት እንደዚህ እሳት ነው የያዘውን የቀረበውን ሁሉ ይፈጃል።ይህ እሳት ንፋሱ ወዳለበት አቅጣጫ እንደሚነድ ሁሉ ወጣትነትም አለም ባነፈሰችው ባራገበችው የሀጥያት አየር እንድንገፋ ያደርገናል።ይህ እሳት እንዲነድ ጋዝና ወረቀት ጨምሬበታለሁ ያለዚያ እንዲህ አይነድም ነበር ወጣትነትም ከልክ በላይ ሰውን እንዲያነድ
እና እንዲያጠፋ በጋዙ ቦታ ጫት ሱስ ዝሙት የመሣሠሉትን ሰይጣን ይጨምርልናል ያኔ እንደዚ እሳት በአለም ላይ እንነዳለን፡፡ ቅድም ጫት ስጠኝ ስልክ ድንጋጤክን አስተውያለሁ...አንተ እኔ እንዳልገዛ እንዳልቅም እየከለከልከኝ እንዴት ለራስህ መሆን ያቅትሀል? እኔም አንተም በእግዜር አምሳል የተሠራን ክቡር ፍጥረታት ነን ለኔ ያልተገባ ሀጥያት እንዴት ላንተ ይገባል ጫት ማለት ለጊዜያዊ መነቃቃት እና ደስታ ለስጋችን የምንጠቀመው እፅ ነው ይሄን ተከትሎ ደሞ መጠጥ ስካር ዝሙት የሚባል ሀጥያት ይመጣል። አንተ ይህን ጫት ቤ/ክ ይዤ ስገባ የጨነቀክ የእግዚአብሔር ቤት ስለሆነ አደል በምድር ላይ ግን ሰውን የሚያክል የእ/ር ቤተመቅደስ የለም! እና የእግዜር ቤተመቅደስን በጫት በሱስ ታረክሳለህ ሱስ ማለት እግዜር የሠጠኝ ደስታ ሰላም አቅም አንሶብኛልና ሌላ ተጨማሪ ነገር ያስፈልገኛል ብሎ መልፋት ከፈጣሪ መጣላት በስራው መጠራጠር ነው፤ስለዚህ የመዳን ቀን ዛሬ ነውና ከፈጣሪህ ታረቅ አምላካችን ሀጥያትን እንጂ ሀጥያተኛን አይጠላም ከሴሰኞች ጋር አትተባበሩ እንዳለ መፅሐፍ ለሀጥያት ለሱስ አትተባበር፡፡ ቅድም እንደዛ ሲነድ የነበረው እሳት አሁን አመድ ሆኗል፤ሰው እንዲ ነው..ወጣትነት ማያልፍ ይመስላል ግን እንደዚ አመድ መክሰማችን አይቀርም። ከዚህ በኋላ ምኞት ፀንሳ ኃጢአትን ትወዳለች ኃጢአትም ካደገች በኋላ ሞትን ትወልዳለች ስለዚህ የሞት ሞት እንዳትሞት የስጋ ምኞትህን ለፈጣሪ አስገዛ። እኔም ሱሰኛ ነኝ ግን የፆም የፀሎት የስግደት ነው፡፡ቅድም መስቀሌን ጥዬው ሳይሆን አንተ ተከትለከኝ እንድትመጣ ስለፈለኩ ነው ጥዬው
የመጣሁት።አንዳንዴ ሰወች ወደ ቤ/ክ መምጣት ሲደክሙ ቤ/ክ ወደ ህዝቡ መሄድ አለባት እኔ የቤ/ክ አንድ አካል ስለሆንኩ አንተን ፈልጌ መጣሁ ታድያ ተሳክቶልኛል? በትክክል አባ፤ሁለተኛ እዚ ሀጥያት ውስጥ አልገባም እንደኔ ያሉትንም ለማምጣት ቃል እገባለሁ ይቅር በሉኝ አባቴ(እንባ ተናንቆኝ እግራቸው ስር እየወደቅኩ
እግዚአብሔር ይቅር ይበልክ በል ተነስ አባ በፈገግታ ተሞልተው አነሱኝ እኔም የማትጠገብ ምስር እና የማይጠፋ ምክር ተመክሬ ቡራኬ ተቀብዬ ልቤን ለፍቅሩ አስገዝቼ ወደቤቴ ተመለስኩ፡፡

jᵒⁱⁿ⇝ @Ethio_Art

27.1K views18:50