tg-me.com/uzbektourismofficial/13386
Last Update:
Ijtimoiy tarmoqda tarqalgan xabarga Turizm qo‘mitasi tomonidan rasmiy munosabat
Turizm qo‘mitasi huzuridagi Milliy PR markazining “Uzbekistan.travel” veb-portalida joylashtirilgan “Bayram va tadbirlar taqvim-katalogi”da joriy yilning 23-26 may kunlari Xalqaro “Ipak va ziravorlar” festivali bo‘lib o‘tishi ko‘rsatilgan.
2023-yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini yanada oshirishga doir qo‘shimcha chora-tadbirlar to‘g‘risida”gi PQ-135-sonli qaroriga muvofiq, 2023-yil iyunda “Ipak va ziravorlar” festivali tadbirini tashkil etish belgilangan.
Shu bilan birgalikda, 2021-yil 29-apreldagi “Xalqaro zardo‘zlik va zargarlik festivalini o‘tkazish to‘g‘risida”gi PQ-5098-son qaroriga binoan 2022-yildan boshlab har ikki yilda may oyida Buxoro shahrida “Xalqaro zardo‘zlik va zargarlik festivali” tadbirini o‘tkazilishi belgilangan.
Yuqorida keltirilgan qarorlar bilan 2023-yil 16-18-iyun kunlari Buxoro shahrida “Ipak va ziravorlar” festivali o‘tkazilganligi sababli, joriy yil 3-5-may kunlari “Zardo‘zlik va zargarlik festivali” tashkil etildi.
Shundan kelib chiqib, ushbu ikkita festival har yili bir-birining o‘rnini almashtirgan holda, “Ipak va ziravorlar” festivali kelgusi 2025-yil may oyida tashkil etilishi rejalashtirilgan. Mazkur festival qoldirilgan bo‘lib, biroq “Uzbekistan.travel” veb-portalida o‘zgarish haqida ma’lum qilinmaganini bildiramiz.
Ushbu holatning yuzaga kelishi sabablari ichki tekshiruv bilan o‘rganilmoqda va mas’ul хodimlarga tegishli chora ko‘rilishini ma’lum qilamiz.
Turizm qo‘mitasi ushbu tadbir bilan bog‘lab sayohatini tashkil qilgan turistlardan tug‘dirilgan noqulaylik uchun uzr so‘raydi.
Mazkur veb-portalga tez orada yangilangan taqvim-katalog kiritilishini ma’lum qilamiz.
Facebook |Instagram |YouTube
BY Uzbektourism.uz
![](https://photo.tg-me.com/u/cdn4.cdn-telegram.org/file/uD4US5snCg0OsplB9NX8l_YB_hlG4LSgkxAaNcp2SWV9eSSy3kgAchjhUJzNiOzgj5rbSc-hT0uhj5Am_2v33broU1veeuexRukIG54c-GBPErN5jydRWpMRppvp_onRyDdV1GxqWZFJdMzeVSp5f_CAd0F77tiCJOxyjL8-CRSuRnsTyoAOZM6D3gwLmVoAxlelaJVOdmmckKTrzYG6lvcU13z-sqsVFrRcZBwp-aphpKSBOmZzQaMovCNeKxp2sit7e6Bt-xvV-tU073WsMglrtZJgM65ss80YnvtHp4OYawKjHGQSsdfXMITE-4bOi6Gg8D1vEdW1bZWQw4nOFQ.jpg)
Share with your friend now:
tg-me.com/uzbektourismofficial/13386