- اختار روحك ديمه، حتي لو خسرتهم يتعوضو لكن روحك لو انكسر خاطرها معش تلقالهـا بديل.

- سبحـان اللـّٰه كـيف فـي لحـظة يجـيك شـعور غريـب ،تـكون خـاطرك تصفي حـياتك ، تبـعد بعـيد و تخـتفي من نفسـك قـبل النـاس ، يـبداء مفـيش سـبب مزعـلك او حـتى شي مضايقـك بـس حرفيـاً بـين الوقـت والوقـت محـتاج اديـرها .

وعـسى ربنـا أن يبـدل أحـزننـا فرحـاً قريبـاً .

Fact :
- مع الوقت ﮼حَ تكتشف أن في ناس في حياتك مَ يستاهلوا منك الحاجات اللي كنت اديرها عشانهمَ ، ميستاهلوش تفكيرك فيهم ولا حُبك واهتمامك بيهم ولا طيبة قلبك ، هما يستاهلوا ناس يكونوا زيهم يتعاملوا معاهم بنفس معاملتهم بس مش انت .

- أنا انسان نصون في العِشرة جدًا ونقدّر في الناس اللي وقفت جنبي ونحط في مواقفهم الكويّسة وسط قلبي، وما نتفكرش إنّي مرة اتأخرت على حد أو بخلت عليه  ، أنا تربْيت على العطاء وعُمري ما خليت حد في ضيقة من غير ما نمدله  إيدي ، نفرح لفرح اي حد ونزعل لزعله ولو بكي شخص قدامي دموعي لا ارادي تنزل مني ، ونعطي في اكثر من فرصه لأي شخص باش لما ننسحب ما يأنبنيش ضميري واللي نلقاه مايستاهلش من غير تردد نجبد عليه ، ومنها لا نتمناله شر ولا ندعي عليه الكلمه اللي في فمي ديما ربي يسعد ويبعد .

"‏في ليله الجُمعه، اللهُم أجبرني جبرًا يعوض قلبي عن كُل شيء."

- وأجعَلني بِاختيارَاتك يارب راضيَاً مَرضيّاً !

- فـي كل لحظـة زعل ولا شعور مش مفهوم يجيك ، أبعـد على النـاس وماتكترش كـلام ، ولا حـد يكسب عليك جمـيل ولا تكسر خاطرك .

- ‏أنا قلبي حزين جدًا الفترة هذي ، حزين لدرجة اني مش قادر نفرح بـ أي حاجة وكل حاجة ثقيلة على قلبي ، مش قادر نتخطى أي حاجة زعلتني ، ومش قادر نقاوم اللي أنا فيه ، ومش قادر نواجه العالم اصلاً ، أنا محتاج هُدنة من كل حاجة والله .

اللهُم لاتَجعلنا من الغافلين واجعلنا من الذاكرين المستغفرين الشاكرين و ارحمنا برحمتك التي وسعت كل شيء.

- صدقني طول ما أنت قاعد توضح للناس أن الموضوع أنتهي و معاش فارقلك و أن كل شيء تمام هذا معناه أن عمرك ما تخطيت و أنك قاعد توهم في روحك مش فيهم.

في التخطي الحقيقي مش حاتكون محتاج أنك توضح لحد أنك تعافيت ، حتى للشخص نفسه".

- أنا مانعرفش نبدل حد بحد ولا نعرف نتغير بشخص جديد ، أبداً مش من حقك تحاسبني على شخص توا معاي أو حتى واخد مكانك لأن ببساطة أنت اللي خليتني ليه.

اللهم أجبر بخاطري جبراً يتعجب له أهل السماوات و أهل الأرض يارب العالمين.

- لو حسيت بفراغ بعد ما قلعت سنك ، اذكر أنه كان يسطر فيك ، " هنا مانقصدش السن را .

- ماتعاملنش بمزاجك عشان مانتعاملش معاك بمزاجي أنا وشخصياتي المش معروف عددها.

- ‏اللهم اجعلني راضياً مرضياً سعيداً
أينما وليت وجهي .

- يعجبني الشخص يلـي مايسمعش كلام الناس ولا يـتأثر منـهم بسرعـة ويكـون صاحـب اسـتقلالية بشخـصيته ورزيـن يعني باختصـاار مش كلمه تـرفعـهه و كلمه تجيـبه 🖤.

- وحتى الناس اللي يوماً ما ضرونا بأي شكل ف حياتنا سواء شخصي ولا من بعيد محظوظين بينا لإنه عمرنا ماح إنفكرو إنضروهم حتى لو جتنا فرصة وهذا مش ضعف من أي ناحية لكن ببساطة حسيبهم ربك..🖤

‏﴿ ألا بذڪرالله تطمئن القلوب ﴾
-سبحان الله .
‏- الحمدلله .
‏- لا إله إلا الله .
‏- أستغفِرُ الله .
‏- سُبحان الله و بِحمده .
‏- سُبحان الله العَظيم .
‏- لا حَول و لا قوة إلا بالله .

- ربي حَ يعوضك ، وحَ يريحلك قلبك غِير حاول تصفي نيتك وتمشي بيهـا بس ، وإصبر لإنه يُمهـل ولا يُهـمل .