tg-me.com/wangelawaka/1768
Last Update:
“Dammaqaa, amantiitti cimaatii dhaabadhaa! Ija-jabeeyyiidhaa fi jajjaboo ta'aa!”
— 1Qor. 16:13
Jireenyakeenya irratti wanta tahuu qabnu hedduutu jira. Wanta nun taanee jirru hunduu sirriidhas gaariidhas jechuu miti. Wanta taane ta'aa turuu caalaa wanta tahuu qabnu tahuutu dhugumaan nu fayyada.
Kanaaf wantoota sadii namni tokko jireenya isaa irratti dirqama tahuu qabu. Hir'achuun tokkoo hir'ina guddaa uumuu danda'a jedhaman haa laallu.
#1_dammaquu
#be_active
dammaquun jireenya irratti jiraachuu eegaluudha. Namni tokko hamma hin dammaqnetti waa'ee jireenyaa haasa'uus dhagahuus hin danda'u. Dammaquu dhiisuun caalaatti dhibuutti dhiyaachuudha.
Dammaquun hubachuu eegaluudha. Dammaquun yaaduudha. Ifa sana arguudha. Hubannoon dhugaa sun yemmuu siif ifuu eegalu kun dammaquudha.
Ifa sanaan socho'uu eegaluu,oogummaa sanaan murteesuu danda'uu,hafuura sanaan gaggeeffamuu eegaluun dammaquudha.
#2_amantiitti_cimuu.
#hold_on
yemmuu dammaqxu wanti qormaata sitti ta'u inni guddaan wanta at argite namni arguu dhabuun humna si laaffisuu danda'a. Wanta gaarii at argite irraa illee si hambisuuf diinni si qoruu danda'a. Humna hin laafiin.
Wanta argite sana keessa waaqayyoon galchi. Danda'ummaa isaatti amani danda'ummaa isaan gaggeeffami.
amanaa kaayyoo qabu. Mul'ata qabu ta'i.
#3_ija_jabina
#confidence
Ija jabaachuu(confidence ) jechuun wanti si bira qofa jiru sun gaarii/sirrii/dhugaa akka ta'e amanuudha.
Namoonni hamilee dhaban wanta isaan adda godhu sun gaarii akka ta'etti warreen hin yaadneedha.
Dhugaa at amantes ta'e dhugaa at taateen ija jabina qabaadhu.
Wantooti kun sadan(dammaquu, amanuu,ija jabina qabaachuu) keessaa hir'achuun tokkoo jireenya nama sanaa raafama keessa galchuu in danda'a.
Namni hin dammaqne jireenya isaa irratti tasa jijiirama arguu hin danda'u.
namni hin amanne ammoo tasa gara jijjiirama sanaatti adeemuuf hin murteessu.
Namni ija jabina hin qabne hamma dhumaatti deemuu hin danda'u.
@wangelawaka
@wangelawaka
BY Wangeela afaan oromoon
Warning: Undefined variable $i in /var/www/tg-me/post.php on line 280
Share with your friend now:
tg-me.com/wangelawaka/1768