tg-me.com/weryuudy7n6/2429
Last Update:
يسلطاني انته ويمالك دنياي
علي بن موسى الرضا يامولاي
@@@@@@@@@@@
اهواك ولكاك _ ساكن كلبي وأصبحت دكته
بالشوك مخنوك _ واتنفس لو مرقدك شفته
حضرتك جنتي _ كبتك قبلتي _
شوفتك غايتي _ يا احله سلطان
بالصحن واستمع _ هالنغم يرتفع
وارتوي من نبع _ شاه خرسان
يااجمل عشك بيه اكحل عيناي
علي بن موسى الرضا يامولاي
@@@@@@@@@@@
قران فرحان ــ الليلة الكاظم فرحته جبيره
أملاك وافلاك ــ ساحرها بحسنه وتصاويره
هلهلت بالسمه ــ الحور اجت هايمه
تسأله تكلمه ــ نورك سماوي
هل ملك ام بشر ــ ام شمس ام قمر
جوهره ام درر ــ حاير فكرها
علي بن موسى الرضا يارجواي
علي بن موسى الرضا يامولاي
@@@@@@@@@@@
أنوار أزهار ــ ضي صحنك تغازله الكمرة
تمنيت ياريت ــ نروح لمشهد نحيي هالذكرة
ماأجمل مشهدك ــ ماأجمل مولدك
مااجمل مرقدك ــ عالم خيالي
بذنوبي واعتني ــ عبدك انته الغني
مولاي ومضامني ــ وغاية مقالي
انه الفاني عبدك واجيت بشكواي
علي بن موسى الرضا يامولاي
@@@@@@@@@@@
ما اريد كل عيد ــ بس عيد الي يفرح الزهرة
ياناس الاحساس ــ مايرغب بكرسمس وشجرة
حبنه طاهر نقي ــ بالوعي نرتقي
نرفص الزندنقي ــ الغرب وصفاته
قدسي حب النجف ــ بيها قنبر هتف
كل وفي بكل طرف ــ قدسية ذاتة
احنه ابونه البطل حيدره
بسمه نجفنه تظل مفخرة
عشكنه نقي بوصفه يحتار الماي
علي بن موسى الرضا يامولاي
@@@@@@@@@@@
تمت بعون أسد الله الغالب
العبد الذليل علي الكعبي
BY الشاعر الحسيني علي الكعبي
Warning: Undefined variable $i in /var/www/tg-me/post.php on line 280
Share with your friend now:
tg-me.com/weryuudy7n6/2429