tg-me.com/wwaspqtt/32754
Last Update:
هالفرحه محلاها.. جبريل زفاها
بشراك يا طه… هل الحسن نوره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
الليله بأسم شُبر... روح القدس كبر
يهني الوصي حيدر... والطاهره الزهره
كل فرحه نحييها... بسم الله نبديها
اسم الحسن بيها... ليلتنه مزدهره
لاح الأمل صبحه.. عشنه بسنه الفرحه
طاب المحب جرحه.. بالمولد وسره
**
ليلتنه معقوده... بالفرحه مشدوده
ويرتل انشوده... كل واحد او دوره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
من السمه رحمه.. لحيدر اجه نسمه
فدوه اله ولأسمه.. نهدي ورود احنه
جده النبي الخاتِم.. يهني اجه لفاطم
هذا الوحي قادم... او بالحسن بشرنه
باسمه انحيي المحفل... بالحسن نتآمل
جده النبي المرسل.. نتمنى يحضرنه
**
هالليله البشاره... بالحسن وانواره
ما نعرف اسراره. او الشيعه مسروره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
صاح الوحي او نازل. نور الحسن كامل
خل يسامع العاذل.. نور الحسن هل
ابهذا الخبر ناده.. جبريل للساده
والطالب امراده... ياخذه ابهالمحفل
يا محله جمعتنه... بسم الحسن فرحتنه
او الزهره سمعتنه.. نقراله او نتأمل
**
والزهره وياها. بميلاده نتباها
أمنه ومننساها… بالحسن مغموره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
للصفگه سمعونه.... او فدوات لعيونه
الناس اليلومونه.... لا ما نهم بيهم
ويله الذي إيضدنه. بالألف واحدنه
لا محد إيردنه… ونگص إياديهم
خل يسامع الشامت... هذا العهد ثابت
ما نحجي عالصامت... فرچه نسويهم
**
فرحتنا ممزوجه. ونقراله الأهزوجه
والخيل مسروجه... للغرقد إنزوره
🌹🌹🌹🌹🌹🌹🌹🌹🌹🌹🌹🌹🌹
نمشي على نهجه. هالليله نترجه
بس شوفت الحجه... من يحضر ويانه
او الزهره هم تحضر.. وياها الوصي حيدر
بالجنه نتبشر ... هالشيعه فرحانه
هم المحب ينزاح... والطيب كل اجراح
طير السعد مرتاح. يصفگ بجنحانه
**
صعبه فرحه نشرحه. هذا المحب جرحه
صاحت ترى الفرحه. هل الحسن نوره
*****
✍️الخادم الأقل شأناً : خادمكم مصطفى النائلي
BY الشاعر الحسيني مصطفى النائلي
Warning: Undefined variable $i in /var/www/tg-me/post.php on line 280
Share with your friend now:
tg-me.com/wwaspqtt/32754