tg-me.com/yamahdy4444/7212
Last Update:
*مولاتي زينب تخاطب امير المؤمنين لفراقه لصعب*
*ــــــــــــــــــــــ*
الم بحجاية افراكك عَلي صعبه ولاتلم
اكابر عالصبرگوه اجرع بيه غصب والهم
ــــــــــــــــــــــــــــــــــــــ
الم بسوالف غيابك من اعاين حالك ادارك
وشوفن حيلك ايقل حيل وبگلبي تشب نارك
تشعل بيه آه ونيين وحكك ياحمه جارك
يمن بيه الركن هديت لا طاحت علي دارك
يبويه الحمل عفته ثگيل ونت بحالتي تعلم
ام حسين المحمداويه
───✱*.。:。✱*.:。✧*.。✰─── ً
بويه هنا ياحملي ثكيل وانه تعثر بهمي
وحگ راسك يابو العباس بوزن جبال ياهظمي
يصافي ومايشبهك لون جرحك ينخر بعضمي
بكيت تمايل ويه الريح وشل حيلي بعد امي
طشرتني النوايب دوم جروح البيه ماتلتم
بقلم العلويه ام رقيه
فيض الطف
───✱*.。:。✱*.:。✧*.。✰─── ً
يالجرحك يعت بالروح ويعتها الف عته
جرحك مالگينه ادواه ومايشفه ابد حته
جبناله الطبيب وكال وليكم حتم بوكته
صبينه الدموع انهار والصايح غده سكته
ملك الموت من جاله يدري بروحه مايسلم
✍🏻ام محمد باقر آل عبيد🍃
───✱*.。:。✱*.:。✧*.。✰─── ً
شيلمها الجروح هواي جدي .وامي .وانته
عفه گلبي شكثر شايل من الصدعات واحملته
مايرهم الجرحه خياط لون يرهمله خيّطته
جبل ماشال صبر ايوب حتى الجبل صفنّته
امره امقدر ومكتوب ..من رب العلى امحتم
✍️☘️ام فراس الساعدي ☘️
───✱*.。:。✱*.:。✧*.。✰─── ً
شتحمل يبو الكلفات موتك زوده الحملي
روحي اتنوح من فرگاك بعدك بالعمر شلي
متعلمه على الصدمات نار ابگلبي هم تغلي
فجعوني يبويه بيك يالوالي ويكل اهلي
اسم الله عليك يالكرار يمرهم روحي يابلسم
✍🏻 ام زينب الأسدي
───✱*.。:。✱*.:。✧*.。✰─── ً
تمت باقلام شاعرات رابطة الحسن ع
ـــــــــــــــــــــــــــــــــــ
. الحسين هويتي وشعاري
📝الشاعره ام محمد باقر العبيد
ـــــــــــــــــــــــــــــــــــــــــــــــــــــــــــــــ
انشر تؤجر📌
BY قناة الشاعرة ام محمد باقر ال عبيد ✍️الحسين هويتي وشعاري
Warning: Undefined variable $i in /var/www/tg-me/post.php on line 280
Share with your friend now:
tg-me.com/yamahdy4444/7212