هوسه جنوبيه للأمام الباقر



مانسيت العاشر وذيج الطفوف
والخيام ونارهم والعايله

سيدي كل ليله تبجي على الذبيح
وبيكم شسوت يعملة كربلا

لو اجه عاشور تلطم عالصدور
وتبچي للچانت عزيزه مدلله

مانسيت السبي وسياط اللئام
ولانسيت المشي بذيج القافله

يالكضيت العمر تبچي على الحسين
اليوم مسمومه الجبد ومعلعله

الذبحو اجدادك تراهم سيدي
الدسو السم بالسرج نفس الملا

ال اميه اهل الغديره والنفاق
عليكم تجدد غدرها بكربلا

هوسه //
اليوم عادو كربلا. يالچبدتك مسمومه
حضرت الحره ونادبه وياروحها مهظومه
شلون روحك ذايبه من الغدر مالومه
يالباقر وراعي العلم يرويحتك مهدمومه
كل المدينه تزلزلت من هالخبر وعلومه
بنعشك يويلي حملت لأرض البقيع بهومه

ماتنساه الطف ويومه

ام زينب السعداوي


https://www.tg-me.com/القلم الحسيني/com.amAli30

قصيده للباقر عليه السلام
تقرأ شور وتقرأ طور هادئ
وتقرأ طور ثگيل
ــــــــــــــــــــــــــــــــــــــــــ ـــــــــــ
المستهل 👇👇👇

يامضلوم يامسمـــوم يالــــــباقر
عشت بالطف لوعات والم قاهر
ــــــــــــــــــــــــــــــــــــــــــ ـــــــــــ
عشت بالطف مصايب تاخذ الروح
منــــها تشتكي يوميه مذبــــــوح
ماتشفى ابد للمــــــــوت مجروح
كل مصاب شفته بقيت بي حاير
ــــــــــــــــــــــــــــــــــــــــــ ـــــــــــ
شفت عماتـك وحرگت عبيـهن
شفت لخيام محترگه عليــــهن
يدورن عل ولي ومحد يجيهن
ونته بقيت تنضر والگلب صابر
ــــــــــــــــــــــــــــــــــــــــــ ـــــــــــ
بعينك شاهدت لوعات اليتام
بعينك شاهدت حرگوها الخيام
شفت ايـــــتام تتصارخ ولاتنام
بقيت انته تـــون مكسور خاطر
ــــــــــــــــــــــــــــــــــــــــــ ـــــــــــ
زغيـر وشاهدت اعظم مصيبه
زيـــنب حايـره وصارت غريبـه
اميره اتصيـــر مسبيه عجــيبه
تشكـــــي الحال بس الربها جابر
ــــــــــــــــــــــــــــــــــــــــــ ـــــــــــ
قاسيـت الالــم والمر جرعـــــته
ذبيج حسين جدك يوم شفـــته
الحافر مــن كسر صدره سمعته
الحافر مو ضلع ضلـوع كـــاسر
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان

https://www.tg-me.com/القلم الحسيني/com.amAli30

قصيده للامام الباقر عليه السلام
فزاعيه رباط هوسه
ــــــــــــــــــــــــــــــــــــــــــ ـــــــــــ
المستهل 👇👇👇

للبـــاقر نـــون والدمعه هماله
عــاف الدار راح وفارگ عياله
ــــــــــــــــــــــــــــــــــــــــــ ـــــــــــ
لبو الصادق نزيد اليوم مبجانه
وكل معازيه خل تحضر ويــانه
حتى ام الحسن لمصابه وجعانه

(وتــــــــــون للباقر / وجعانه)
ــــــــــــــــــــــــــــــــــــــــــ ـــــــــــ
باقر بالعلم معروف عنـــــوانه
لكل الناس ضل مفتوح ديوانه
يستاهل عزيـه وسعي ميـدانه

(ميدان وهــــــوسه/ سويله)
ــــــــــــــــــــــــــــــــــــــــــ ـــــــــــ
كل الساده حزنانه وتون حيل
ولفگد الامام تصيـح يــاويـل
نصبوها الجوادر حتى باليــل

(والساده الفگدك/ حزنـــانه)
ــــــــــــــــــــــــــــــــــــــــــ ـــــــــــ
مسمـــــوم الأمام وسمه اذاه
خل نلطم عليه ونصيح ويلاه
الســم ضاهده ويــلـوج خلاه

(نوحي عليه /الميت بالسم)
ــــــــــــــــــــــــــــــــــــــــــ ـــــــــــ
اهل البيت لو سم لو قتل راحـو
أذتهـــم الدنيــــــه و مـستراحــو
وملاك الســـــمه لمصابهم ناحـو

(والأملاك لمصابه/ ينوحون)
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان


https://www.tg-me.com/القلم الحسيني/com.amAli30

#جديد_حصريآ

قصيدة للأمام الباقر ع

{{ الشيعه اليوم }}

الشيعه اليوم للباقـر يـونـون
يستاهل بچينه ونعمي العيون

•───✧◐◐✧───•

حزنانين لمصابـه ونجـر ونــه
وينوح السلف لمصاب سيدنه
مسموم وعليه تكثر نـوائحنـه
[ الباقر يومه ماننساه ]

•───✧◐◐✧───•

ماننساه ويومه يوجع احبـابــه
والشيعي ينوح ويبچي لمصابه
هذا المات بالطف ويه اصحابه
[ ماننساه الطف واهاااتـه ]

•───✧◐◐✧───•

اتجدد كل مصاب الباقر اليلـه
مسموم ويون مهدوم كل حيله
الما ون اعله جده اليوم ونيلـه
[ لطمه وهوسات انسويله ]

•───✧◐◐✧───•

ننصب مآتمه وننصبله القرايـه
ونذكر محنته بطف كربله هوايه
ماننساه كتب تاريخ وحجايــه
[ صوره من الطف كاتب بيده ]

•───✧◐◐✧───•

حز بينه مصابه وماخذ الحيـل
وسفه اعليه تالي بمكبره يشيـل
ومهدوم الكبر مو بس هدم حيل
[ كبره وي الكاع مساوينه ]

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/القلم الحسيني/com.amAli30

قصيدة للأمام الباقر

{ مجالسنه }

مجالسنه عله الباقر نصبناها
وبلمآتم الزهره كـابلـيـنـاهـا

•───✧◐◐✧───•

نكابلها بلطمنه اليوم جمعيه
تعازينه على الباقر واهـاليـه
مغرب مايرد ياناره سعريـه
{ تسعر ياناره بدلالي }

•───✧◐◐✧───•

يهذا ابن الهيابه اليوم مفكود
شال العلم كله الچان موجود
الف وسفه رحل للدار ميعود
{ الميت بالسم شيعوده }

•───✧◐◐✧───•

شيعوده بعد طلابه يردونـه
باقر للعلم وسفه يفكدونـه
وسفه اعليه بالغبره يدفنونه
{ تون اعليه اهله وطلابه }

•───✧◐◐✧───•

مايلكون مثله معدل وهيـبـه
حكهم عله الباقر تحزن النيبه
راح اليبقـر التاريخ ويـجـيـبـه
{ مفسر الآيه يشهدوله }

•───✧◐◐✧───•

يمفسر الآيه محامـي للديـن
هذا ابن النشامه والسلاطين
واحبابه تون كلهـم محزنـين
{ چادر للباقر نصبوله }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


https://www.tg-me.com/القلم الحسيني/com.amAli30

مكتبة ابو منتظر

ابو الخصيب الشارع العام تسجيلات اليوسف الحسينيه
قرب جامع ابو خفيف

توصيل مجاني داخل ابو خصيب

0770 846 5035

مكتبة ابو منتظر

ابو الخصيب الشارع العام تسجيلات اليوسف الحسينيه
قرب جامع ابو خفيف

توصيل مجاني داخل ابو خصيب

0770 846 5035

#قصيدة_للأمام_الحسين

#المستهل 👇🏻👇🏻👇🏻

خل نلطم سوة للمات مظلوم
نعزي امه الزجيه وحيدر اليوم

•───✧◐🕊🌻🕊◐✧───•

خل نلطم عليه وانعلي الونه
يحلاله اللطم والنوح سيدنه
مهر امه الفرات وماشرب منه
ويستاهل لطمنه ونجري ادموم

•───✧◐🕊🌻🕊◐✧───•

يستاهل لطمنه ودمعة العين
وماننسه مصابة طول السنين
نساعد فاطمة من نذكر حسين
نون اعله الشهيد بكلب مهظوم

•───✧◐🕊🌻🕊◐✧───•

مهظومه تجي وتون لبنها
يمعزيات بالون ساعدنها
تضل للدوم ماينفل حزنها
تذكر جثته من داسته الكوم

•───✧◐🕊🌻🕊◐✧───•

خيل الأعوجية الداست بصدرة
بحوافرهن تدوس وكطعو نحره
الله يساعد امه فاطمة الزهره
تون اعليه مابطلت للدوم

•───✧◐🕊🌻🕊◐✧───•

يظل للأخرة هالعزه منصوب
بونات وعزية واسود الثوب
مانترك عزائه كلوبنه تلوب
ياكلب اليحبه صبح مالوم

•───✧◐🕊🌻🕊◐✧───•

2022

بقلم المله والشاعرة ام علي الامارة
غبر مبري الذمة اليحذف اسم الشاعرة وينسب الكلام له

#المستهل للمله ام مؤمل

واهداء ثواب القصيده آلى صاحب الزمان والى صاحبة المستهل والى خادمات الزهراء في مهد تراتيل الزهراء

https://www.tg-me.com/القلم الحسيني/com.amAli30

#القصيدة_من_ديوان_ضمأ_الطف
#المستهل 👇🏻👇🏻👇🏻

يالشايل علي وحلو المعاني
بالله عليك ريضلي وتاني

•───✧◐🕊🌻🕊◐✧───•

ريضلي على هونك خل اودعه
راح افكد اعيون الولد وسعه
هذا ابني وعزيزي ومحله طبعه
وبفراك الولد كلبي يعاني

•───✧◐🕊🌻🕊◐✧───•

يا شيال نعشه شويه دني
لتشيل الولد وتروح مني
انه امه واريده الكبر سني
شلون يروح يالطوله عماني

•───✧◐🕊🌻🕊◐✧───•

عماني الطول وانه اتوادع اوياه
اشلون اصبر على فركاه وانساه
شمحله الطول يبني ومحله ملكاه
على افراك الولد زادت احزاني

•───✧◐🕊🌻🕊◐✧───•

كلبي على الولد تنزف ادمومه
حلو طوله وعليه ﻻكن اهدومه
مووكت الكبر مو هذا يومه
ومن شفت النعش زادت احزاني

•───✧◐🕊🌻🕊◐✧───•

اريد احجي على ابني وياجماله
عيون وساع والقاط الحلاله
الف وسفه علي امكطع اوصاله
شبيه المصطفى مكطع اجاني

•───✧◐🕊🌻🕊◐✧───•

كمر وينور وبليلة تمامه
اه يبني علي حلو الجهامه
يرف كلبي عليه مثل الحمامه
رحت ماعندي غيرك ولد ثاني

•───✧◐🕊🌻🕊◐✧───•

بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالكلمات

https://www.tg-me.com/القلم الحسيني/com.amAli30

#قصيدة_لخدر_وعفة_زينب

#المستهل 👇🏻👇🏻👇🏻

اتباها بخدر زينب لو اْجه طاريها
من الحشمه الهوى لا مايمر بيها

•───✧◐🕊🌻🕊◐✧───•

زينب بت علي يامحله حشمتها
تخاف من الهوى يطير عبايتها
العقيله لو مشت تختشي بفوطتها
وابو فاظل تكفل حارس عليها

•───✧◐🕊🌻🕊◐✧───•

زينب بت علي محد سمع حسها
ولاحتى الهوى يكدر يلامسها
ومن تمشي ابو فاظل اليحرسها
واعجز عن وصفها احتار اسميها

•───✧◐🕊🌻🕊◐✧───•

زينب مملكه من الخدر والحشمه
وحتى الهوى يخاف الثوبها يلزمه
خدر زينب خدر معروف من اسمه
ومن رب الجلاله نزله عليها

•───✧◐🕊🌻🕊◐✧───•

مو بس للخدر زينب امثلهــا
زينب للصبر محد وصل حدها
الظيم المر عليها جبال يهدمها
وهي الصابرة علي مسميها

•───✧◐🕊🌻🕊◐✧───•

زينب هاي زينب يالتسموها
يعجز كل قلم يلي توصفوها
سترها صار مضرب لليمثلوها
وكل وحده شريفه تنتسب ليها

•───✧◐🕊🌻🕊◐✧───•

بقلم المله والشاعرة ام علي الامارة
ومن الله التوفيق غير مبري الذمه اليحذف اسم الشاعره وينسب الكلام له

اهدي هذه القصيده الى العلويه الطاهره بنت الهدى اخت الشهيد السيد محمدباقر الصدر قدس سره


https://www.tg-me.com/القلم الحسيني/com.amAli30

#من_ديوان_ضمأ_الطف
#القصيدة_لمسلم_ابن_عقيل

#المستهل

لمسلم شدي لطمج يلتلطمين
وحضري حاجتج بيها شتطلبين

•───✧◐🕊🌻🕊◐✧───•

باب الحاجه مسلم يالنخيتيه
ميقصر وياج انتي تعرفيه
بساع بساع ومرادج تلاكيه
والحاجه ابابه تلكيهه

•───✧◐🕊🌻🕊◐✧───•

حلفيه بحميده وطلبي المراد
ميردج ابد هذا ابن الأجواد
يكضي حاجتج ويطيب الفاد
امرادج بيده بس ندبي

•───✧◐🕊🌻🕊◐✧───•

مسلم بالحوائج اسمه معروف
يالعندك حوائج اكصد وشوف
تردمن يمه متروسات الجفوف
ياسبع الكوفه يسمونه

•───✧◐🕊🌻🕊◐✧───•

معروف بصفاته صاحب الغيره
يحظر لليندبه وطايح بحيره
مقامه جبير مسلم حيرته حيره
وكت الشدات ايندبونه

•───✧◐🕊🌻🕊◐✧───•

كلمن كاصده مايرد خسران
مسلم للحوائج صار عنوان
كلمن داك بابه يرد شبعان
ويرجع مسرور من اعتابه

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/القلم الحسيني/com.amAli30

#جديد_جنوبيه
#قصيدة_لهل_زينب

#المستهل 👇🏻👇🏻

أهل زينب سدوها الدواوين
والهاون يون كعدو يطيبين

•───✧◐🕊🌻🕊◐✧───•

يديوان الكرم چاليش مزدود
وين اهل العزوبيه والحيود
يالديوانهم معروف بالزود
ولج يادارهم وحشه وتونين

•───✧◐🕊🌻🕊◐✧───•

الهاون مايدك من شالو اهله
وضلت فارغة وتصفر الدلـه
وآ يمضيفهم شحچي وشكله
الضيف ابابكم رايد معزبين

•───✧◐🕊🌻🕊◐✧───•

رايدكم الضيف يريد كعدات
يهل زينب تحلون المعضْلات
يالكلكم عدالة وكلكم آيات
وكل شده بكتاب الله تفسرون

•───✧◐🕊🌻🕊◐✧───•

ها يهل الكرم يهل العزوبيـة
مايـحـلالكم نومـة الظهريـة
يم باب المضيف الفقره يوميه
اكعدو ابابكم واكف المسكين

•───✧◐🕊🌻🕊◐✧───•

محتاجين كعدتكم يشجعان
ظل اخلافكم مظلم الديوان
يلي بزادكم شابع الجوعان
الف وسفه يالنمتو وسط طين

•───✧◐🕊🌻🕊◐✧───•


#جديد2022
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
أهدي ثواب القصيده الى سيدي ومولاي صاحب الزمان


https://www.tg-me.com/القلم الحسيني/com.amAli30

لايفوتج الديوان🔥 كلش مفيد
تكدر تقراه المقتدره والمبتدئة
من الوحشه للاربعينية بقصائد فزاعية جنوبيه ميدانيه 🔥🔥


#قريبا جدا بجميع المحافضات




#ديوان يتيمات الطف 🔥

👆🏻👆🏻👆🏻من بعد العيد ينزل بالمكاتب

نعي الى مسلم ابن عقيل  //ع



غـريـب ومـا ألـه نـاصـر
              وگـوم أجـمّـعـت ضـده

مـاهـم الـزلـم والـخـيـل
             وزلـزل جيشهه الـوحـده

وارث حـيـدره بـزوده
                وفـنـون الحـرب عنده

بـچـفـه ايلاعب البـتـار
                 ثابت ماخـلـف وعـده

مسلم  والنـعـم  مـنـه
             والكون أنحنه الـمـجـده

السفاره احگوگهه انطاهه
                  وما دنـگ لبن هـنـده

سوّه البالحرب ماصار
               وصـارت عالزلـم شـده

عليهم ضاگت الكوفه
                 رغـم  العـدد  والـعِـده

بٱسمه ايسولف التاريخ
                 لليوم أبمجد بـعـده

                                          *---------------*---------------*

ابوذيه


راســه بــس لإله الـكـون.. وطّاه
وجدمه بزود درب المجد.. وطّاه
نــذر عمره لـبـو الـسـجـاد.. وطّاه

وإله التاريخ ظل يــاخــذ تـحـيـه

                                          *---------------*---------------*

✍خادم الحسين ع
الشاعر رعد الجريخي

https://www.tg-me.com/القلم الحسيني/com.amAli30

💥💥💥توفر المنبر الحكيم

في👇👇

محافظة عماره ميسان
‏ 07803379535 ‏

مكتبة الامام الحسين
شارع المطاعم


📕📕📕

هله بالحبايب جبتلكم مكتبة تفيدكم كلش صاحبة المكتبة بنيه تكدرين تسولفين وياها براحتج تعالي اشتركي بقناتها كولشي متوفر في مكتبه عاشوراء جميع متطلبات خادمات الحسين ع (دواوين لجميع الشعراء،وشاح،طبابه،طبع قصائد،)جميع ماتحتاجه للملا وتوصيل لكافه المحافظات بأسعار مناسبه

المراسله عبر المعرف 👇🏻👇🏻

@ABRAR5325

الأشتراك بالقناة 👇🏻👇🏻👇🏻

https://www.tg-me.com/AiDoiwwn19878

اخواتي خادمات الحسين وخصوصآ متابعات الشاعرة ام ذو الفقار اسراء اللامي

قناتها القديمه راح الحساب منها وفتحت قناة جديدة تنشر بيها قصائدها واصداراتها

تعالن وياي خلنشترك قبل لاينحذف الرابط

هذا الرابط 👇🏻👇🏻👇🏻👇🏻

https://www.tg-me.com/UMdufekar
https://www.tg-me.com/UMdufekar

حي الله الخادمات المخلصات اليحبون قصائد جديده اول باأول
وبكلمات حسچه جنوبيه تنطي المجلس حقه واعتقد هالحسچه مرغوبه بمفرداتها الفطريه التي تجعل السامع يعيش المصاب

معاكم قناة الشاعره ام علي الامارة

الأشتراك من هنا 👇🏻👇🏻👇🏻

https://www.tg-me.com/um_ali313

https://www.tg-me.com/um_ali313