بصوت ملا وسام الدين خادم الحسين ع

بصوت ملا عباس الشكري

يحرمه

#أبوذية

مولاتي العقيلة صلوات الله عليها


اسكــن الم گلبي   (مدري ألهم)
اطفالك .. مدري المك (مدري المهم)
اوديهم لبــوهــم (مدري لمهم)

الابو مگطع ولم راحت سبيه

#اللهم_عجل_لوليك_الفرج

منقول✍

زینب تنشد امن احسين
من طبت الصیوانه
باچر من عگب عیناک
وین ایصیر منوانه

لمن جن سواد الليل
زينب لمت العيلة
يلا انودع الوليان
عدنه اسواد هالليلة
يرملة لجاسم اتعني
للاكبر روحي يا ليله

واخذت باجی النسوان
لحسين وگمر عدنان
لمن وصلت الصيوان

گامت تجذب الونة
ومنها الروح ولهانة


طبت  گعدت اگباله
وكل الحرم وياها
گامت تنشد ابن امها
وتجري دموع عيناها
تگله هالحرم يحسين
عگبك وين منواها

عليه الحرم ملتمة
وگلبي ذاب من همه
سولفلي يبو اليمه

ياهو لينچتل منكم
وياهو ليضل ويانه

لمن سمع حچي اخته
جاوبها ابدمع هامی
يزينب خاطري اكسرتيه
وحچيك نحل اعظامي
يختي من اسولفلك
لاتبچين جدامي 

دمع عينچ علي غالي
من اشوفه ایذوب دلالي
يختي اتجلدي  اگبالي

تراها ارویحتی ذابت
ومن الهظم خلصانة 

من أصبح يبت حيدر
باچر تشب نار الكون
اول تحمل انصاري
وكلهم بالوغى يخلصون  
تگوم النوبة اهل بيتي
على جموع العده ايحملون

يختي ويعمر الميدان
وتخلص چتل هالشبان
وعضيدي گمر عدنان

يطيح اعله المسناية
يمه اتطيح ذرعانه


واظل بين العده وحدي
وكلها دايرة اعلیه
اخذ عاد عبدالله
ومنهم اطلب امیه
يطلع حرملة لطفلي
يطوگه بسهم المنية

واسدر بالطفل مذبوح.
ودمه على اذراعي يفوح
تضل أمه عليه اتنوح

من اتشوف عبدالله
دمه يسيل جروانه


اضل لجل اخوتی مهظوم
واجذب علطفل ونتی
والوح ابظهر میمونی
واطلع للحرب یختی
بیه اتدور عدوانه
یصیبون ابحجر غرتی
بلدم شیبی یتخضب
اوچبدی ابسهم یتصوب
واضل محتار یازینب
واگع من ظهر میمونی
علی تفزع الخوانه


اضل مرمی وللمخیم
یگصد یصهل احصانی
ایتخیلها زلم‌ بیها
او من اعدای تحمانی
تجینی للمعاره انتی
واطفالی او نسوانی
یم الشمر تلگینه
ایسل السیف بیمینه
واخیچ یگطع اونینه
اویا زینب والمخیم
اتشب الگوم نیرانه

تتتتتتتمممممممتتتتتت
کلمات المرحوم
سید عبدالحسین الشرع
🌾🌾🌾🌾

( تضميـن قصيـدة السيـد جعفـر الحلـي )

عبست وجوه القوم خوف الموت
والعباس فيهم ضاحك يتبسم
قلب اليمين على الشمال وغاص في
الاوساط يحصد بالرؤوس ويحطم
دخنت نار الحرايب والگمر شب ناره
عبست اوجوه الكتايب خايفه ومحتاره
الجيش ابو فاضل يگلبه ايمينه اعله ايساره
وغاص بالاعماق بيها يحصد ابتاره   
احساب حاسبها احساب   ،، طارت بسيفه ارگاب
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
وثنى ابو الفضل الفوارس نكصا
فرأوا اشد ثباتهم ان يهزموا
ماكر ذو بأس له متقدما
الا وفر ورأسه المتقدم
تسرفن اتسرفن وجاهم بيده شد احزامه
ضاكت الدنيا عليهم لمن لف الثامه
الفارس البالاف ينعد ركع تحت اجدامه
ويه فرت وجهه ليهم فروا من گدامه 
طب عليها العباس  ،، وظل يطگ راس براس
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
صبغ الخيول برمحه حتى غدا
سيان اشقر لونها والادهم
ماشد غضبانا على ملمومة
الا وحل بها البلاء المبرم
غضب وعيونه اتجادح ياهو يدناله
چن بلاء وحل عليها اتصور انت الحاله
صبغ بالدم الكتايب خيل والخياله
مات وگفه الظال يمه ولشرد هنياله 
والشرد منهم صاح ،، الف هنياله الطاح
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
وله الى الاقدام سرعة هارب
فكأنما هو بالتقدم يسلم
بطل تورث من ابيه شجاعة
فيها أنوف بني الضلالة ترغم
مثل لمح البصر طگهم واردف بطگاته
كلشي ماشافوا وسمعوا بس خفگ ريشاته
بطل من حيدر تورث بالحرب صولاته
شلون حيدر من يذلهم ذلهم بحملاته 
مثل حيدر لو صال  ،،  يكسر اخشوم ابطال
،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،
يلقي السلاح بشدة من بأسه
فالبيض تثلم والرماح تحطم
عرف المواعض لاتفيد بمعشر
صموا عن النبأ العظيم كما عموا
شاف ابو فاضل الوادم الحقد عاميها
بعد متفيد النصيحة ولا تأثر بيها
ناس عبادة دراهم والكره غاطيها
ريح صرصر هب عليهم ونگلب عاليها
انثلم بالروس السيف  ،، واخذ من عدها الحيف
،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،
فانصاع يخطب بالجماجم والكلا
فالسيف ينثر والمثقف ينظم
او تشتكي العطش الفواطم عنده
وبصدر صعدته الفرات المفعم
سمع عطشانه الفواطم ماي منه اتريده
وگال اوصلها الشريعه شما تصير ابعيده
لگه حراس الشريعه عاين وهز ايده
نبط عرج الغيره عنده وترس بيها البيده
وصل للماي بزود. ،،  وترس بچفوف الجود
،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،

حسين كاظم الطائي