tg-me.com/yusuf_tabrizoglu/150
Last Update:
۰
یئنی ایلینیز قوتلو اولسون
۱۴۰۴ـ جو ایل 🐍🐍🐍
یئنی ایلینیزی تبریک ائدیرم
عزیز حؤرمتلی یولداشلار، یاز بایرامین، اوغوز بایرامین، نوروز بایرامین، ایل بایرامین سیزلره قوتلو اولسون دئییریم، یئنی ایلینیز گؤزل، اومود دولو، یاشام دولو اولسون، آرزولارینیز هامیسی چین اولسون، تانری اوره یینیزده‌کین اووجونوزدا وئرسین، بوتون پیس گونلریمیز آرخادا قالیب گؤزل گونلر گلسین.
بایرامیدی گئجه قوشو اوخوردو،
آداخلی قیز، بی جورابین توخوردو،
هرکس شالین بیر باجادان سوخوردو،
آی نه گؤزل قایدادی شال ساللاماق،
بی شالینا، بایراملیغین باغلاماق.
..
شال ایسته دیم منده ائوده آغلادیم،
بیر شال آلیب تئز بئلیمه باغلادیم،
غلام گیله قاشدیم، شالی ساللادیم،
فاطما خالا منه جوراب باغلادی،
خان ننه می، یادا سالیب آغلادی.
..
بایرام اولوب قیزیل پالچیق ازللر،
ناقیش ووروب اوتاقلاری بزللر،
تاقچالارا، دوزمه لری دوزللر،
قیز– گلینین فیندیقچاسی، حناسی،
هوسله نر آناسی، قایناناسی،
..
باکی چی نین سؤزی، سووو، کاغیذی
اینکلرین بولاماسی آغیزی،
چرشنبه نین گیردکانی مویزی،
قیزلار دئیه ر آتیل- باتیل چرشنبه،
آینا تکین، بختیم آچیل چرشنبه.
..
یومورتانی گؤیچک گوللو بویاردیق،
چاققیشدیریب سینانلارین سویاردیق،
اویناماقدان بیرجه مگر دویاردیق؟
علی منه یاشیل آشیق وئره ردی،
ایرضا منه نوروز گولو درردی.
بولودوز یاغار اولسون ،
سولاریز آخار اولسون ،
اوجاغیز یانار اولسون ،
نوروز بایرامینیز قوتلو اولسون.
یئنی ایلده سیزه اوغورلار، گؤزل گونلر آرزولاییرام، یاشامینیز گؤزللیک دولو اولسون...
📝: یوسف شیرین پور(تبریزاوغلو)
https://www.tg-me.com/us/telegram/com.yusuf_tabrizoglu
https://www.tg-me.com/us/telegram/com.yusuf_tabrizoglu
BY Azerbaycan arshivi❤️
Share with your friend now:
tg-me.com/yusuf_tabrizoglu/150